Episcopal City Deanery News

ಆಮ್ಚ್ಯಾ ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಹಂತಾರ್ ಸಮುದಾಯೆಚ್ಯಾ ಯುವಜಣಾನಿಂ ಸರ್ಕಾರಿ ಉದ್ಯೋಗಾನಿಂ ಭರ್ತಿ ಜಾಂವ್ಕ್ ಅನಿ ತಾಂಚಿ ಆಸಕ್ತ್ ಚಡೊಂಕ್ ಅಮ್ಚ್ಯಾ ಸಮುದಾಯೆಚ್ಯಾ ಯುವಜಣಾಂಕ್ ಮಾಹೆತ್ ಅನಿಂ ಪ್ರೇರಣ್ ದೀವ್ನ್ ತಯಾರ್ ಕರ್ಚೆಂ ಯೋಜನ್ ಕಥೊಲಿಕ್ ಸಭಾ – ಎಪಿಸ್ಕೊಪಲ್ ಸಿಟಿ ವಾರಾಡೊ ಆನಿಂ ಪ್ರೇರಣ್ ದಿಯೆಸೆಜ್ ಸಮಿತಿಚ್ಯಾ ಜೋಡ್ ಅಶ್ರಯಾ ಖಾಲ್ - "ತರ್ಣಾಟ್ಯಾ ಪ್ರಾಯೆರ್ - ಆಮ್ಚೆ ಯುವಜಣ್ - ಸರ್ಕಾರಿ ಉದ್ಯೋಗಾಂ ಖಾತಿರ್' "PRERAN - CATCH THEM YOUNG' ಮ್ಹಳ್ಯಾ ಧ್ಯೇಯ್ ವಾಕ್ಯಾ ಖಾಲ್ - ಎದೊಳ್ಳ್ ಚ್ ಪಯ್ಲೆಂ ಹಂತ್ ಅಗಸ್ಟ್ ಮಹಿನ್ಯಾಂತ್ ಫಿರ್ಗಜ್ ಹಂತಾರ್ ಮಾಂಡೊನ್ ಹಾಡ್ಲೆಂ. ಹ್ಯಾ ಯೋಜನಾಚ್ಯಾ ಪಯ್ಲ್ಯಾ ಹಂತಾಕ್ ಸರ್ವಾಂ ಥಾವ್ನ್ ಬೊರೊ ಸಹಕಾರ್ ಆಮ್ಕಾಂ ಯೆದೊಳ್ಚ್ ಲಾಬ್ಲಾ. ಹ್ಯಾ ಪಯ್ಲ್ಯಾ ಹಂತಾರ್ ಸರಿಸುಮಾರ್ 600 ಭುರ್ಗ್ಯಾಂನಿಂ ಹ್ಯಾ - ತರ್ಭೇತಿ, ಮಾಹೆತ್ ಆನಿ ಪ್ರೇರಣ್ ಶಿಬಿರಾಂ ಥಾವ್ನ್ ಫಾಯ್ದೊ ಜೊಡ್ಲಾ ಆನಿಂ ಹಾಂಚ್ಯಾ ಪಯ್ಕಿಂ 250 ಚ್ಯಾಕೀ ಚಡಿತ್ ಯುವಜಣಾನಿಂ - ಸರ್ಕಾರಿ ಕಾಮಾಂ ಜೋಡುಂಕ್ ಅಪ್ಣಾಕ್ ಆಸಕ್ತ್ ಅಸಾ ಮ್ಹಣ್ ಅಮ್ಕಾಂ ತಿಳ್ಸಿಲೆಂ – ಹ್ಯಾ ದಿಶೆನ್ ಆಮ್ಚ್ಯಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾ ಹಂತಾರ್ – ಅಸಕ್ತ್ ಅಸ್ಲೆಲ್ಯಾ ಹ್ಯಾ ಸರ್ವ್ ಭುರ್ಗ್ಯಾಂಕ್ ದುಸ್ರ್ಯಾ ಹಂತಾಚ್ಯಾ ತರ್ಭೆತಿ ಅನಿ ಮಾಹೆತ್ ಶಿಬಿರಾಚಿ ಮಾಂಡವಳ್ – ಆಮಿಂ ಆಯ್ತಾರ, ನವೆಂಬರ್ ಮಹಿನ್ಯಾಚ್ಯಾ 02 ತಾರೀಕೆರ್ ಸಕಾಳಿಂ 9.00 ವೊರಾರ್ ಥಾವ್ನ್ ಸಾಂಜೆರ್ 4.00 ವೊರಾಂ ಮ್ಹಣಾಸರ್ – ಶಾಂತಿಕಿರಣ್ ಬಜ್ಜೋಡಿ ಹಾಲ್ ಹಾಂಗಸರ್ ಮಾಂಡೊನ್ ಹಾಡ್ಲೆಂ.

