Episcopal City Deanery News

Nov. 13, 2025 : ಕಥೊಲಿಕ್ ಸಭಾ, ಕುಳೂರ್ ಘಟಕಾನ್ ಸಿಯೊನ್ ಆಶ್ರಮಾಕ್ ಭೆಟ್ ಅಯೋಜನ್ ಕೆಲ್ಲಿ. ಹ್ಯಾ ಕಾರ್ಯಾಕ್ ಸಂಚಾಲಕ್ ಜಾವ್ನ್ ಮಾನೆಸ್ತ್ ಜೋನ್ ಕುಟಿನ್ಹಾ ಆನಿ ಸಹ ಸಂಚಾಲಕಿ ಜಾವ್ನ್ ಮಾನೆಸ್ತಿಣ್ ಫಿಲೋಮಿನಾ ವೇಗಸ್ ಹಾಂಕಾಂ ನೇಮಕ್ ಕೆಲ್ಲೆಂ. ಘಟಕಾ ಥಾವ್ನ್ 19 ಸಾಂದ್ಯಾಂನಿ ಭೆಟ್ ದಿಲಿ. ಹೊ ಸಿಯೊನ್ ಅಸ್ರೊ ಮಾನೆಸ್ತ್ ಪಾವ್ಲೊಸ್ ಆನಿ ತಾಂಚಿ ಪತಿಣ್ ಮಾನೆಸ್ತಿಣ್ ಮೇರಿ ಹಾಂಚಾ ಮುಖೇಲ್ಪಣಾಖಾಲ್ ಚಲವ್ನ್ ಆಸಾತ್. ಹಾಂಗಾಸರ್ ಲಗ್ಬಗ್ 35 ಸಿಬಂಧಿ ವರ್ಗ್ ವಾವ್ರ್ ಕರ್ನ್ ಆಸಾತ್. ಹ್ಯಾ ಅಸ್ರ್ಯಾಂತ್ ಮಾನಸಿಕ್ ಆನಿ ಅಂಗ್ ವಿಕಲ್ ಭುರ್ಗಿಂ, ವ್ಹಡಾ ಆನಿ ಪ್ರಾಯ್ವಂತ್ ಅಶೆಂ 397 ಜಣಾಂ ಅಸ್ರೊ ಘೆವ್ನ್ ಆಸಾತ್. ಅಸ್ರ್ಯಾಚಾ ನಿವಾಸ್ಯಾಂಕ್ ಮನೋರಂಜಿತ್ ಕರ್ಚ್ಯಾಕ್ ಥೊಡೆ ಖೆಳ್ ಖೆಳವ್ನ್ ಜಿಕ್ಲೆಲ್ಯಾಂಕ್ ಇನಾಮಾಂ ದಿಲಿಂ. ದೊನ್ಪರಾಚಾ ಜೆವ್ಣಾಚೊ ಖರ್ಚ್ ಘಟಕಾ ತರ್ಫೆನ್ ದಿಲೊ. ಅಶೆಂ ಒಟ್ಟುಕ್ ರುಪಯ್ 90,000/- ಚಿ ಚೆಕ್ ಘಟಕಾ ತರ್ಫೆನ್ ಅಧ್ಯಕ್ಷ್ ಮಾನೆಸ್ತ್ ರೋವಿನ್ ಡಿಸೋಜ ಹಾಣಿ ಅಸ್ರ್ಯಾಚೊ ಮುಖೆಲಿ ಮಾನೆಸ್ತ್ ಡಾl ಯು. ಸಿ. ಪಾವ್ಲೊಸ್ ಹಾಂಕಾ ಹತಾಂತರ್ ಕೆಲೊ. ಘಟಕಾಚಿ ಕಾರ್ಯದರ್ಶಿ ಮಾನೆಸ್ತಿಣ್ ಸವಿತಾ ವೇಗಸ್, ಮಾನೆಸ್ತಿಣ್ ಶಾಂತಿ ಜಾನೆಟ್ ಫೆರ್ನಾಂಡಿಸ್, ಮಾನೆಸ್ತಿಣ್ ಲವೀನಾ ಡಿಸೋಜ, ಕುಳೂರ್ ಕೊವೆಂತಾಚಿ ಧl ಭl ಅನ್ಸಿಲಾ ಪಿಂಟೊ ಹಾಣಿ ಹ್ಯಾ ಅಸ್ರ್ಯಾ ವಿಶ್ಯಾಂತ್ ತಾಂಚಿ ಭೊಗ್ಣಾಂ ಉಚಾರ್ಲಿಂ. ಅಶೆಂ ಹಿ ಅಸ್ರ್ಯಾಚಿ ಭೆಟ್ ಯಶಸ್ವಿ ರಿತಿನ್ ಸಂಪಯ್ಲಿ.