Episcopal City Deanery News

ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಮುಖೆಲ್ಪಣಾರ್, ಮಾನಧಿಕ್ ಬಾಪ್ ಪ್ರವೀಣ್ ಲಿಯೊ ಲಸ್ರಾದೊ - ಮಂಗ್ಳುರ್ ದಿಯೆಸೆಜಿಚ್ಯಾ ಸಂಯೋಜಕ್ಪಣಾರ್ - ಕಥೊಲಿಕ್ ಶಿಕ್ಷಣ್ ಮಂಡಳಿ , ಸಿ.ಒ.ಡಿ.ಪಿ ಆನಿಂ ಸಾಂ ಅಲೋಶಿಯಸ್ ಕೊಲೇಜ್ ಸಿವಿಲ್ ಸರ್ವಿಸ್ ಎಕ್ಜ್ ಸೆಂಟರ್ ಹಾಂಚ್ಯಾ ಮಾರ್ಗದರ್ಶನ ಖಾಲ್ - ಸುರ್ವಾತ್ ಕೆಲ್ಲೆಂ “ಪ್ರೇರಣ್ – ಕ್ಯಾಚ್ ದೆಮ್ ಯಂಗ್” ಕಾರ್ಯಕ್ರಮ್ ಮುಂದರುನ್, ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಬಿಜೈ, ಕಾಸ್ಸಿಯಾ ಆನಿ ಜೆಪ್ಪು ಘಟಕಾಂತ್ ಆಗಸ್ಟ್ ಮಹಿನ್ಯಾಚ್ಯಾ 3 ತಾರೀಕೆರ್, ಆಯ್ತಾರಾ ಯಶಸ್ವಿ ರೀತಿನ್ ಚಲವ್ನ್ ವ್ಹೆಲೆಂ.

ಹೆಂ ಕಾರ್ಯಕ್ರಮ್ ಆಮ್ಚ್ಯಾ ಕ್ರಿಸ್ತಾಂವ್ ಸಮುದಾಯೆಚ್ಯಾ ಯುವಜಣಾಂಕ್ ತಾಂಚ್ಯಾ ತರ್ಣ್ಯಾ ಪ್ರಾಯೆರ್ ಥಾವ್ನ್ ಚ್ - ತಾಂಕಾಂ ಸರ್ಕಾರಿ ಕ್ಷೇತ್ರಾಂತ್ ಉನ್ನತ್ ಕಾಮಾಂ, ಐ.ಎ.ಎಸ್ , ಐ.ಪಿ.ಸ್ ತಸಲೆ ಸ್ಥಾನ್ ಮಾನ್ ಜೋಡುಂಕ್ ಕೇವಲ್ ತಾಂಕಾಂ ಪ್ರೇರಣ್ ದಿಂವ್ಚೆಂ ನೈಂ ಅಸ್ತಾಂ ತಾಂಕಾಂ ತಯಾರ್ ಕರ್ನ್, ತರ್ಭೆತಿ ಆನಿ ಮಾರ್ಗದರ್ಶನ್ ದೀವ್ನ್, ಗರ್ಜ್ ಪಡ್ಲ್ಯಾ ವೆಳಿಂ ಆರ್ಥಿಕ್ ಸಹಾಯ್ ಜಾಯ್ ದೀವ್ನ್ - ತಾಂಕಾಂ ಸರ್ಕಾರಿ ಕ್ಷೇತ್ರಾಂತ್ ಸ್ಥಾಪಿತ್ ಕರುನ್ ಆಮ್ಚ್ಯಾ ಸಮುದಾಯ್ ಪ್ರಗತಿ ಶೀಲ್ ಕರ್ಚ್ಯಾ ಭೋವ್ ವ್ಹರ್ತೆಂ ಯೋಜನ್ ಜಾವ್ನಾಸಾ.

