Episcopal City Deanery News

ಸಾಂತ್ ಅಂತೊನ್ ಫಿರ್ಗಜ್, ಕುಳೂರ್, ಕಥೊಲಿಕ್ ಸಭಾ ಆನಿ ವೈಸಿಎಸ್ ಕುಳೂರ್ ಘಟಕಾಂನಿ ಸಾಂಗಾಂತಾ ಮೆಳೊನ್ ಭುರ್ಗ್ಯಾಂಚೊ ದೀಸ್ ಆಚರ್ಸುಂಚಾ ಸಂದರ್ಭಿ ಅಕ್ತೊಬರ್ 9 ತಾರಿಕೆರ್ ಖೆಳಾ ಸ್ಪರ್ಧೆ ಅಯೋಜನ್ ಕೆಲೆ. ಮಾನಾಚೆ ಸಯ್ರೆ ಜಾವ್ನಾಸ್ ಲ್ಲ್ಯಾ ಕೊವೆಂತಾಚಿ ವ್ಹಡಿಲ್ನ್ ಧlಭl ಜಾನೆಟ್ ಲೋಬೊ, ಪ್ರೈಮರಿ ಇಸ್ಕೊಲಾಚಿ ಮುಖೆಲ್ ಮೆಸ್ತ್ರಿಣ್ ಧlಭl ಫೆಲ್ಸಿಯನ್ ಪಿಂಟೊ, ಕಥೊಲಿಕ್ ಸಭಾ ಕುಳೂರ್ ಘಟಕಾಚೊ ಅಧ್ಯಕ್ಷ್ ಮಾನೆಸ್ತ್ ರೋವಿನ್ ಡಿಸೋಜ, ವೈಸಿಎಸ್ ಅಧ್ಯಕ್ಷ್ ಕು. ಆಶಲ್ ಡಿಸೋಜ ಆನಿ ಕಾರ್ಯದರ್ಶಿ ಕು. ಅನ್ವಿಟಾ ಡಿಸೋಜ ತಶೆಂಚ್ ಹಾಜರ್ ಜಲ್ಲ್ಯಾ ಸರ್ವ್ ಫಿರ್ಗಜ್ ಗಾರಾಂಕ್ ಭುರ್ಗ್ಯಾಂಕ್, ಘಟಕಾಂಚಾ ಹುದ್ದೆದಾರ್ ಆನಿ ಸಾಂದ್ಯಾಂಕ್ ವೈಸಿಎಸ್ ಅಧ್ಯಕ್ಷ್ ಕು. ಆಶ್ಯಲ್ ಡಿಸೋಜಾನ್ ಸ್ವಾಗತ್ ಕೆಲೊ. ಧlಭl ಜಾನೆಟ್ ಲೋಬೊ ಹಾಣಿ ಭುರ್ಗ್ಯಾಂಕ್ ಸಂದೇಶ್ ದಿಲೊ.

LKG ಥಾವ್ನ್ PUC ಪರ್ಯಾಂತ್ಲ್ಯಾ ಭುರ್ಗ್ಯಾಂಕ್ ಖೆಳಾ ಸ್ಪರ್ಧೆ ಚಲವ್ನ್ ವ್ಹೆಲೆಂ. ಸರಿಸುಮಾರ್ 80 ಭುರ್ಗ್ಯಾಂನಿ ಹ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆತ್ಲೊ. ಸಬಾರ್ ಭುರ್ಗ್ಯಾಂನಿ ಇನಾಮಾಂ ಆಪ್ಣಾಯ್ಲಿಂ. ಹ್ಯಾ ಖೆಳಾ ಸ್ಪರ್ಧ್ಯಾಂತ್ ಭಾಗ್ ಘೆಂವ್ಕ್ ಉತ್ತೇಜಿತ್ ಕೆಲ್ಲ್ಯಾ ವ್ಹಡಿಲಾಂಕ್ ಆನಿ ಫಿರ್ಗಜ್ ಗಾರಾಂಕ್ ಕಥೊಲಿಕ್ ಸಭಾ ಕುಳೂರ್ ಘಟಕಾಚಿ ಸಹ ಕಾರ್ಯದರ್ಶಿ ಮಾನೆಸ್ತಿಣ್ ಜೂಲ್ಯೆಟ್ ಜಾನೆಟ್ ಡಿಸೋಜ ಹಾಣಿ ಧನ್ಯವಾದ್ ಪಾಟವ್ನ್ ಹೆಂ ಕಾರ್ಯೆಂ ಸಂಪಯ್ಲೆಂ