Diocesan News

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್(ರಿ) ಹಾಂಚ್ಯಾ ಮುಖೇಲ್ಪಣಾಖಾಲ್ 2026 ವ್ಯಾ ವರ್ಸಾಚೊ ಸ್ತ್ರೀಯಾಂಚೊ ದೀಸ್ ದಿನಾಂಕ್ 8/3/2026 ವೆರ್ ಸಕಾಳಿಂ 11 ವರಾರ್ ಗೊವ್ಳಿ ಬಾಪಾಂಚ್ಯಾ ನಿವಾಸಾಚ್ಯಾ  ಸಭಾಸಾಲಾಂತ್ ಚಲವ್ನ್ ವ್ಹೆಲೊ.

ಕಾರ್ಯಕ್ರಮಾಚೆಂ ಉಗ್ತಾವಣ್ ಕಾರ್ಯೆಂ ಕೇಂದ್ರೀಯ್ ಸಮಿತಿಚ್ಯಾ ದಾದ್ಲ್ಯಾಂನಿ ಕೆಲೆಂ. ಕಥೊಲಿಕ್ ಸಭಾ ಮಾಜಿ ಅಧ್ಯಕ್ಷ್ ತಶೆಂಚ್ಚ್ ಪಿಆರ್.ಓ ಮಾನೆಸ್ತ್ ರೋಲ್ಫಿ ಡೊಕೋಸ್ತಾನ್ ಆಪ್ಲ್ಯಾ ಮಧುರ್ ತಾಳ್ಯಾನ್ ಸ್ತ್ರೀಯಾಂಕ್ ಉಲ್ಲಾಸುನ್ ಗೀತ್ ಗಾಯ್ಲೆಂ. ಕಾರ್ಯಾಚೆ ಅಧ್ಯಕ್ಷ್ ಕಥೊಲಿಕ್ ಸಭಾ ಕೇಂದ್ರೀಯ್ ಅಧಕ್ಷ್ ಮಾನೆಸ್ತ್ ಸಂತೋಷ್ ಡಿ ಸೋಜಾ ಬಜ್ಪೆ ಜಾವ್ನಾಸ್ಲೆ.

ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಸೈಂಟ್ ಎಲೋಶಿಯಸ್ ಹಾಂಗಾಚಿ ಪ್ರಾಧ್ಯಾಪಕಿ ಮಾನೆಸ್ತಿಣ್ ರೀಟಾ ಕ್ರಾಸ್ತ ಹಾಣಿಂ ಸ್ತ್ರೀಯಾಂ ವಿಶಿಂ ವಾಖಾಣ್ಣಿ ಕೆಲಿ. ಕಥೊಲಿಕ್ ಸಭಾ ಕೇಂದ್ರೀಯ್ ಕಾರ್ಯದರ್ಶಿ ಮಾನೆಸ್ತಿಣ್ ವಿಲ್ಮಾ ಮೊಂತೇರೊ, ಕೇಂದ್ರೀಯ್ ಖಜನ್ದಾರ್ ಮಾನೆಸ್ತ್ ಫ್ರಾನ್ಸಿಸ್ ಮೊಂತೆರೊ, 2025-26 ವ್ಯಾ ವರ್ಸಾಚಿ ಸ್ತ್ರೀ ಸಶಸ್ತ್ರೀಕರಣ್ ಸಂಚಾಲಕಿ ಮಾನೆಸ್ತಿಣ್ ಲವೀನಾ ಪಿಂಟೊ ವೆದಿರ್ ಹಾಜರ್ ಆಸ್ಲಿಂ. ಮಾನೆಸ್ತ್ ಜೋರ್ಜ್ ಲಿಗೋರಿ ಹಾಣಿ ಕಾರ್ಯೆಂ ನಿರ್ವಹಣ್ ಕೆಲೆಂ.

