ಪೊಂಪೈ ಮಾಯೆಚಾ ಫಿರ್ಗಜೆಂತ್ ಸಾಕ್ಸ್ ಆಯೋಗ್ ಪಂಗಡ್ ಆನಿ ಕಥೊಲಿಕ್ ಸಭಾ ಗುರ್ಪುರ್ ಘಟಕ್ ಹಾಂಚ್ಯಾ ಸಹಯೋಗಾನ್ ಪರಿಸರ್ ಆಯೋಗ್ ಜುಲೈ ಮಹಿನಾಚ್ಯಾ 06 ತಾರಿಕೆರ್ ಆಯ್ತಾರಾ ಸಕಾಳಿಂ 7.30 ವೊರಾಚ್ಯಾ ಮಿಸಾಚಾ ಬಲಿದಾನಾ ಸವೆಂ ವನಮಹೋತ್ಸವ್ ಆಚರಣ್ ಸುರ್ವಾತ್ಲೆಂ. ಫಿರ್ಗಜ್ ವಿಗಾರ್ ಭೊ|ಮಾ|ಬಾ| ರುಡೋಲ್ಫ್ ರವಿ ಡೆಸಾ ಬಾಪಾಂನಿ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟವ್ನ್ ಭೋವ್ ಅರ್ಥಾಭರಿತ್ ರಿತಿನ್ ದೆವಾಚೆ ಉತ್ರಾಂ ವಯ್ರ್ ಪ್ರಸಂಗ್ ದಿಲೊ. ಸಾಕ್ಸ್ ಆಯೋಗ್ ಪಂಗ್ಡಾಚಾ ಸಾಂದ್ಯಾನಿ ಲಿತುರ್ಜಿ ಚಲವ್ನ್ ವ್ಹೆಲಿ. ಉಪ್ರಾಂತ್ ಇಗರ್ಜೆಚ್ಯಾ ಉಗ್ತ್ಯಾ ಮೈದಾನಾರ್ ಫಿರ್ಗಜ್ಗಾರಾಂಕ್ ಧರ್ಮಾರ್ಥ್ ಝಡಾಂ ವಿತರಣ್ ಕರ್ಚೆಂ ಕಾರ್ಯಕ್ರಮ್ ಆನಿ ವನಮಹೋತ್ಸವ್ ಝಡ್ ಲಾಂವ್ಚೆ ಕಾರ್ಯೆಂ ಆಸಾ ಕೆಲ್ಲೆಂ. ಹ್ಯಾ ಕಾರ್ಯಕ್ರಮಾಕ್ ಅತ್ಮೀಕ್ ನಿರ್ದೇಶಕ್ ಭೊ.ಮಾ.ಬಾ. ರುಡೋಲ್ಫ್ ರವಿ ಡೆಸಾ, ಫಿ.ಗೊ.ಪ. ಉಪಾಧ್ಯಕ್ಷ್ ಶ್ರೀಮಾನ್ ರೋಮನ್ಸ್ ಲೋಬೊ, ಕಾರ್ಯದರ್ಶಿ ಶ್ರೀಮಾನ್ ಜೊನ್ಸನ್ ಲೋಬೊ, ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಸಾಕ್ಸ್ ಆಯೋಗ್ ಪಂಗ್ಡಾಚೊ ಸಂಚಲಾಕ್ ತಶೆಂಚ್ ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಶ್ರೀಮಾನ್ ಗ್ಲೇನ್ ರೋಶನ್ ಡಿಕುನ್ಹಾ, ಕಾರ್ಯದರ್ಶಿ ಶ್ರೀಮಾನ್ ಮೆಲ್ವಿನ್ ಡಿಸೋಜ ಆನಿ ಸಾಂದೆ ಪಾಂಚ್ ಆಯೋಗಾಂಚಿ ಕಾರ್ಯದರ್ಶಿ ಆನಿ ಸಾಂದೆ ಆಶೆಂ ಲಗ್ಬಕ್ 250 ಫಿರ್ಗಜ್'ಗಾರ್ ಹಾಜರ್ ಆಸ್ಲಿಂ. ಸಂಚಾಲಾಕ್/ಅಧ್ಯಕ್ಷನ್ ಜಮ್ಲೆಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ಅತ್ಮೀಕ್ ನಿರ್ದೇಶಕ್ ಬಾಪಾಂನಿ ಪರಿಸರ್ ರಾಕ್ವಣ್ ಆಮ್ಚೆಂ ಹರ್ಯೇಕ್ಲ್ಯಾಂಚೆ ಜವಾಬ್ದಾರಿ ಮ್ಹುಳ್ಳ್ಯಾವಿಶಿಂ ಅರ್ಪುಬಾಯೆಚೊ ಸಂದೇಶ್ ದಿಲೊ. ತಶೆಂಚ್ ಝಡಾ ಹಾಡ್ನ್ ಕಾರ್ಯಕ್ರಮ್ ಮಾಂಡುನ್ ಹಾಡ್ಲ್ಯಾ ಸಂಯೋಜಕಿ, ಸಂಚಾಲಕ್/ಅಧ್ಯಕ್ಷಕ್ ತಶೆಂಚ್ ಸಹಕರ್ ದಿಲ್ಲ್ಯಾ ಕಥೊಲಿಕ್ ಸಭೆಚ್ಯಾ ಸಾಂದ್ಯಾಕ್, ಆಯೋಗಾಚ್ಯಾ ಸಾಂದ್ಯಾಕ್ ಸರ್ವಾಂಕ್ ಹೊಗ್ಳಿಕ್ ಉಚಾರ್ನ್ ಉಪ್ಕಾರ್ ಭಾವುಡ್ಲೊ. ಉಪ್ರಾಂತ್ ಅತ್ಮೀಕ್ ನಿರ್ದೇಶಕ್ ಬಾಪಾಂನಿ ಫಿರ್ಗಜ್ಗಾರಾಂ ತರ್ಫೆನ್ ಫಿ.ಗೊ.ಪ. ಉಪಾಧ್ಯಕ್ಷ್, ಕಾರ್ಯದರ್ಶಿ ಆನಿ ಸಂಯೋಜಕಿಕ್ ಝಡ್ ವಿತರಣ್ ಕರ್ಚ್ಯಾ ಮಾರಿಫಾತ್ ಹ್ಯಾ ಕಾರ್ಯ್ಯಾಕ್ ಚಾಲನ್ ದಿಲೆಂ. ಆನಿ ಸರ್ವ್ ಮಾನಾಂಚಾ ಸಯ್ರ್ಯಾಂನಿ ತಶೆಂಚ್ ಕಥೊಲಿಕ್ ಸಭೆ ಥಾವ್ನ್ ಸಾಂಗಾತಾ ಮೆಳೊವ್ನ್ ಕಥೊಲಿಕ್ ಸಭಾ - 2025 ಮ್ಹುಳ್ಳೆ ಝಡ್ ಲಾಯ್ಲೆಂ. 22 ನಮೊನೆಚಿ 280 ಝಡಾಂ ಫಿರ್ಗಜ್ಗಾರಾಂಕ್ ವಿತರಣ್ ಕೆಲಿಂ. ಸಗ್ಳಿಂ ಜವಾಬ್ದಾರಿ ಆಯೋಗಾಂಚಿ ಸಂಯೋಜಕಿ ಆನಿ ಸಂಚಾಲಾಕ್/ಅಧ್ಯಕ್ಷ್ ಹಾಣಿಂ ಕಾಣ್ಘೆಲ್ಲಿ. ಹೆಂ ಕಾರ್ಯೆಂ ಘಟಕ್ ಅಧ್ಯಕ್ಷ್/ಸಂಚಾಲಾಕ್ ಶ್ರೀಮಾನ್ ಗ್ಲೇನ್ ರೋಶನ್ ಡಿಕುನ್ಹಾ ಹಾಣಿಂ ಚಲವ್ನ್ ವೆಲೆಂ. ಪ್ರಮೀತ್ ಡಿಸೋಜ ಹಾಣಿಂ ತಸ್ವೀರ್ ಕಾಡ್ನ್ ಸಹಕರ್ ದಿಲೊ.
