Episcopal City Deanery News

ಆಗಸ್ಟ್ 13 ತಾರಿಕೆರ್ , ಬುದ್ವಾರಾ - ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಮಹಿನ್ಯಾಚ್ಯಾ ಕಾರ್ಯಕಾರಿಣಿ ಸಭೆರ್ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ - ಮಿಲಾಗ್ರಿಸ್ ಘಟಕಾರ್ ಜಮ್ಲೆಲ್ಯಾ ಜಮಾತೆರ್ - ಭರತ್ ನಾಟ್ಯಮಾಂತ್ ವಿಶ್ವ ದಾಖ್ಲೊ ಕೆಲ್ಲ್ಯಾ ಕುಮಾರಿ ರೆಮೋನಾ ಇವೆಟ್ ಪಿರೇರಾ ಹಿಕಾ - ಹಿಚ್ಯಾ ವೊರ್ತ್ಯಾ ಸಾಧಾನಾಕ್ - ಮಾನ್ ಪತ್ರ್ , ಝೆಲೊ, ಮಾನಾಚಿ ಟೊಪ್ಪಿ, ಸನ್ಮಾನಾಚೊ ಶೊಲ್ ಪಾಂಗರ್ನ್ ಸನ್ಮಾನ್ ಕೆಲೆಂ. ಹ್ಯಾ ಕಾರ್ಯಾಕ್ ಎಪಿಸ್ಕೊಪಲ್ ಸಿಟಿ ವಾರಡ್ಯಾಚೆ - ವಿಗಾರ್ ವಾರ್ ತಶೆಂಚ್ ಮಿಲಾಗ್ರಿಸ್ ಫಿರ್ಗಜೆಚೆ ವಿಗಾರ್ ಮಾ ಬಾ ಬೊನವೆಂಚರ್ ನಜ್ರೆತ್, ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚಿ ಅಧ್ಯಕ್ಷ್ ಐಡಾ ಫುರ್ಟಾಡೊ , ಕಾರ್ಯದರ್ಶಿ ರೋಹನ್ ಸಿಕ್ವೇರಾ , ನಿಕಟ್ ಪೂರ್ವ ಅಧ್ಯಕ್ಷ್ ಸ್ಟೀವನ್ ರೊಡ್ರಿಗಸ್, ಖಜನ್ಡಾರ್ ಜೆಸಿಂತಾ ಲೋಬೊ , ವಾರಾಡೊ ಆನಿ ಕೇಂದ್ರಾಚೆ ಮಾಜಿ ಅಧ್ಯಕ್ಷ್ ಮಾನೇಸ್ತ್ ಅನಿಲ್ ಲೋಬೊ , ಮಾನೇಸ್ತ್ ನೈಜಿಲ್ ಪಿರೇರಾ, ವಾರಾಡ್ಯಾಚೆಂ ಅಧ್ಯಕ್ಷ್ ಮಾನೇಸ್ತಿಣ್ ನೊರಿನ್ ಪಿಂಟೊ, ಮಾನೇಸ್ತ್ ದೀಪಕ್ ಡಿಸೋಜ (ಸಂಚಾಲಕ್), ಮಾನೇಸ್ತ್ ಪ್ಯಾಟ್ರಿಕ್ ಡಿಸೋಜ , ಸರ್ವ್ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆ ಹುದ್ದೆದಾರ್ ಸಭೆರ್ ಹಾಜರ್ ಅಸೊನ್ - ಸರ್ವ್ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಸಾಂದ್ಯಾ ಸಮ್ಕಾರ್ ಸನ್ಮಾನ್ ಕರ್ನ್ ಕಾರ್ಯೆಂ ಚಲೋವ್ನ್ ವೆಲೆಂ.