ಮನೋರಂಜನಾ ಖಾತಿರ್ ಥೊಡೆ ಖೆಳ್ ಮಾನೆಸ್ತಿಣ್ ಸೋನಿಯಾ ಅನಿತಾ ಡಿಸೋಜಾ ಆನಿ ಮಾನೆಸ್ತಿಣ್ ವೈಲೆಟ್ ಫೆರ್ನಾಂಡಿಸ್ ಹಾಣಿ ಆಸಾ ಕರ್ನ್ ಇನಾಮಾಂ ವಾಂಟ್ಲಿಂ. ಸಂಗೀತ್ ಶೆತಾಂತ್ ಲ್ಹಾನ್ ಪ್ರಾಯೆರ್ ಥಾವ್ನ್ ವಿಶೇಷ್ ಸಾಧನ್ ಕೆಲ್ಲ್ಯಾ ಕುಮಾರಿ ರೀಷಲ್ ಮೆಲ್ಬಾ ಕ್ರಾಸ್ತ, ಕರ್ನಾಟಕ ಪರಿಸರ ಪ್ರವಾಸೋದ್ಯಮ ಅಭಿವೃದ್ಧಿ ಮಂಡಳಿ, ಹಾಚಿ ಅಧ್ಯಕ್ಷಿಣ್ ಮಾನೆಸ್ತಿಣ್ ಶಾಲೆಟ್ ಪಿಂಟೊ, ಆಯ್ಲೆವಾರ್ ಕಿನ್ನಿಗೋಳಿ ಪಟ್ಟಣ ಪಂಚಾಯತಾಂತ್ ವಿಂಚುನ್ ಆಯಿಲ್ಲಿ ಮಾನೆಸ್ತಿಣ್ ಝೀಟಾ ಸುನಿತಾ ರೊಡ್ರಿಗಸ್, ಬಜ್ಪೆ ಪಟ್ಟಣ ಪಂಚಾಯತಾಂತ್ ವಿಂಚುನ್ ಆಯಿಲ್ಲಿ ಮಾನೆಸ್ತಿಣ್ ವೀಣಾ ಡಿಸೋಜಾ, ಕಾಸರಗೋಡ್ ಜಿಲ್ಲೆ, ಮಧೂರ್ ಪಂಚಾಯತ್ ಥಾವ್ನ್ ವಿಂಚುನ್ ಆಯಿಲ್ಲಿ ಮಾನೆಸ್ತಿಣ್ ಮಂಜು ಕೆ.ವಿಜಯ್, ಕೊಲ್ಲಂಗಾಣ, ಕುಂಬಾಡಗೆ ಪಂಚಾಯತ್ ಥಾವ್ನ್ ಮಾನೆಸ್ತಿಣ್ ಬಬಿತಾ ರೇಷ್ಮಾ, ನಾರಂಪಾಡಿ, ಪೈವಳಿಕೆ ಪಂಚಾಯತ್ ಥಾವ್ನ್ ಮಾನೆಸ್ತಿಣ್ ಪ್ರಿನ್ಸಿ ಮರಿಯಾ, ಕಯ್ಯಾರ್, ಕೆದಂಬಾಡಿ ಪಂಚಾಯತ್ ಥಾವ್ನ್ ಮಾನೆಸ್ತಿಣ್ ಲೀನಾ ಟೆಲ್ಲಿಸ್, ವರ್ಕಾಡಿ ಹಾಂಕಾ ತಶೆಂಚ್ಚ್ ಪವಿತ್ರ್ ಪುಸ್ತಕ್ ಹಾತಾಂನಿ ಬರವ್ನ್ ಸಾಧನ್ ಕೆಲ್ಲ್ಯಾ ಮಾನೆಸ್ತಿಣ್ ಜೆಸಿಂತಾ ಡಿಮೆಲ್ಲೊ, ಆಲಂಗಾರ್, ಮಾನೆಸ್ತಿಣ್ ಫ್ಲಾವಿಯಾ ಕುವೆಲ್ಲೊ, ಆಲಂಗಾರ್, ಮಾನೆಸ್ತಿಣ್ ಹೆಲೆನ್ ಲೋಬೊ, ಆಲಂಗಾರ್ ಹಾಂಕಾ ಶೋಲ್, ಯಾದಿಸ್ತಿಕಾ, ಆನಿ ಫಳ್ ವಸ್ತು ದೀವ್ನ್ ಮಾನ್ ಕೆಲೊ. ಸರ್ವ್ ಘಟಕ್ ಸ್ತ್ರೀಹಿತಾ ಸಂಚಾಲಿಕಿ ಆನಿ ಕೇಂದ್ರೀಯ್ ಸಮಿತಿಚ್ಯಾ ಸರ್ವ್ ಸ್ತ್ರೀಯಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ ಆನಿ ಸ್ತ್ರೀಯಾಂಚ್ಯಾ ದಿಸಾಚೆ ಶುಭಾಶಯ್ ಪಾಠಯ್ಲೆ. ಅಧ್ಯಕ್ಷಾನ್ ತಾಂಚೊ ಸಂದೇಶ್ ದಿಲೊ. ಲೋಕ್ ಕಶೆಂ ಜಿಯೆಲ್ಯಾರೀ ಉಲಯ್ತಾ ದೆಕುನ್ ಲೊಕಾಂಚ್ಯಾ ಉತ್ರಾಂಕ್ ಕಾನ್ ದೀನಾಸ್ತಾನಾ ಆಮ್ಚೊ ವಾವ್ರ್ ಆನಿ ಸೆವಾ ಆಮಿ ಕರಿಜೆ ಮ್ಹಣ್ ಉಲೊ ದಿಲೊ. ಸನ್ಮಾನಿತಾಂ ಪಯ್ಕಿ ಮಾನೆಸ್ತಿಣ್ ಶಾಲೆಟ್ ಪಿಂಟೊ ಉಲವ್ನ್ ಬರೆಂ ಮಾಗ್ಲೆಂ ಆನಿ ಕಥೊಲಿಕ್ ಸಭಾ ಅಧ್ಯಕ್ಷ್ ಸ್ಥಾನಾಕ್ ಸ್ತ್ರೀಯಾಂಕ್ ಆವ್ಕಾಸ್ ದೀಂವ್ಕ್ ಉಲೊ ದಿಲೊ. ಹಾಜರ್ ಜಾಲ್ಲ್ಯಾ ಸರ್ವಾಂಕ್ ದನ್ಪಾರಾಂಚೆ ಜೆವಾಣ್ ಆಸಾ ಕೆಲ್ಲೆಂ. ಕಾರ್ಯಾಕ್ 12 ವಾರಾಡ್ಯಾಂಚಿ ಸ್ತ್ರೀ ಹಿತಾ ಸಂಚಾಲಕಿ ಹಾಜರ್ ಆಸೊನ್ ಸೊಭಾಯ್ ದೊಡ್ತಿ ಕರುಂಕ್ ಪಾವ್ಲಿಂ.