ಹ್ಯಾ ದುಸ್ರ್ಯಾ ಹಂತಾರ್ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ 11 ಫಿರ್ಗಜಾಂ ಥಾವ್ನ್ 142 ಭುರ್ಗ್ಯಾನಿಂ ಹ್ಯಾ ಶಿಬಿರಾಂತ್ ಪಾತ್ರ್ ಘೆತ್ಲೊ.

ಹ್ಯಾ ಯೋಜನಾಚ್ಯಾ ದುಸ್ರ್ಯಾ ಹಂತಾಚೆಂ ಉದ್ಘಾಟನ್ – ಮಾ ಬಾ ಸಂತೋಷ್ ಡಿಸೋಜ ದಿರೆಕ್ತೋರ್ ದಿಯೆಸಿಸ್ ಪಾಸ್ಟ್ರಾಲ್ ಸೆಂಟರ್ ಬಜ್ಜೋಡಿ ಹಾಣಿಂ ಕೆಲೆಂ . ವೇದಿರ್ – ಮಾ ದೊ ಪ್ರವೀಣ್ ಲೀಯೊ ಲಸ್ರಾದೊ – ಪ್ರೇರಣ್ ದಿಯೆಸಿಜ್ ಸಮಿತಿಚೆ ಸಂಯೋಜಕ್, ಮಂಗ್ಳುರ್ ಕಥೊಲಿಕ್ ಕೊ-ಅಪರೇಟಿವ್ ಎಂ.ಸಿ.ಸಿ ಬ್ಯಾಂಕಾಚೊ ಚೇರ್ ಮ್ಯಾನ್ ಮಾನೇಸ್ತ್ ಅನಿಲ್ ಲೋಬೊ – ಪ್ರಮುಕ್ ಪೋಷಕ್ ಜಾವ್ನ್, ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆ - ಅತ್ಮಿಕ್ ನಿರ್ದೇಶಕ್ ಮಾ ಬಾ ಜೋನ್ ವಾಸ್, ಅಧ್ಯಕ್ಷ್ ಮಾನೇಸ್ತಿಣ್ ಐಡಾ ಫುರ್ಟಾಡೊ, ಕಾರ್ಯದರ್ಶಿ ಮಾನೇಸ್ತ್ ರೋಹನ್ ಸಿಕ್ವೇರಾ, ಕಾರ್ಯಾಚೊ ಸಂಚಾಲಕ್ ಸಮುಧಾಯ್ ಅಭಿವೃಧಿ ಸಂಚಾಲಕ್ ಮಾನೇಸ್ತ್ ದೀಪಕ್ ಡಿಸೋಜ ವೇದಿರ್ ಉಪಸ್ಥಿತ್ ಅಸ್ಲೆ.

ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಇನ್ಸ್ಟಿಟ್ಯೂಟ್ ಫಾರ್ ಇಂಡಿವಿಜುವಲ್ ಡೆವಲಪ್ಮೆಂಟ್ ಹಾಚೊ ನಿರ್ದೇಶಕ್ ಪ್ರೊ. ರೊನಾಲ್ಡ್ ಪಿಂಟೊ, ಸೇಂಟ್ ಅಲೋಶಿಯಸ್ ಕಾಲೇಜಿಚ್ಯಾ ರಾಜ್ಯಶಾಸ್ತ್ರಚೊ ಪ್ರಾಧ್ಯಾಪಕ್ ಪ್ರೊ. ಆಲ್ವಿನ್ ಡಿಸೋಜಾ, ಸರ್ವಜನ್ಯಾ ಐಎಎಸ್ ಅಕಾಡೆಮಿಚೊ ನಿರ್ದೇಶಕ್ ಲಯನ್ ಸುರೇಶ್ ಎಂ. ಎಸ್. ವೇದಿಕೆರ್ ಉಪಸ್ಥಿತ್ ಅಸ್ಲೆ ಅನಿಂ ಯಶಸ್ವೆನ್ ತಾಣಿಂ ಹೆಂ ಶಿಬಿರ್ ಪರಿಪೂರ್ಣ್ ಮಾಹೆತ್ ದೀವ್ನ್ ಚಲೋವ್ನ್ ವೆಲೆಂ.

ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ – ಸ್ತ್ರಿ ಹಿತಾ ಸಂಚಾಲಕಿ ಮಾನೇಸ್ತಿಣ್ ಲಿಝಿ ಪಿಂಟೊ ಹಿಣೆಂ ಕಾರ್ಯ ನಿರೂಪಣ್ ಕೆಲೆಂ, ಖಜನ್ದಾರ್ ಮಾನೇಸ್ತಿಣ್ ಜೆಸಿಂತಾ ಲೋಬೊ ಹಿಣೆಂ ಪ್ರಾರ್ಥನ್ ವಿಧಿ ಚಲೋವ್ನ್ ವೆಲಿ ಆನಿಂ ಕಾರ್ಯದರ್ಶಿ ರೋಹನ್ ಲಾರೆನ್ಸ್ ಸಿಕ್ವೇರಾನ್ ಧನ್ಯವಾದ್ ಪಾಟಯ್ಲೆ.

ಕಥೊಲಿಕ್ ಶಿಕ್ಷಣ್ ಸಂಸ್ಥೊ ಆನಿಂ ಸಿ.ಒ.ಡಿ.ಪಿ ಹಾಂಚ್ಯಾ ಸಹಕಾರಾನ್ – ದಿಯೆಸೆಜಿಚ್ಯಾ – ‘ಪ್ರೇರಣ್’ ಕಮಿಟಿಚ್ಯಾ ಜೋಡ್ ಅಶ್ರಾಯ ಖಾಲ್ ಶಾಂತಿ ಕಿರಣ್ ಹಾಲ್ ಬಜ್ಜೋಡಿ ಹಾಂಗಾಸರ್ ಸಕಾಳಿಂಚೊ ನಸ್ಟೊ – ದನ್ಪರಾಚೆ ಜೆವಾಣ್ – ಆನಿಂ ಮಿಸಾಚೆಂ ಬಲಿಧಾನಾ ಸವೆಂ – ದುಸ್ರ್ಯಾ ಹಂತಾಚೆಂ ತರ್ಭೆತಿ ಅನಿ ಮಾಹೆತ್ ಕಾರ್ಯಗಾರ್ – ಯಶಸ್ವೆನ್ ಮಾಂಡೊನ್ ಹಾಡ್ಲೆಂ.

ಮಾ ಬಾ ಸಂತೋಷ್ ರೊಡ್ರಿಗಸ್ ಹಾಣಿಂ ಹೆಂ ಶಿಬಿರ್ ಕಿತ್ಯಾಕ್ ಆಮ್ಕಾಂ ಸರ್ಕಾರಿಂ ಕಾಮಾಂ?, ಆಮ್ಚ್ಯಾ ದೇಶಾಂತ್ ಕಾಮ್ ಕರ್ನ್ ಫುಡಾರ್ ಜೊಡ್ಚಿ ಅವಶ್ಯಕತಾ ಕಿತೆಂ ಅಸಾ? ಕಿತ್ಯಾ ಖಾತಿರ್ ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡೊ ಆನಿಂ ಪ್ರೇರಣ್ ದಿಯೆಸೆಜ್ ಕಮಿಟಿ ಸಾಂಗಾತಾ ಮೆಳೊನ್ ಹೊ ವಾವ್ರ್ ಕರೊಂಕ್ ಮುಖಾರ್ ಆಯ್ಲ್ಯಾಂತ್ ? ಕಿತ್ಯಾಕ್ ಭುರ್ಗ್ಯಾಂಚ್ಯಾ ಪೋಷಕಾನಿಂ, ಯುವಜಣಾನಿಂ ಹ್ಯಾ ಯೋಜನಾ ವಿಶಿಂ ಅಸಕ್ತ್ ದಾಖಯ್ಜಯ್ ಮ್ಹಳ್ಯಾ ವಿಶಿಂ ಜಮ್ಲೆಲ್ಯಾ ಯುವಜಣಾಂಕ್ ಅನಿಂ ಪೋಷಕಾಂಕ್ – ಅಮ್ಚ್ಯಾ ಸಮುದಾಯೆಚ್ಯಾ ಲೊಕಾನಿಂ ಸರ್ವ್ ಸರ್ಕಾರಿಂ ಕಾಮಾಂ ಥಂಯ್ ಅಸಕ್ತ್ ಜೋಡ್ನ್ ಘೆಂವ್ಕ್ ಅಸಕ್ತ್ ಘೆಜೆ ತಶೆಂಚ್ – ಯೆತೆತ್ಯಾ ದಿಸಾನಿಂ ಚಡಿತ್ ರಿತಿನ್ ಹ್ಯಾ ಯೋಜನಾಚೊ ಫಾಯ್ದೊ ಜೊಡಿಜಯ್ ಮುಣ್ ಅನಿಂ ಅಮ್ಚ್ಯಾ ಬೊ೦ವಾರಿ ಲಾಬ್ಚ್ಯಾ ಅತ್ಯುತ್ತಮ ಶಿಕ್ಷಣ್ ವ್ಯವಸ್ಥೆಚ್ಯಾ ಮುಖಾ೦ತ್ರ್ ಅಮ್ಚ್ಯಾ ರಾಷ್ಟ್ರಕ್ ಸಾಧ್ಯ ಜಾತಾ ತಿತ್ಲ್ಯಾ ಮಟ್ಟಾರ್ ಉತ್ತೀಮ್ ರೀತಿಚಿ ಸೇವಾ ದೀ೦ವ್ಕ್ ಅಮಿ ತಯಾರ್ ಅಸಾಜೆ” ಮ್ಹಣ್ ಅಪ್ಲೊ ಸಂದೇಶ್ ದಿಲೊ.

