Episcopal City Deanery News

ಆಗಸ್ಟ್ 13 ತಾರಿಕೆರ್ ಬುದ್ವರಾ ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಮಹಿನ್ಯಾಚ್ಯಾ ಕಾರ್ಯಕಾರಿಣಿ ಸಭೆರ್ ಮಂಗ್ಳುರ್ ದಿಯೆಸೆಜಿಂತ್ಲ್ಯಾ - ಮಿಲಾರ್ ಫಿರ್ಗಜೆಂತ್ ವಸ್ತಿ ಕರ್ಚ್ಯಾ ಕುಮಾರಿ ರೆಮೋನಾ ಇವೆಟ್ ಪಿರೇರಾ ಹಿಣೆ - ಭರತನಾಟ್ಯಾಮಾಂತ್ 170 ವೊರಾಂಚೆ ನಿರಂತರ್ ಭರತ್ ನಾಟ್ಯ್ ನಾಚ್ ನಾಚೊನ್ ಬೋವ್ ಅಪ್ರೂಬ್ ಸಾಧನ್ ಕರ್ನ್ ಅಂತರಾಷ್ಟ್ರೀಯ್ ಹಂತಾರ್ - ಗೋಲ್ಡನ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ಹಾಂತು ತಿಜೆಂ ನಾಂವ್ ಛಾಪುನ್ ಬೋವ್ ವ್ಹಡ್ ಸಾಧನ್ ಕೆಲ್ಲ್ಯಾ, ಹಿಕಾ ಕಥೊಲಿಕ್ ಸಭಾ ಕುಳೂರ್ ಘಟಕಾ ತರ್ಫೆನ್ ಮಾನ್ ಪತ್ರ್ , ಝೆಲೊ, ಮಾನಾಚಿ ಟೊಪ್ಪಿ, ಫಳಾಂ, ಸನ್ಮಾನಾಚೆ ಶೊಲ್ ಪಾಂಗರ್ನ್ ಸನ್ಮಾನ್ ಪಾಟಯ್ಲೊ. ಹ್ಯಾ ಕಾರ್ಯಕ್ರಮ ವೆಳಿಂ ಕುಳೂರ್ ಘಟಕಾಚೊ ಅಧ್ಯಕ್ಷ್ ರೋವಿನ್ ಡಿ ಸೋಜ, ಕಾರ್ಯದರ್ಶಿ ಸವಿತಾ ವೇಗಸ್, ಘಟಕಾಚೆ ಹುದ್ದೆದಾರ್, ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚಿ ಅಧ್ಯಕ್ಷಿಣ್ ಐಡಾ ಫುರ್ಟಾಡೊ , ಕಾರ್ಯದರ್ಶಿ ರೋಹನ್ ಸಿಕ್ವೇರಾ , ನಿಕಟ್ ಪೂರ್ವ್ ಅಧ್ಯಕ್ಷ್ ಸ್ಟೀವನ್ ರೊಡ್ರೀಗಸ್, ಖಜನ್ಡಾರ್ ಜೆಸಿಂತಾ ಲೋಬೊ , ವೆದಿಚೆರ್ ಹಾಜರ್ ಆಸೊನ್ - ಸರ್ವ್ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಸಾಂದ್ಯಾ ಸಮ್ಕಾರ್ ಸನ್ಮಾನ್ ಕಾರ್ಯೆಂ ಚಲೊವ್ನ್ ವ್ಹೆಲೆಂ. ಹ್ಯಾ ಕಾರ್ಯಕ್ ಕುಮಾರಿ ರೆಮೋನಾ ಹಿಚಿ ಆವಯ್ ಗ್ಲ್ಯಾಡಿಸ್ ಸೆಲಿನ್ ಪಿರೇರಾ ಉಪಸ್ಥಿತ್ ಆಸ್ ಲ್ಲಿ. ಕುಮಾರಿ ರೆಮೋನಾ ಹಿಣೆ ಆಪ್ಲ್ಯಾ ಸಾಧನಾ ವಿಶಿಂ ಆನಿ ಹ್ಯಾ ಸಾಧನಾಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬೊರೆಂ ಕರುಂ ಮ್ಹಳೆಂ ಆನಿ ತಾಲೆಂತಾ ಸೊದುನ್ ಮಾನ್ ಕೆಲ್ಲ್ಯಾಕ್ ಉಪ್ಕಾರ್ ಭಾವುಡ್ಲೊ. ಮಾನೆಸ್ತ್ ಪ್ಯಾಟ್ರಿಕ್ ಡಿಸೋಜ, ವಲೆನ್ಸಿಯ, ವಾರಾಡ್ಯಾಚೆ ಮಾಜಿ ಅಧ್ಯಕ್ಷ್ ಹಾಣಿಂ ಕಾರ್ಯನಿರ್ವಹಣ್ ಕೆಲೆಂ.