ಕುಮಾರಿ ರೆಮೋನಾ ಇವೆಟ್ ಪಿರೇರಾ ಹಿಣೆ - ಭರತನಾಟ್ಯಂತ್ 170 ವೊರಾಂಚೊ ಅವಿರತ್ ಭರತ್ ನಾಟ್ಯ್ ನಾಚ್ ನಾಚೊನ್ ಬೋವ್ ಅಪ್ರೂಪ್ ಸಾಧನ್ - ಅಂತಾರಾರ್ಷ್ಟ್ರೀಯ್ ಹಂತಾರ್ ಕರ್ನ್ - ಗೋಲ್ಡನ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ಹಾಂತು ತಿಜೆಂ ನಾಂವ್ ಛಾಪುನ್ ಬೋವ್ ವೊಡ್ ಸಾಧನ್ ಕೆಲ್ಲ್ಯಾಕ್ ಆಮ್ಚ್ಯಾಚ್ ಮಂಗ್ಳುರ್ ಧರ್ಮ್ ಕ್ಷೇತ್ರಾಂತ್ಲೆಂ - ದಿಯೆಸೆಜಿಚ್ಯಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆಂ - ಮಿಲಾರ್ ಘಟಕಾಚ್ಯಾ ಮೊಗಾಚ್ಯಾ ಧುವೆನ್ ಕೆಲ್ಲ್ಯಾ ಸಾಧನಾಕ್ - ವಾರಾಡ್ಯಾ ಹಂತಾರ್ ಮಾನ್ ಕರ್ನ್ ಗೌರವ್ ಪ್ರಧಾನ್ ಕೆಲೊ.

ಹ್ಯಾ ಕಾರ್ಯಕ್ರಮ ವೆಳಿಂ ಮಿಲಾರ್ ಘಟಕಾನ್ ಅಧ್ಯಕ್ಷ್ ಡೇವಿಡ್ ಪಿರೇರಾ ಆನಿ ಹುದ್ದೆದಾರಾಂ ಸಾಂಗಾತಾ ತಶೆಂಚ್ ಕೂಳೂರು ಘಟಕಾನ್ ಅಧ್ಯಕ್ಷ್ ರೋವಿನ್ ಡಿಸೋಜ ಆನಿ ಹುದ್ದೆದಾರಾಂ ಸಾಂಗಾತಾ ರೆಮೋನಾ ಇವೆಟ್ ಪಿರೇರಾ ಹಿಚ್ಯಾ ವಿಶಿಷ್ಠ್ ಸಾಧನಾ ಖಾತಿರ್ ಘಟಕಾ ತರ್ಪೆನ್ ಸನ್ಮಾನ್ ಕಾರ್ಯೆಂ ಚಲವ್ನ್ ವೆಲೆಂ.

ಹ್ಯಾ ಕಾರ್ಯಕ್ ಕುಮಾರಿ ರೆಮೋನಾ ಹಾಚಿ ಅವುಯ್ ಗ್ಲ್ಯಾಡಿಸ್ ಸೆಲಿನ್ ಪಿರೇರಾ ಉಪಸ್ಥಿತ್ ಅಸ್ಲಿ. ಕುಮಾರಿ ರೆಮೋನಾ ಹಿಣೆ ಅಪ್ಲ್ಯಾ ಸಾಧನಾ ವಿಶಿಂ ಅನಿ ಹ್ಯಾ ಸಾಧನಾಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬೊರೆಂ ಕರುಂ ಮ್ಹಳೆಂ ಅನಿ ತಾಲೆಂತಾ ಸೊದುನ್ ಮಾನ್ ಕೆಲ್ಯಾಕ್ ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಹುದ್ದೆದಾರಾಂಚೊ ಆನಿ ಸಾಂದ್ಯಾಂಚೊ ಉಪ್ಕಾರ್ ಭಾವೊಡ್ಲೊ. ಮಾನೇಸ್ತ್ ಪ್ಯಾಟ್ರಿಕ್ ಡಿಸೋಜ - ವಲೇನ್ಶಿಯ , ವಾರಾಡೊ ಮಾಜೆ ಅಧ್ಯಕ್ಷ್, ಹಾಣೆಂ ಕಾರ್ಯ ನಿರ್ವಾಹಣ್ ಕರ್ನ್ ಭೋವ್ ಅಪುರ್ಭಾಯೆನ್ ಸನ್ಮಾನ್ ಕಾರ್ಯೆಂ ಚಲೋವ್ನ್ ವೆಲೆಂ.