ದೈಜಿ ವರ್ಲ್ಡ್ ಹಾಚೊ ಸ್ಥಾಪಕ್ ಮಾನೇಸ್ತ್ ವಾಲ್ಟರ್ ನಂದಳಿಕೆ ಹಾಣಿಂ ಉಪಸ್ಥಿತ್ ಅಸೊನ್ ಎಕಾ ವೊರಾಚೆಂ – ಉತ್ಸಾಹ್ ಧಾಯೆಕ್ ಶಿಬಿರ್ ಯುವಜಣಾಂ ಖಾತಿರ್ ಚಲೋವ್ನ್ ವೆಲೆಂ ಅನಿಂ ಯುವಜಣಾಂಕ್ ಸರ್ಕಾರಿ ಕಾಮಾಂ ಥಂಯ್ ಅನಿಂ ಜೆಂ ಕಿತೆಂ ಅಮ್ಚ್ಯಾ ಗಾವಾಂತ್ ಅಸೊನ್ ಅಮಿಂ ಸಾದ್ಸುಂಕ್ ಜಾತಾ ಮ್ಹಳ್ಯಾ ವಿಶಿಂ ಅಪ್ಲಿಂ ಭೊಗ್ಣಾಂ ವಾಂಟೊನ್ ಘೆತ್ಲಿ ಅನಿಂ ತಿಂ ಯುವಜಣಾಂಕ್ ಚಡ್ ಪಸಂದ್ ಜಾಲಿಂ.

ಹ್ಯಾ ಕಾರ್ಯಕ್ರಮಾಕ್ ಸಹಕಾರ್ ದಿಲ್ಯಾ, ಘಟಕ್ ಅಧ್ಯಕ್ಷ್ ಅನಿಂ ಹುದ್ದೆದಾರಾಂಕ್, ಘಟಕ್ ಅತ್ಮಿಕ್ ನಿರ್ದೇಶಕ್ ಬಾಪಾಂಕ್, ಸರ್ವ್ ಘಟಕಾ ಥಾವ್ನ್ ಯೇವ್ನ್ ಶಿಬಿರಾಚೊ ಫಾಯ್ದೊ ಜೊಡ್ಲೆಲ್ಯಾ ಯುವಜಣಾಂಕ್ , ಪೋಷಕಾಂಕ್ - ಸರ್ವಾಂಕ್ ದೇವ್ ಬೊರೆಂ ಕರುಂ ಮ್ಹಳೆಂ ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಅಧ್ಯಕ್ಷ್ ಮಾನೇಸ್ತಿಣ್ ಐಡಾ ಫುರ್ಟಾಡೊನ್. ಹ್ಯಾ ಕಾರ್ಯಾಚ್ಯಾ ಯಶಸ್ವೆಕ್ ಸೊಮ್ಯಾಕ್ ದಿನ್ವಾಸೊನ್ ಹೆಂ ಕಾಯ್ರೆಂ ಸಮಾಪ್ತ್ ಕೆಲೆಂ.