ಬಿಜೈ ಘಟಕಾಚ್ಯಾ ಕಾರ್ಯಕ್ರಮ ವೆಳಿಂ ವೆದಿರ್, ಕೇಂದ್ರೀಯ್ ಆತ್ಮೀಕ್ ನಿರ್ದೆಶಕ್ ಬಾಪ್ ತಶೆಂಚ್ ಬಿಜೈ ಘಟಕಚೊ ಆತ್ಮೀಕ್ ನಿರ್ದೇಶಕ್ ಮಾನಾಧಿಕ್ ಬಾಪ್ ಜೆ. ಬಿ. ಸಲ್ಡಾನ್ಹಾ, ಕಥೊಲಿಕ್ ಬೋರ್ಡ್ ಒಫ್ ಎಜ್ಯುಕೇಶನಾಚೊ ತಶೆಂಚ್ ದಿಯೆಸೆಜಿಚ್ಯಾ ಪ್ರೇರಣ್ ಪಂಗ್ಡಾಚೊ ದಿರೊಕ್ತರ್ ಮಾ ಬಾಪ್ ಪ್ರವೀನ್ ಲಿಯೊ ಲಸ್ರಾದೊ, ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆ ಆತ್ಮಿಕ್ ನಿರ್ದೇಶಕ್ ಮಾ. ಬಾಪ್ ಜೋನ್ ವಾಸ್, ವಾರಾಡ್ಯಾಚಿ ಅಧ್ಯಕ್ಷ್ - ಮಾನೇಸ್ತಿಣ್ ಐಡಾ ಫುರ್ಟಾಡೊ, ವಾರಾಡೊ ಕಾರ್ಯದರ್ಶಿ ತಶೆಂಚ್ ಘಟಕ್ ಅಧ್ಯಕ್ಷ್ ಮಾನೇಸ್ತ್ ರೋಹನ್ ಎಲ್ ಸಿಕ್ವೇರಾ, ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತ್ ಅಶೋಕ್ ಪಿಂಟೊ, ಕಾರ್ಯದರ್ಶಿ ಮಾನೆಸ್ತಿಣ್ ಅವಿತಾ ಪಿಂಟೊ ಆನಿ ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ಗೋಡ್ವಿನ್ ಪಿಂಟೊ, ಕಾರ್ಯಾಚೊ ವಾರಾಡೊ ಸಂಚಾಲಕ್ ಮಾನೆಸ್ತ್ ದೀಪಕ್ ಡಿಸೋಜ, ಸವೆಂ ಹ್ಯಾ ಕಾರ್ಯಗಾರಾಚೆ ಸಂಪನ್ಮೂಲ್ ವ್ಯಕ್ತಿ ದಿಯೆಸೆಜಿಚ್ಯಾ ಪ್ರೇರಣ್ ಪಂಗ್ಡಾ ಥಾವ್ನ್ ಮಾನೆಸ್ತ್ ಪ್ಯಾಟ್ರಿಕ್ ಬ್ರ್ಯಾಗ್ಸ್ ಆನಿಂ ಮಾನೇಸ್ತ್ ರೊನಾಲ್ಡ್ ಪಿಂಟೊ ವೆದಿರ್ ಹಾಜರ್ ಅಸ್ಲೆ.

ಮಾ ಬಾಪ್ ಜೆ. ಬಿ. ಸಲ್ಡಾನ್ಹಾ ಹಾಣೆಂ ಕಾರ್ಯಗಾರಾಕ್ ಉದ್ದೇಶಿಸೊನ್ ಬರೆಂ ಮಾಗ್ಲೆಂ ಆನಿ ಆಮ್ಚ್ಯಾ ಭುರ್ಗ್ಯಾಂನಿ ಸಿವಿಲ್ ಸರ್ವಿಸ್ ಕಾಮಾಂ ಅಪ್ಣಾಂವ್ಕ್ ವ್ಹಡಿಲ್ಹಾಂನಿ ಆಸಕ್ತ್ ದಾಕಯ್ಜಯ್ ಆನಿ ಭುರ್ಗ್ಯಾಂಕ್ ಮಾರ್ಗದರ್ಶನ್ ದೀಜಾಯ್ ಮ್ಹಣನ್ ಉಲೊ ದಿಲೊ.

