June 7 : ಕಥೊಲಿಕ್ ಸಭಾ ರುಜಾಯ್ ಘಟಕಾನ್ 2019 ಜೂನ್ ಮಹಿನ್ಯಾಚ್ಯಾ 1 ತಾರಿಕೆರ್ ಸಾಂಜೆರ್ 6.30 ವರಾರ್ ದೆವಾಧೀನ್ ಬಾಪ್ ಸಿಪ್ರಿಯನ್ ಕುವೆಲ್ಲ್ಯೊ ಸ್ಮಾರಕ್ ಎಜ್ಯುಕೇಶನ್ ಶಿಕ್ಪಾ ನಿಧಿ ಥಾವ್ನ್ ಗರ್ಜೆವಂತ್ ಭುರ್ಗ್ಯಾಂಕ್ ಶಿಕ್ಪಾ ಕುಮೊಕ್ ದಿಂವ್ಚೆ ಕಾರ್ಯಕ್ರಮ್ ಚಲವ್ನ್ ವೆಲೆಂ. ಅಧ್ಯಕ್ಷ್ ಮಾನೆಸ್ತಿಣ್ ಗ್ಲ್ಯಾಡಿಸ್ ಪಿರೇರಾನ್ ಹಾಜರ್ ಅಸ್‍ಲ್ಲ್ಯಾ ಆತ್ಮೀಕ್ ನಿರ್ದೇಶಕ್ ಬಾಪ್ ಭೋವ್ ಮಾನಾಧಿಕ್ ಜೆ. ಬಿ. ಕ್ರಾಸ್ತಾ ಬಾಪಾಕ್, ಹುದ್ದೆದಾರಾಂಕ್, ಸಾಂದ್ಯಾಂಕ್ ಆನಿ ಹಾಜರ್ ಅಸ್‍ಲ್ಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ಆತ್ಮೀಕ್ ನಿರ್ದೇಶಕ್ ಬಾಪಾಂನಿ ಅಪ್ಲ್ಯಾ ಸಂದೇಶಾಂತ್, ಭುರ್ಗ್ಯಾಂನಿ ಇಗರ್ಜೆಚ್ಯಾ ಚಟುವಟಿಕೆನ್ ಭಾಗ್ ಘೇಜಾಯ್ ಆನಿ ಬರೆಂ ಶಿಕಾಪ್ ಶಿಕಾಜಾಯ್. ಖಂಚ್ಯಾಯೀ ಭುರ್ಗ್ಯಾಂನಿ ಆರ್ಥಿಕ್ ತೊಂದರೆ ನಿಮ್ತಿಂ ಶಿಕಾಪ್ ಅಪ್ಲೆಂ ರಾವೊಂಕ್ ನಜೊ. ಕೇವಲ್ ಬೂಕಾಂತ್ಲೆ ಶಿಕಾಪ್ ಪಾವನಾ. ಸಾಮಾನ್ಯ್ ಜ್ಞಾನ್‍ಯೀ ವೃದ್ಧಿ ಕರ್ನ್ ಹ್ಯಾ ಸ್ಪರ್ಧ್ಯಾತ್ಮಕ್ ಸಂಸರಾಂತ್, ಸ್ಪರ್ಧ್ಯಾತ್ಮಕ್ ಪರೀಕ್ಷಾ ಬರವ್ನ್ ಉಂಚ್ಲೆಂ ಅಂಕ್ ಘೆವ್ನ್ ಉತ್ತೀರ್ಣ್ ಜಾಂವ್ಕ್ ಪ್ರಯತ್ನ್ ಕರಿಜಾಯ್ ಮ್ಹಣನ್ ಉಲೊ ದಿಲೊ.

ಆತ್ಮೀಕ್ ನಿರ್ದೇಶಕ್ ಬಾಪಾಂನಿ ಗರ್ಜೆವಂತ್ ಭುರ್ಗ್ಯಾಂಕ್ ಚೆಕ್ ವಿತರಣ್ ಕೆಲೆಂ. ಒಟ್ಟು ಅರ್ಜಿ ಘಾಲ್ಯಾ 08 ವಿದ್ಯಾಥಿಂಕ್ ವಿತರಣ್ ಕೆಲ್ಲೊ ಒಟ್ಟು ಐವಜ್ ರೂ.43,000/-. ಸರ್ವ್ ಹುದ್ದೆದಾರ್ ತಶೆಂಚ್ ಇತರ್ ಸಾಂದೆ ಹ್ಯಾ ಕಾರ್ಯಾಕ್ ಹಾಜರ್ ಅಸ್‍ಲ್ಲೆಂ

ಕಾರ್ಯದರ್ಶಿ ಶ್ರೀಮತಿ ಜೇನ್ ರೊಸಾರಿಯೊನ್ ಆರ್ಥಿಕ್ ರೀತಿನ್ ಕುಮೊಕ್ ಕೆಲ್ಲ್ಯಾ ಸರ್ವ್ ದಾನಿಂಕ್ ಖಾತಿರ್ ದೆವಾ ಬಾಪಾಂಕ್ ಅರ್ಗಾ ದೀವ್ನ್ ತಾಂಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ, ವೆದಿರ್ ಹಾಜರ್ ಅಸ್‍ಲ್ಲ್ಯಾ ಆತ್ಮೀಕ್ ನಿರ್ದೆಶಕ್ ಬಾಪಾಂಚೊ ಆನಿ ಹಾಜರ್ ಅಸ್‍ಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊಂ. ಮಾನೆಸ್ತ್ ಅಲೆಕ್ಸ್ ಡಿಸೋಜ, ರಾಜಕೀಯ್ ಸಂಚಾಲಕ್ ಹಾಣೆಂ ಕಾರ್ಯೆಂ ನಿರ್ವಹನ್ ಕೆಲೆಂ. ಉಪ್ರಾಂತ್ ಥಂಡ್ ಪೀವನ್ ಆನಿ ಫಳ್ಹಾರ್ ಸೇವ್ನ್ ಕಾರ್ಯೆಂ ಆಕೇರ್ ಕೆಲೆಂ.

 

Comments powered by CComment

Home | About | Sitemap | Contact

Copyright ©2015 www.catholicsabha.org. Powered by eCreators

Contact Us

Catholic Sabha Mangalore Pradesh (R)
Bishop's House
Kodialbail Post
Mangalore - 575 003

Phone: 0824-2427474