ದಿಶಾ - ಸರ್ಕಾರಿ ಶೆತಾ ವಿಶಿಂ ಮಾಹೆತ್ ಕಾರ್ಯಾಗಾರ್
ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ.) ಮಂಗ್ಳುರ್ ಉತ್ತರ್ ವಾರಾಡ್ಯಾ ತರ್ಫೆನ್ 6 ಜುಲಾಯ್ 2025ವೆರ್ ಸಮುದಾಯಾಚ್ಯಾ ವಿದ್ಯಾರ್ಥಿಂ ಆನಿ ತಾಂಚ್ಯಾ ಪೋಷಕಾಂ ಖಾತಿರ್ ‘ದಿಶಾ’ ಸರ್ಕಾರಿ ಕಾಮಾಂ ವಿಶಿಂ ಮಾಹೆತ್ ಕರ್ಯಾಗಾರ್ ಕಿರೆಂ ದ್ವಿಶತಮಾನೋತ್ಸವ್ ಸಭಾಸಾಲಾಂತ್ ಆಸಾ ಕೆಲ್ಲೆಂ. ಹ್ಯಾ ಕಾರ್ಯಕ್ರಮಾಂತ್ ವಾರಾಡ್ಯಾಂತ್ಲ್ಯಾ 7 ಫಿರ್ಗಜಾಂತ್ಲ್ಯಾ ಆಟ್ವಿ ಥಾವ್ನ್ ಪಿಯುಸಿ ಪರ್ಯಾಂತ್ಲ್ಯಾ ಭುರ್ಗ್ಯಾಂಕ್ ಆನಿ ತಾಂಚ್ಯಾ ವ್ಹಡಿಲಾಂಕ್ ಸಿವಿಲ್ ಸರ್ವಿಸ್ ಪರೀಕ್ಷಾ, ಪರೀಕ್ಷೆಕ್ ತಯಾರಾಯ್, ಸಮುದಾಯಾಂತ್ ಸರ್ಕಾರಿ ಹುದ್ದ್ಯಾಂಚೊ ಮಹತ್ವ್ ಆನಿ ಭುರ್ಗ್ಯಾಂ ಸವೆಂ ವ್ಹಡಿಲಾಂಚೊ ಪಾತ್ರ್ ವಿಶಯಾಂಚೆರ್ ಸವಿಸ್ತಾರ್ ರಿತಿನ್ ಮಾಹೆತ್ ದಿಲಿ. ವಾರಾಡ್ಯಾಂತ್ಲ್ಯಾ ಗರ್ಜೆವಂತ್ ದೊಗಾಂ ಭುರ್ಗ್ಯಾಂಕ್ ಸ್ಕೊಲರ್ ಶಿಪ್ ವಿತರಣ್ ಕೆಲೆಂ.
ಕಿನ್ನಿಗೋಳಿ ಫಿರ್ಗಜ್ ವಿಗಾರ್ ಮಾ| ಬಾ| ಜೋಕಿಮ್ ಫೆರ್ನಾಂಡಿಸಾನ್ ಕಾರ್ಯಾಚೆಂ ಉದ್ಘಾಟನ್ ಕರ್ನ್ ಪ್ರಾಸ್ತಾವಿಕ್ ಸಂದೇಶ್ ದಿಲೊ. ಕಥೊಲಿಕ್ ಸಭಾ ಮಂಗ್ಳುರ್ ಉತ್ತರ್ ವಾರಾಡೊ ಅಧ್ಯಕ್ಷ್ ಮಾನೆಸ್ತ್ ಸ್ಟ್ಯಾನಿ ಮಿರಾಂದಾನ್ ಕಾರ್ಯಾಚೆಂ ಅಧ್ಯಕ್ಷ್ ಸ್ಥಾನ್ ಘೆತ್ಲೆಂ. ಮುಖೆಲ್ ಸಯ್ರೆ ಜಾವ್ನ್ ಆಯಿಲ್ಲ್ಯಾ ಮಾನೆಸ್ತ್ ಆ್ಯಂಟನಿ ಎಸ್. ಮರಿಯಪ್ಪ ಡಿ.ಸಿ.ಎಫ್. ಮಂಗ್ಳುರ್ ಹಾಂಕಾಂ ಗೌರವ್ ಪಾಟವ್ನ್ ಮಾನ್ ಅರ್ಪಿಲೊ. ತಾಣಿಂ ಸಿವಿಲ್ ಸರ್ವಿಸ್ ಪರೀಕ್ಷೆ ವಿಶಿಂ ತಾಂಚೊ ಅನ್ಭೋಗ್ ವಾಂಟುನ್ ಘೆತ್ಲೊ. ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಹಾಜರ್ ಆಸ್ಲ್ಲ್ಯಾ ದಾಯ್ಜಿ ವರ್ಲ್ಡ್ ಸಂಸ್ಥಾಪಕ್ ಮಾನೆಸ್ತ್ ವಾಲ್ಟರ್ ನಂದಳಿಕೆನ್ ಸರ್ಕಾರಿ ಕಾಮಾಂ ಆಪ್ಣಾಂವ್ಚ್ಯಾ ತೆವ್ಶಿಂ ಭುರ್ಗ್ಯಾಂಚೆ ಪ್ರಯತ್ನ್, ವ್ಹಡಿಲಾಂ ಆನಿ ಸಮುದಾಯಾಚೊ ಪಾಟಿಂಬೊ ಗರ್ಜೆಚೊ ಮ್ಹಣ್ ವಿವರ್ಸಿಲೆಂ. ಸಾಂ ಅಲೋಶಿಯಸ್ ಸಿವಿಲ್ ಸರ್ವಿಸ್ ಕೋಲೆಜಿಚಾ ಸಿಬ್ಬಂದಿ ಶ್ರೀ ಶರತ್ ಕುಮಾರ್ ಆನಿ ಬೆಂಗ್ಳುರ್ ಇನ್ಸೈಟ್ ಐ.ಎ.ಎಸ್. ಸಿಬ್ಬಂದಿ ಮಾನೆಸ್ತ್ ನವೀನ್ ಪಾಟೀಲ್ ಜಿ. ಹಾಣಿಂ ಸ್ಪರ್ಧಾತ್ಮಕ್ ಪರೀಕ್ಷೆಚ್ಯಾ ತಯಾರಾಯೆ ವಿಶಿಂ ಮಾಹೆತ್ ದಿಲಿ.
.jpg)
.jpg)
.jpg)
.jpg)
.jpg)
ಮಂಗ್ಳುರ್ ಉತ್ತರ್ ವಾರಾಡೊ ಅಧ್ಯಕ್ಷ್ ಮಾನೆಸ್ತ್ ಸ್ಟ್ಯಾನಿ ಮಿರಾಂದಾನ್ ಸ್ವಾಗತ್ಸಿಲೆಂ. ಕಾರ್ಯದರ್ಶಿ ಮಾನೆಸ್ತಿಣ್ ಗ್ರೆಟ್ಟಾ ಫೆರ್ನಾಂಡಿಸಾನ್ ಉಪ್ಕಾರ್ ಆಟಯ್ಲೊ. ಮಾನೆಸ್ತಿಣ್ ಅನಿತಾ ಡಿಸೋಜನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಕಿರೆಂ ಫಿರ್ಗಜ್ ಗೊವ್ಳಿಕ್ ಪರಿಶದ್ ಉಪಾಧ್ಯಕ್ಷ್ ಆನಿ ಕಥೊಲಿಕ್ ಸಭಾ ಕಿರೆಂ ಘಟಕ್ ಅಧ್ಯಕ್ಷ್ ಮಾನೆಸ್ತ್ ರೋಹನ್ ಡಿಕೋಸ್ತಾ, ವಾರಾಡೊ ಖಜನ್ದಾರ್ ಮಾನೆಸ್ತ್ ಜೋನ್ ಕಿಶೋರ್ ಡಿಸೋಜ, ವಾರಾಡೊ ನಿಕಟ್ ಪೂರ್ವ್ ಅಧ್ಯಕ್ಷ್ ಮಾನೆಸ್ತಿಣ್ ಮೆಲ್ರೀಡ ಜೇನ್ ರೊಡ್ರಿಗಸ್ ಆನಿ ಹೆರ್ ವಾರಾಡೊ ಹುದ್ದೆದಾರಾಂ ಹಾಜರ್ ಆಸ್ಲಿಂ. ಹ್ಯಾ ಕಾರ್ಯಕ್ರಮಾಂತ್ 350 ಜಣಾಂನಿ ಭಾಗ್ ಘೆತ್ಲೊ.