ಕಾಸ್ಸಿಯಾ ಘಟಕಾಚ್ಯಾ ಕಾರ್ಯಕ್ರಮ ವೆಳಿಂ ವೆದಿರ್, ಕಾಸ್ಸಿಯಾ ಘಟಕಚೊ ಆತ್ಮೀಕ್ ನಿರ್ದೇಶಕ್ ತಶೆಂಚ್ ವಿಗಾರ್ ಮಾನಾಧಿಕ್ ಬಾಪ್ ಎರಿಕ್ ಕ್ರಾಸ್ತಾ, ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆ ಅಧ್ಯಕ್ಷ್ - ಮಾನೇಸ್ತಿಣ್ ಐಡಾ ಫುರ್ಟಾಡೊ, ಘಟಕಾಚೊ ಅಧ್ಯಕ್ಷ್ ಮಾನೆಸ್ತ್ ಲಾಜರ್ ಎಂ. ಎ, ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತ್ ಆಶೋಕ್ ಫ್ರೆನಾಂಡಿಸ್, ಕಾರ್ಯಾಚೊ ವಾರಾಡೊ ಸಂಚಾಲಕ್ ಮಾನೆಸ್ತ್ ದೀಪಕ್ ಡಿಸೋಜ, ಸವೆಂ ಹ್ಯಾ ಕಾರ್ಯಗಾರಾಚೆ ಸಂಪನ್ಮೂಲ್ ವ್ಯಕ್ತಿ ದಿಯೆಸೆಜಿಚ್ಯಾ ಪ್ರೇರಣ್ ಪಂಗ್ಡಾ ಥಾವ್ನ್ ಮಾನೆಸ್ತಿಣ್ ಮ್ಯೂರಲ್ ಪಾಯ್ಸ್ ಆನಿ ಪ್ರೊ. ಆಲ್ವಿನ್ ಡಿಸೋಜ ವೆದಿರ್ ಹಾಜರ್ ಅಸ್ಲೆ.

ಮಾ ಬಾಪ್ ಎರಿಕ್ ಕ್ರಾಸ್ತಾ ಹಾಣೆಂ ಕಾರ್ಯಗಾರಾಕ್ ಉದ್ದೇಶಿಸೊನ್ ಬರೆಂ ಮಾಗ್ಲೆಂ ಆನಿ ಭುರ್ಗ್ಯಾಂನಿ ವಿದೇಶಿ ಕಾಮಾಂ ಥೈಂ ಮಾತ್ರ್ ಆಸಕ್ತ್ ದಾಕಯ್ನಾಸ್ತಾನ್ ಆಮ್ಚ್ಯಾ ಸಮುದಾಯೆಚ್ಯಾ ಬರ್ಯಾಪಣಾ ಖಾತಿರ್ ತಶೆಂಚ್ ತಾಂಚ್ಯಾ ಫುಡಾರಾ ಖಾತಿರ್ ಸಿವಿಲ್ ಸರ್ವಿಸ್ ಕಾಮಾಂ ಅಪ್ಣಾಜಾಯ್ ಆನಿ ವ್ಹಡಿಲ್ಹಾಂನಿ ಹ್ಯಾ ವಿಶಿಂ ಆಸಕ್ತ್ ದಾಕಯ್ಜಯ್ ಆನಿ ಭುರ್ಗ್ಯಾಂಕ್ ಮಾರ್ಗದರ್ಶನ್ ದೀಜಾಯ್ ಮ್ಹಣನ್ ಉಲೊ ದಿಲೊ.

ಜೆಪ್ಪು ಘಟಕಾಚ್ಯಾ ಕಾರ್ಯಕ್ರಮ ವೆಳಿಂ ವೆದಿರ್, ಜೆಪ್ಪು ಘಟಕಚೊ ಆತ್ಮೀಕ್ ನಿರ್ದೇಶಕ್ ತಶೆಂಚ್ ವಿಗಾವ್ ಬಾಪ್ ಮಾನಾಧಿಕ್ ಬಾಪ್ ಮ್ಯಾಕ್ಸಿಂ ಡಿಸೋಜ, ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆ ಅಧ್ಯಕ್ಷ್ - ಮಾನೇಸ್ತಿಣ್ ಐಡಾ ಫುರ್ಟಾಡೊ, ಘಟಕಾಚೊ ಅಧ್ಯಕ್ಷ್ ಮಾನೆಸ್ತ್ ಲ್ಯಾವ್ರನ್ ಲೋಬೊ, ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತ್ ಆಲ್ವಿನ್ ಮ್ರಿರಾಂದ, ಕಾರ್ಯದರ್ಶಿ, ಮಾನೆಸ್ತಿಣ್ ಮಾರಿಯೆಟ್ ಡಿಸೋಜ, ಕಾರ್ಯಾಚೊ ವಾರಾಡೊ ಸಂಚಾಲಕ್ ಮಾನೆಸ್ತ್ ದೀಪಕ್ ಡಿಸೋಜ, ಸವೆಂ ಹ್ಯಾ ಕಾರ್ಯಗಾರಾಚೆ ಸಂಪನ್ಮೂಲ್ ವ್ಯಕ್ತಿ ದಿಯೆಸೆಜಿಚ್ಯಾ ಪ್ರೇರಣ್ ಪಂಗ್ಡಾ ಥಾವ್ನ್ ಮಾನೆಸ್ತಿಣ್ ಶೆರಿಲ್ ಎಸ್. ಪ್ರಭು ಆನಿ ಮಾನೆಸ್ತ್ ಚಾರ್ಲ್ಸ್ ಲೋಬೊ ವೆದಿರ್ ಹಾಜರ್ ಅಸ್ಲೆ.

