Episcopal City Deanery News

ಜುಲೈ ಮಹಿನ್ಯಾಚ್ಯಾ  27 ತಾರೀಕೆರ್, ಆಯ್ತಾರಾ - ಮಿಲಾಗ್ರಿಸ್ ಕೋಲೆಜ್ ಹಾಲ್ ಹಾಂಗಾಸರ್  - ಕಥೊಲಿಕ್  ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಮುಖೆಲ್ಪಣಾರ್, ಮಾನಧಿಕ್ ಬಾಪ್ ಪ್ರವೀಣ್ ಲಿಯೊ ಲಸ್ರಾದೊ - ಮಂಗ್ಳುರ್ ದಿಯೆಸೆಜಿಚ್ಯಾ ಸಂಯೋಜಕ್ಪಣಾರ್ - ಕಥೊಲಿಕ್ ಶಿಕ್ಷಣ್ ಮಂಡಳಿ , ಸಿ.ಒ.ಡಿ.ಪಿ ಆನಿಂ ಸಾಂ ಅಲೋಶಿಯಸ್ ಕೊಲೇಜ್ ಸಿವಿಲ್ ಸರ್ವಿಸ್ ಎಕ್ಜ್ ಸೆಂಟರ್ ಹಾಂಚ್ಯಾ ಮಾರ್ಗದರ್ಶನ ಖಾಲ್ - ಆಮ್ಚ್ಯಾ ಕ್ರಿಸ್ತಾಂವ್ ಸಮುದಾಯೆಚ್ಯಾ ಯುವಜಣಾಂಕ್ ತಾಂಚ್ಯಾ ತರ್ಣ್ಯಾ ಪ್ರಾಯೆರ್ ಥಾವ್ನ್ ಚ್ - ತಾಂಕಾಂ ಸರ್ಕಾರಿ ಕ್ಷೇತ್ರಾಂತ್ ಉನ್ನತ್ ಕಾಮಾಂ, ಐ.ಎ.ಎಸ್ , ಐ.ಪಿ.ಸ್ ತಸಲೆ ಸ್ಥಾನ್ ಮಾನ್ ಜೋಡುಂಕ್ ಕೇವಲ್ ತಾಂಕಾಂ ಪ್ರೇರಣ್ ದಿಂವ್ಚೆಂ ನೈಂ ಅಸ್ತಾಂ ತಾಂಕಾಂ ತಯಾರ್ ಕರ್ನ್, ತರ್ಭೆತಿ ಆನಿ ಮಾರ್ಗದರ್ಶನ್ ದೀವ್ನ್, ಗರರ್ಜ್ ಪಡ್ಲ್ಯಾ ವೆಳಿಂ ಆರ್ಥಿಕ್ ಸಹಾಯ್ ಜಾಯ್ ದೀವ್ನ್ - ತಾಂಕಾಂ ಸರ್ಕಾರಿ ಕ್ಷೇತ್ರಾಂತ್ ಸ್ಥಾಪಿತ್ ಕರುನ್ ಆಮ್ಚ್ಯಾ ಸಮುದಾಯ್ ಪ್ರಗತಿ ಶೀಲ್ ಕರ್ಚ್ಯಾ ಭೋವ್ ವರ್ತ್ಯಾ ಯೋಜನಾಕ್ - ಪಯ್ಲ್ಯಾನ್ -  ಮಿಲಾಗ್ರಿಸ್ ಫಿರ್ಗಜ್ - ಘಟಕಾ ಹಂತಾಚ್ಯಾ ಹ್ಯಾ ಯೋಜನಾಚೆ ಪಯ್ಲ್ಯಾ ಹಂತಾಚ್ಯಾ ಕಾರ್ಯಕ್ರಮಾಕ್ - ಉಗ್ತಾವಣ್ ಕಾರ್ಯಾಕ್ರಮ್ ಚಲೋವ್ನ್ ವೆಲೆಂ.

