Episcopal City Deanery News

ಕಥೊಲಿಕ್ ಸಭಾ - ಕುಳೂರ್ ಘಟಕಾ ಥಾವ್ನ್ ಆಮ್ಚ್ಯಾ ಕ್ರಿಸ್ತಾಂವ್ ಸಮುದಾಯೆಚ್ಯಾ ಭುರ್ಗ್ಯಾಂಕ್ ಆನಿ ಯುವಜಣಾಂಕ್ ತಾಂಚ್ಯಾ ತರ್ಣ್ಯಾ ಪ್ರಾಯೆರ್ ಥಾವ್ನ್ ಚ್ – ಸಿವಿಲ್ ಸರ್ವಿಸ್ ಮ್ಹಣ್ಜೆಂ ಸರ್ಕಾರಿ ಕ್ಷೇತ್ರಾಂತ್ ಉನ್ನತ್ ಕಾಮಾಂ, ಐ.ಎ.ಎಸ್ , ಐ.ಪಿ.ಸ್ ತಸಲೆ ಸ್ಥಾನ್ ಮಾನ್ ಜೋಡುಂಕ್ – ಜಾಗೃತಿ ಹಾಡುಂಕ್ ಆನಿ ತಯಾರಾಯ್ ಕರ್ಚ್ಯಾ ಇರಾದ್ಯಾನ್ ಕಥೊಲಿಕ್ ಸಭಾ – ಎಪಿಸ್ಕೊಪಲ್ ಸಿಟಿ ವಾರಾಡೊ ಆನಿ Kulur ಘಟಕಾ ತರ್ಪೆನ್ – ಸಾತ್ವ್ಯಾ ಕ್ಲಾಸಿ ಥಾವ್ನ್ 2nd PUC ಭುರ್ಗ್ಯಾಂಕ್ ತಶೆಂಚ್ ಡಿಗ್ರಿ ಶಿಕ್ತೆಲ್ಯಾ ಯುವಜಣಾಂಕ್ “ಪ್ರೇರಣ್ – ಕ್ಯಾಚ್ ದೆಮ್ ಯಂಗ್” ಕಾರ್ಯಕ್ರಮ್ 17/08/2025 ವೆರ್ ಆಯ್ತಾರಾ ಸಕಾಳಿಂ 8.00 ವರಾಂ ಥಾವ್ನ್ 9.30 ವರಾಂ ಪರ್ಯಾಂತ್ ಸಾಂತ್ ಅಂತೊನ್ ಫಿರ್ಗಜೆಚಾ ಸಭಾಸಲಾಂತ್ ಅಯೋಜನ್ ಕೆಲೆಂ. ಹ್ಯಾ ಕಾರ್ಯಕ್ರಮಾ ವೆಳಿಂ ಘಟಕಾಚೆ ಆತ್ಮಿಕ್ ನಿರ್ದೇಶಕ್ ಮಾlಬಾl ವಿಕ್ಟರ್ ವಿಜಯ್ ಲೋಬೊ, ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚಿ ಅಧ್ಯಕ್ಷಿಣ್ ಮಾನೆಸ್ತಿಣ್ ಐಡಾ ಪುರ್ಟಾಡೊ, ವಾರಾಡ್ಯಾಚೆ ನಿಕಟ್ ಪೂರ್ವ್ ಅಧ್ಯಕ್ಷ್ ಮಾನೆಸ್ತ್ ಸ್ಟೀವನ್ ರೊಡ್ರಿಗಸ್, ಕಾರ್ಯದರ್ಶಿ ಮಾನೆಸ್ತ್ ರೋಹನ್ ಸಿಕ್ವೇರಾ, ವಾರಾಡ್ಯಾಚೆ ಇತರ್ ಹುದ್ದೆದಾರ್, ಕಾರ್ಯಾಚೊ ವಾರಾಡೊ ಸಂಚಾಲಕ್ ಮಾನೆಸ್ತ್ ದೀಪಕ್ ಡಿ ಸೋಜ, ಸಂಪನ್ಮೂಲ್ ವ್ಯಕ್ತಿ ಮಾನೆಸ್ತಿಣ್ ಮ್ಯೂರಲ್ ಕುಟಿನ್ಹಾ, ಘಟಕಾಚೊ ಅಧ್ಯಕ್ಷ್ ಮಾನೆಸ್ತ್ ರೋವಿನ್ ಡಿಸೋಜ, ಕಾರ್ಯದರ್ಶಿ ಮಾನೆಸ್ತಿಣ್ ಸವಿತಾ ವೇಗಸ್, ಕಾರ್ಯಾಚೊ ಸಂಚಾಲಕ್ ಮಾನೆಸ್ತ್ ಕ್ಲೇವರ್ ಡಿಸೋಜ, ಹಾಜರ್ ಆಸ್ ಲ್ಲಿಂ. ಪವಿತ್ರ್ ಆತ್ಮ್ಯಾಚಾ ಗಿತಾ ಸವೆಂ ಕಾರ್ಯೆಂ ಆರಂಭ್ ಕೆಲೆಂ. ಹೆಂ ಕಾರ್ಯೆಂ ಮಾl ವಿಕ್ಟರ್ ವಿಜಯ್ ಲೋಬೊ ಬಾಪಾಂನಿ ಉದ್ಘಾಟನ್ ಕರ್ನ್ ಹ್ಯಾ ಶಿಬಿರಾಚೊ ಮಹತ್ವ್ ಆನಿ ಆಮ್ಚ್ಯಾ ಯುವಜಣಾಂನಿ ಸರ್ಕಾರಿ ಕಾಮಾಂ ಆಪ್ಣಾಂವ್ಚ್ಯಾ ವಿಶ್ಯಾಂತ್ ಸಂದೇಶ್ ದಿಲೊ. ಹ್ಯಾ ಶಿಬಿರಾಂತ್ 82 ವಿದ್ಯಾರ್ಥಿಂ ಆನಿ ತಾಂಚಾ ವ್ಹಡಿಲಾಂ ಸವೆಂ ಒಟ್ಟುಕ್ 186 ಜಣಾಂ ಹಾಜರ್ ಆಸೊನ್ ಸಂಪನ್ಮೂಲ್ ವ್ಯಕ್ತಿನ್ ದಿಲ್ಲಿ ಮಾಹೆತ್ ಸರ್ವಾಂಕ್ ಗರ್ಜೆಚಿ ಆನಿ ಉಪ್ಕಾರಾಚಿ ಜಾವ್ನ್ ಆಸ್ ಲ್ಲಿ. ಹ್ಯಾ ಮಾಹೆತ್ ಶಿಬಿರಾಕ್ ಘಟಕಾಚೊ ಸಂಚಾಲಕ್ ಮಾನೆಸ್ತ್ ಕ್ಲೇವರ್ ಡಿ ಸೋಜ ಹಾಣಿ ಕಾರ್ಯಾಚೆಂ ಕಾರ್ಯನಿರ್ವಹಣ್ ಕೆಲೆಂ. ಘಟಕ್ ಅಧ್ಯಕ್ಷ್ ಮಾನೆಸ್ತ್ ರೋವಿನ್ ಡಿ ಸೋಜ ಹಾಣಿ ಸರ್ವಾಂಚೊ ಉಪ್ಕಾರ್ ಆಟಯ್ಲೊ