ಮಾ ಬಾಪ್ ಮ್ಯಾಕ್ಸಿಂ ಡಿಸೋಜ ಹಾಣೆಂ ಕಾರ್ಯಗಾರಾಕ್ ಉದ್ದೇಶಿಸೊನ್ ಬರೆಂ ಮಾಗ್ಲೆಂ ಆನಿ ಭುರ್ಗ್ಯಾಂನಿ ಸಿವಿಲ್ ಕಾಮಾಂ ಅಪ್ಣಾಂವ್ಕ್ ಗರ್ಜೆ ಅಸ್ಚಿಂ ಪರೀಕ್ಷಾ ಬರಂವ್ಕ್ ಹರ್ ಪ್ರಯತ್ನ್ ಕರಿಜಾಯ್ ಆನಿ ಹ್ಯಾ ಖಾತಿರ್ ಸಾತ್ವಾ ಕ್ಲಾಸಿ ಥಾವ್ನ್ ಚ್ ಆಸಕ್ತ್ ದಾಕವ್ನ್ ನ್ಯೂಸ್ ಪೇಪರ್ ವಾಸ್ಚೆಂ ತಶೆಂಚ್ ಪ್ರಸ್ತುತ್ ಪರಿಸ್ಥಿತೆಂತ್ ಸಂಸಾರಾಂತ್ ಜಾಂವ್ಚ್ಯಾ ಹರ್ಯೆಕ್ ಸಂಗ್ತಿಚಿ ಮಾಹೆತ್ ಅಪ್ಣಾಜಾಯ್ ಮ್ಹಣನ್ ಸಾಂಗುನ್ ವ್ಹಡಿಲ್ಹಾಂನಿ ಹ್ಯಾ ವಿಶಿಂ ಆಸಕ್ತ್ ದಾಕಯ್ಜಯ್ ಆನಿ ಭುರ್ಗ್ಯಾಂಕ್ ಮಾರ್ಗದರ್ಶನ್ ದೀಜಾಯ್ ಮ್ಹಣನ್ ಉಲೊ ದಿಲೊ.

ಸಂಪನ್ಮೂಲ್ ವ್ಯಕ್ತಿನಿಂ ಸಿವಿಲ್ ಸರ್ವಿಸ್ ಆನಿ, ಸರ್ಕಾರಿ ಕಾಮಾಂ ಆಮ್ಚ್ಯಾ ಯುವಜಣಾಂಕ್ ಪ್ರೆರಣ್ ದಿಂವ್ಚೆಂ ಆನಿಂ ತಾಂಕಾಂ ಹ್ಯಾ ಸರ್ವ್ ಕಾಮಾಂ ಘೆಂವ್ಕ್ ತಾಣೆಂ ಮಾಂಡೊನ್ ಹಾಡೊಂಕ್ ಜಾಯ್ ತ್ಯಾ ಶಿಸ್ತೆಚ್ಯಾ ಜೀವನಾ ವಿಶಿಂ ಸಂಕ್ಷಿಪ್ತ್ ರಿತಿನ್ ಮಾಹೆತ್ ದೀವ್ನ್ ಜಮ್ಲೆಲ್ಯಾ ಭುರ್ಗ್ಯಾಂಕ್, ಯುವಜಣಾಂಕ್ ಅನಿಂ ಪೋಶಕಾಂಕ್ ಪ್ರೇರಣ್ ದಿಲೆಂ.

ಬಿಜೈ ಘಟಕಾಂತ್ ಕಾರ್ಯಾಚೆಂ ಕಾರ್ಯನಿರ್ವಾಹಣ್ ಮಾನೇಸ್ತಿಣ್ ಗ್ರೇಸಿ ಡಿಸೋಜ ನ್, ಕಾಸ್ಸಿಯಾ ಘಟಕಾಂತ್ ಮಾನೆಸ್ತೀಣ್ನ್ ಆನಿ ಜೆಪ್ಪು ಘಟಕಾಂತ್ ಕುಮಾರಿ ರೇಶ್ಮ ಪೆನಿಯಾನ್ ಚಲವ್ನ್ ವ್ಹೆಲೆಂ.

ಜಮ್ಲೆಲ್ಯಾ ಸರ್ವಾಂಕ್ ಬಿಜೈ ಘಟಕಾಂತ್ - ಇಜಯ್ ಘಟಕಾಚೊ ಅಧ್ಯಕ್ಷ್ - ಮಾನೇಸ್ತ್ ರೋಹನ್ ಲಾರೆನ್ಸ್ ಸಿಕ್ವೇರಾ ನ್, ಕಾಸ್ಸಿಯ ಘಟಕಾಂತ್ ಸಮುದಾಯ್ ಅಭಿವೃದ್ಧಿ ಸಂಚಾಲಕ್ ಮಾನೆಸ್ತ್ ಜೇಸನ್ ಡಿಸೋಜಾನ್, ಜೆಪ್ಪು ಘಟಕಾಂತ್ ಸಮುದಾಯ್ ಅಭಿವೃದ್ಧಿ ಸಂಚಾಲಕ್ ಮಾನೆಸ್ತಿಣ್ ಜೆಸಿಂತಾ ಡಾಯಸ್ ಹಾಣಿಂ ಧನ್ಯಾವಾದ್ ಸಮರ್ಪಣ್ ಕೆಲೆಂ.

ವಾರಾಡ್ಯಾಚೊ ಕಾರ್ಯದರ್ಶಿ ಮಾನೆಸ್ತ್ ರೋಹನ್ ಸಿಕ್ವೇರಾ, ವಾರಾಡ್ಯಾಚೊ ನಿಕಟ್ ಪೂರ್ವ್ ಅಧ್ಯಕ್ಷ್ ಮಾನೆಸ್ತ್ ಸ್ಟೀವನ್ ರೊಡ್ರಿಗಸ್, ಉಪಾಧ್ಯಕ್ಷ್ ಮಾನೆಸ್ತ್ ಕ್ಲೀಟಸ್ ಲೋಬೊ, ಕಾರ್ಯಾಚೊ ಸಹಸಂಚಾಲಕ್ ಮಾನೆಸ್ತ್ ರೋವಿನ್ ಡಿಸೊಜ, ಖಜನ್ದಾರ್ ಮಾನೆಸ್ತಿಣ್ ಜೆಸ್ಸಿಂತಾ ಲೋಬೊ, ಸ್ತ್ರೀ ಹಿತಾ ಸಂಚಾಲಕಿ ಮಾನೆಸ್ತಿಣ್ ಲಿಝಿ ಪಿಂಟೊ, ಆಮ್ಚೊ ಸಂದೇಶ್ ಪ್ರತಿನಿಧಿ ಮಾನೆಸ್ತ್ ಲ್ಯಾನ್ಸಿ ಲಸ್ರಾದೊ, ಸಹಕಾರ್ಯದರ್ಶಿ ಮಾನೆಸ್ತ್ ವಿನ್ಸೆಂಟ್ ಡಿಸೋಜ, ಸಹ ಖಜನ್ದಾರ್ ಮಾನೆಸ್ತ್ ಸ್ಟೇಪನ್ ಮೊಂತೇರೊ, ಯುವಹಿತಾ ಸಂಚಾಲಕ್ ಮಾನೆಸ್ತ್ ಜೇಸನ್ ಡಿಸೋಜ,, ರಾಜಕೀಯ್ ಸಂಚಾಲಕ್ ಮಾನೆಸ್ತ್ ರೊನಾಲ್ಡ್ ಕುಲಾಸೊ, ಹಾಣಿಂ ಸರ್ವಾಂನಿ ಘಟಕಾಂಕ್ ಮಾರ್ಗದರ್ಶನ್ ದೀವ್ನ್, ಕಾರ್ಯಾಂವೆಳಿ ಹಾಜರ್ ಜಾವ್ನ್ ಕಾರ್ಯಾಚ್ಯಾ ಯಶಸ್ವಿಕ್ ಸಹಕಾರ್ ದಿಲಾ. ಅಕೇರಿಕ್ ತೀನೀಯೀ ಘಟಕಾಂನಿ ಸೊಮ್ಯಾಕ್ ದಿನ್ವಾಸೊನ್ ಹೆಂ ಕಾರ್ಯೆಂ ಸಮಾಪ್ತ್ ಕೆಲೆಂ. ಸಮೆಸ್ತಾಂಕ್ ದೇವ್ ಬರೆ ಕರುಂ.