ಹ್ಯಾ ಉಗ್ತಾವಣ್ ಕಾರ್ಯಕ್ರಮಾಕ್ ವೆದಿರ್ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆ – ವಿಗಾರ್ ವಾರ್ವಾರ್ - ಮಾ ಬಾಪ್ ಬೊನವೆಂಚರ್ ನಜರೇತ್, ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆ ಅತ್ಮಿಕ್ ನಿರ್ದೇಶಕ್ ಮಾ. ಬಾಪ್ ಜೋನ್ ವಾಸ್, ಅಧ್ಯಕ್ಷ್ - ಮಾನೇಸ್ತಿಣ್ ಐಡಾ ಫುರ್ಟಾಡೊ, ಕಾರ್ಯದರ್ಶಿ ಮಾನೇಸ್ತ್ ರೋಹನ್ ಎಲ್ ಸಿಕ್ವೇರಾ , ಕಾರ್ಯಾಚೊ ವಾರಾಡೊ ಸಂಚಾಲಕ್ ಮಾನೆಸ್ತ್ ದೀಪಕ್ ಡಿಸೋಜ, ಸಹ ಸಂಚಾಲಕ್ ಮಾನೇಸ್ತ್ ರೊವಿನ್ ಡಿಸೋಜ, ಘಟಕ್ ಅಧ್ಯಕ್ಷ್ ಮಾನೆಸ್ತ್ ಡೇವಿಡ್ ಪಿರೇರಾ, ಕಾರ್ಯದರ್ಶಿ ಮಾನೆಸ್ತ್ ಸ್ಟೇಪನ್ ಮೊಂತೇರೊ, ಸವೆಂ ಹ್ಯಾ ಕಾರ್ಯಗಾರಾಚೆ ಸಂಪನ್ಮೂಲ್ ವ್ಯಕ್ತಿ ದಿಯೆಸೆಜಿಚ್ಯಾ ಪ್ರೇರಣ್ ಪಂಗ್ಡಾ ಥಾವ್ನ್ ಮಾನೇಸ್ತ್ ಫ್ರಾನ್ಸಿಸ್ ಡಿಕುನ್ಹಾ ಆನಿಂ ಮಾನೇಸ್ತ್ ಅಲ್ವಿನ್ ಡಿಸೋಜ ವೆದಿರ್ ಹಾಜರ್ ಅಸ್ಲೆ. ಮಾನೇಸ್ತ್ ಸ್ಟೀವನ್ ರೊಡ್ರಿಗಸ್ - ನಿಕಟ್ ಪೂರ್ವ್ ಅಧ್ಯಕ್ಷ್, ಎಪಿಸ್ಕೊಪಲ್ ಸಿಟಿ ವಾರಾಡೊ, ಸರ್ವ್ ವಾರಾಡೊ ಆನಿಂ ಮಿಲಾಗ್ರಿಸ್ ಘಟಕ್ ಹುದ್ದೆದಾರ್ ಹ್ಯಾ ಕಾರ್ಯವೆಳಿಂ ಉಪಸ್ಥಿತ್ ಅಸ್ಲೆ.

