Kasargod Deanery News

ಸ್ತ್ರಿ ಸಂಘಟನ್ ಆನಿ ಸ್ತ್ರಿ ಅಭಿವೃದ್ಧಿ ಅಯೋಗ್, ಕಾಸರಗೋಡ್ ವಾರಾಡೊ ಸ್ತ್ರಿ ಸಂಘಟನ್ ಕಥೊಲಿಕ್ ಸಭಾ ಆನಿ ICYM ಮಂಜೇಶ್ವರ್ ಘಟಕ್, ಕೊಂಕ್ಣಿ ಮಾನ್ಯತಾ ದಿವಸಾಚ್ಯಾ ಸಂಧರ್ಭಿ ವಾರಡ್ಯಾ ಮಟ್ವಾರ್ ತಾರೀಕ್ 10-08-2025 ವೆರ್ ದೊನ್ಪಾರಾ 2 ವೊರಾರ್ ವೊವಿಯೋ ವೇರ್ಸ್ ಸ್ಪರ್ಧೊ ಮಂಜೇಶ್ವರ್ ಇಗರ್ಜೆ ಸಾಲಾಂತ್ ಮಾಂಡುನ್ ಹಾಡ್ಲೊ. ಹ್ಯಾ ಸ್ಪರ್ದ್ಯಾಕ್ ಅಧ್ಯಕ್ಷ್ ಜಾವ್ನ್ ಮಂಜೇಶ್ವರ್ ಫಿರ್ಗಜ್ ವಿಗಾರ್ ಮಾನಾದಿಕ್ ಬಾಪ್ ಎಡ್ವಿನ್ ಫ್ರಾನ್ಸಿಸ್ ಪಿಂಟೊ, ಮುಖೆಲ್ ಸಯ್ರೊ ಜಾವ್ನ್ ಮರಿಯಾಶ್ರಮ್ ಫಿರ್ಗಜ್‍ಚೆ ವಿಗಾರ್ ಮಾನಾದಿಕ್ ಬಾಪ್ ಗ್ರೆಗೋರಿ ಪಿರೇರಾ ಮಂಜೇಶ್ವರ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀ ವಿಜಿತ್ ಡಿ ಸೋಜ ಕಾರ್ಯದರ್ಶಿ ಶ್ರೀಮತಿ ಕ್ರಿಸ್ಟೀನ್ ಡಿ’ ಸೋಜಾ, ಸರ್ವ್ ಆಯೋಗಚಿ ಸಂಯೋಜಕಿ ತಶೆಂಚ್ ಸ್ತ್ರಿ ಸಂಘಟನ್ ಮಂಜೇಶ್ವರ್ ಘಟಕಾಚಿ ಅಧ್ಯಕ್ಷಿಣ್ ಶ್ರೀಮತಿ ರಿನಾ ಮೊಂತೇರೊ, ವಾರಾಡೊ ಸ್ತ್ರಿ ಆಯೋಗಚಿ ಸಂಯೋಜಕಿ ¯ವಿನಾ ಮೊಂತೇರೊ, ಕಥೊಲಿಕ್ ಸಭಾ ಕೇಂದ್ರಿಯ್ ಸಮಿತಿಚೊ ಖಜನ್ದಾರ್ ತಶೆಂಚ್ ವಾರಾಡೊ ಕಥೊಲಿಕ್ ಸಭಾ ಅಧ್ಯಕ್ಷ್ ಶ್ರೀ ಫ್ರಾನ್ಸಿಸ್ ಮೊಂತೇರೊ, ವರಯ್ಣಾರಾ ಶ್ರೀಮತಿ ಐರಿನ್ ರೆಬೆಲ್ಲೊ, ಆನಿ ಶ್ರೀ ಅನಿಲ್ ಡಿ’ಕುನ್ಹಾ, ಕಥೊಲಿಕ್ ಸಭಾ ಮಂಜೇಶ್ವರ್ ಘಟಕ್ ಅಧ್ಯಕ್ಷ್ ಶ್ರೀ ಫಿಲಿಪ್ ಮೊಂತೇರೊ, ICYM ಅಧ್ಯಕ್ಷ್ ಕುಮಾರಿ ಡಿನಾ ಡಿ ಸೋಜ ವೆದಿರ್ ಹಾಜರ್ ಆಸ್‍ಲ್ಲಿಂ.

ವಾರಾಡ್ಯಚ್ಯಾ ಫಿರ್ಗಜೆ ಥಾವ್ನ್ 7 ಪಂಗ್ಡಾನಿ ಭಾಗ್ ಘೆತ್ಲೊ. ಭಾಗ್ ಘೆತ್‍ಲ್ಲ್ಯಾ ಸರ್ವ್ ಪಂಗ್ಡಾಂನಿ ಭೋವ್ ಅಪುರ್ಬಾಯೆಚಾ ರಿತಿನ್ ವೊವಿಯೋ ವೇರ್ಸ್ ಸಾದೆರ್ ಕೆಲ್ಯೊ. ಪಯ್ಲೆಂ ಸ್ಥಾನ್ ಮರಿಯಾಶ್ರಮ್, ದುಸ್ರೆಂ ಸ್ಥಾನ್ ಬೋವಿಕಾನ, ಆನಿಂ ತಿಸ್ರೆಂ ಸ್ಥಾನ್ ವರ್ಕಾಡಿ, ಫಿರ್ಗಜ್ಯಾಂಕ್ ಫಾವೊ ಜಾಲೆಂ. ಭುಜಾವ್ಣೆಚಿ ಇನಾಮಾ ಉರ್‍ಲ್ಲ್ಯಾ ಪಂಗ್ಡಾನಿ ಅಪ್ಲಾಯ್ಲಿ. ಮುಖೆಲ್ ಸಯ್ರೊ ಅಧ್ಯಕ್ಷ್ ಆನಿ ವರಯ್ಣಾರಾಂನಿ ಬಹುಮಾನ್ ವಿತರಣ್ ಕರ್ನ್ ಆಪ್ಲೆ ಸಂದೇಶ್ ದಿಲೆ. ಹ್ಯಾ ಸ್ಪರ್ದ್ಯಾಂತ್ ಚಡುಣ್ 200 ಜಣಾನಿ ಭಾಗ್ ಘೆತ್ಲೊ ಶ್ರೀಮತಿ ವಿಲ್ಮಾ ಮೊಂತೇರೊ ಆನಿ ಶ್ರೀಮತಿ ರಿನಾ ಮೊಂತೇರೊ ನ್ ಕಾರ್ಯೆ ನಿರ್ವಹಣ್ ಕೆಲೆಂ. ICYM ಅಧ್ಯಕ್ಷ್ ಕುಮಾರಿ ಡಿನಾ ಡಿ ಸೋಜ ನ್ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಪಾಟಯ್ಲಿಂ. ಶ್ರೀಮತಿ ರೆಖಾ ಮೊಂತೇರೊ ಧನ್ಯವಾದ್ ಪಾಟಯ್ಲಿಂ. ಸೊಮಿಯಾಕ್ ಧಿನ್ವಾಸುಂಯಾ ಗಿತಾದ್ವಾರಿ ಕಾರ್ಯೆ ಸುಮಾರ್ 6.30 ವೊರಾರ್ ಸಂಪ್ಲೆ.