ವಿಗಾರ್ ವಾರ್ - ಮಾ ಬಾಪ್ ಬೊನವೆಂಚರ್ ನಜ್ರೆತ್  ಹಾಣೆಂ ಕಾರ್ಯಗಾರಾಕ್ ಉದ್ದೇಶಿಸೊನ್ - ಯುವಜಣಾಂಕ್ ಜಾಗೃತ್ ಜಾವ್ನ್ - ಅಸ್ಲೆಲೆ ಅವ್ಕಾಸ್ ಸಮ್ಜೊನ್ ಅನಿ ಘಲ್ಸೊನ್ - ಸಮುದಾಯೆಕ್ ನಾಂವ್ ಜೋಡ್ನ್ ಹಾಡ್ಚೆ ಬಲ್ವಾಂತ್ ಹಾತೆರಾಂ - ಆಮ್ಚ್ಯಾ ಯುವಜಣಾನಿಂ ಜಾಯ್ಜೆ ಮ್ಹಳೊ ಸಂದೇಶ್ ದಿಲೊ.  ಮಾ ಬಾಪ್ ಜೋನ್ ವಾಸ್  ಹಾಣೆಂ ಹೆಂ ಮಹತ್ವಾಚೆಂ ಯೋಜನ್ ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಮುಖೇಲ್ಪಣಾರ್ ಜಾಂವ್ಚೆಂ ಹ್ಯಾ ವೊರ್ತ್ಯಾ ಅನಿಂ ವಿಶೇಸ್ ಯೋಜನಾಕ್ ಸರ್ವಾಂಚೊ ಸಹಕಾರ್ ಅನಿಂ ಯುವಜಣಾಂ ಸವೆಂ ಆಮ್ಚ್ಯಾ ಸಮುದಾಯೆಚ್ಯಾ ಪೋಶಕಾಂಚೊ ಸಾಂಗಾತ್ ತಾಣೆಂ ಸಭೆರ್ ಮಾಗೊನ್ ಅಪ್ಲೊ ಸಂದೇಶ್ ದಿಲೊ. ಮಾನೇಸ್ತ್ ಫ್ರಾನ್ಸಿಸ್ ಡಿಕುನ್ಹಾ ಅನಿಂ ಮಾನೇಸ್ತ್ ಅಲ್ವಿನ್ ಡಿಸೋಜ ಹಾಣೆಂ ಸಿವಿಲ್ ಸರ್ವಿಸ್, ಸರ್ಕಾರಿ ಕಾಮಾಂ ಆಮ್ಚ್ಯಾ ಯುವಜಣಾಂಕ್ ಪ್ರೆರಣ್ ದಿಂವ್ಚೆಂ ಆನಿಂ ತಾಂಕಾಂ ಹ್ಯಾ ಸರ್ವ್ ಕಾಮಾಂ ಘೆಂವ್ಕ್ ತಾಣೆಂ ಮಾಂಡೊನ್ ಹಾಡೊಂಕ್ ಜಾಯ್ ತ್ಯಾ ಶಿಸ್ತೆಚ್ಯಾ ಜೀವನಾ ವಿಶಿಂ ಸಂಕ್ಷಿಪ್ತ್ ರಿತಿನ್ ಮಾಹೆತ್ ದೀವ್ನ್ ಜಮ್ಲೆಲ್ಯಾ 55 ಯುವಜಣಾಂಕ್ ಅನಿಂ ಪೋಶಕಾಂಕ್ ಪ್ರೇರಣ್ ದಿಲೆಂ.

ಕಾರ್ಯಾಚೆಂ ಕಾರ್ಯನಿರ್ವಾಹಣ್ ಮಾನೇಸ್ತ್ ಸ್ಟೀಫನ್ ಮೊಂತೇರೊ - ಸಹ ಖಜನ್ದಾರ್ ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡೊ ಆನಿ ಕಾರ್ಯದರ್ಶಿ ಮಿಲಾಗ್ರಿಸ್ ಘಟಕ್, ಹಾಣೆಂ ಚಲೋವ್ನ್ ವೆಲೆಂ. ಜಮ್ಲೆಲ್ಯಾ ಸರ್ವಾಂಕ್ ಮಾನೆಸ್ತಿಣ್ ಐಡಾ ಫುರ್ಟಾಡೊ -  ಅಧ್ಯಕ್ಷ್ ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡೊ ಹಿಣೆಂ ಧನ್ಯಾವಾದ್ ಸಮರ್ಪಣಾ ಸವೆಂ , ಸೊಮ್ಯಾಕ್ ದಿನ್ವಾಸೊನ್ ಹೆಂ ಕಾರ್ಯೆಂ ಸಮಾಪ್ತ್ ಕೆಲೆಂ.  ಸಮೆಸ್ತಾಂಕ್ ದೇವ್ ಬರೆ ಕರುಂ.