Episcopal City Deanery News

ಕಥೊಲಿಕ್ ಸಭಾ – ಎಪಿಸ್ಕೊಪಲ್ ಸಿಟಿ ವಾರಾಡ್ಯಾ ಹಂತಾಚೊ – ಭಾಷಣ್ ಸ್ಪರ್ಧೊ 2025 - ಮಿಲಾಗ್ರಿಸ್ – ಸಿ.ಬಿ.ಎಸ್.ಸಿ ಇಸ್ಕೊಲಾಚ್ಯಾ ಸಭಾ ಸಲಾಂತ್ 2025 ನವೆಂಬರ್ 16 ತಾರೀಕೆರ್ ಅಯ್ತರಾ ದನ್ಪರಾ 2.00 ವೊರಾರ್ ಥಾವ್ನ್ ಮಾಂಡೊನ್ ಹಾಡ್ಲೊ.

ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೊ – ವಾರಾಡ್ಯಾ ಹಂತಾಚೊ ಭಾಷಣ್ ಸ್ಪರ್ಧೊ 2025 ಚೆಂ ಉಗ್ತಾವಣ್ ಕಾರ್ಯೆಂ ಪಯ್ಲ್ಯಾನ್ ಚಲೋವ್ನ್ ವೆಲೆಂ. ವೇದಿರ್ ಉಪಸ್ಥಿತ್ ಅಮ್ಚೊ ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೊ ಮೊಗಾಳ್ ಅತ್ಮಿಕ್ ನಿರ್ದೇಶಕ್ ಮಾ ಬಾ ಜೋನ್ ವಾಸ್, ವಾರಾಡ್ಯಾಚಿ ಅಧ್ಯಕ್ಷಿಣ್ ಐಡಾ ಫುರ್ಟಾಡೊ, ಕಾರ್ಯದರ್ಶಿ ಮಾನೇಸ್ತ್ ರೋಹನ್ ಸಿಕ್ವೇರಾ, ಹ್ಯಾ ಕಾರ್ಯಚೊ ಸಂಚಾಲಕ್ ಮಾನೇಸ್ತ್ ದೀಪಕ್ ಡಿಸೋಜ, ಖಜನ್ದಾರ್ ಮಾನೇಸ್ತಿಣ್ ಜೆಸಿಂತಾ ಲೋಬೊ, ನಿಕಟ್ ಪೂರ್ವ ಅಧ್ಯಕ್ಷ್ ಸ್ಟೀವನ್ ರೊಡ್ರಿಗಸ್ ಹಾಣಿಂ ಭುರ್ಗ್ಯಾಂ ಸವೆಂ ಅನಿ ಭಾಷಣ್ ಸ್ಪರ್ಧ್ಯಾಚ್ಯಾ ವೊರಾಯ್ಣರಾ ಸವೆಂ ಉಗ್ತಾವಣ್ ಕಾರ್ಯೆಂ ಸಾಂಕೇತಿಕ್ ಜಾವ್ನ್ ದಿವೊ ಪೆಟೋವ್ನ್ ಉಗ್ತಾವಣ್ ಕೆಲೆಂ.

ಮಾನೇಸ್ತಿಣ್ ಜೆಸಿಂತಾ ಲೋಬೊ ಹಿಣೆಂ ಮಾಗ್ಣ್ಯಾ ವಿಧಿ ತಶೆಂಚ್ ಕಾರ್ಯಾಚೆಂ ನಿರೂಪಣ್ ಕೆಲೆಂ. ವಾರಾಡ್ಯಾ ಅಧ್ಯಕ್ಷಿಣ್ ಐಡಾ ಫುರ್ಟಾಡೊ ಹಿಣೆಂ ಜಮ್ಲೆಲ್ಯಾ ಸರ್ವಾಂಚೊ ಮನಪೂರ್ವಕಿ ಸ್ವಾಗತ್ ಕೆಲೊ ಅನಿಂ ಸರ್ವ್ ಸ್ಪರ್ಧಿಕಾಂಕ್ ಉತ್ತೇಜನ್ ದೀವ್ನ್ , ಪೋಷಕಾಂಕ್ ಸಹಕಾರ್ ದಿಲ್ಯಾಕ್ ದೇವ್ ಬೊರೆಂ ಕರುಂ ಮ್ಹಣೊನ್ ಸ್ವಾಗತ್ ಕೆಲೊ. ಕಾರ್ಯಾಚ್ಯಾ ಸಂಚಾಲಕ್ ಮಾನೇಸ್ತ್ ದೀಪಕ್ ಡಿಸೋಜಾನ್ ಭಾಷಣ್ ಸ್ಪರ್ಧ್ಯಾಚೆ ರೂಲಿ ಅನಿ ರೆಗ್ರೊ ತಶೆಂಚ್ ಸ್ಪರ್ಧ್ಯಾಚೆ ಇಶಾರೆ ದಿಲೆ. ಅತ್ಮಿಕ್ ನಿರ್ದೇಶಕ್ ಬಾಪಾನಿಂ ಜಮ್ಲೆಲ್ಯಾ ಸರ್ವಾಂಕ್ ಉದ್ದೇಶಿಸೊನ್ – ಸ್ಪರ್ಧೊ ಮ್ಹಳ್ಯಾರ್ – ಜೀವನಾಂತ್ ಯೆತಾತ್ ತೆ ಸನ್ನಿವೇಶ್ ಘೆವ್ನ್ – ಜೀಕ್ ಜಾಂವ್ , ಸಲ್ವೋಣ್ ಜಾಂವ್ – ಸಮಾನ್ ರಿತಿನ್ ಘೆವ್ನ್ – ಲಿಸಾಂವ್ ಜೋಡ್ನ್ ಮುಖಾರ್ ಸಮ್ಕಾಜೆ ಮ್ಹಳೊ ಸಂದೇಶ್ ದಿಲೊ.

ಭಾಷಣ್ ಸ್ಪರ್ಧ್ಯಾಕ್ ವೊರಾಯ್ಣಾರ್‍ ಜಾವ್ನ್ ಮಾನೇಸ್ತ್ ರೋಶನ್ ಪತ್ರಾವೊ ಅಂಜೇಲೋರ್, ಮಾನೇಸ್ತಿಣ್ ಮೋಲಿ ಸಲ್ಡಾನ್ಹಾ ನೀರ್ಮಾಗ, ಮಾನೇಸ್ತ್ ಮಾರ್ಟಿನ್ ಡಿಸೋಜ – ವಾಮಂಜೂರ್ , ಮಾನೇಸ್ತಿಣ್ ಮೇರಿ ಮಿರಾಂದಾ- ಬೊಂದೆಲ್, ಮಾನೇಸ್ತಿಣ್ ಶರ್ಮಿಳಾ ಮಸ್ಕರೇನಸ್ – ದೆರೆಬೈಲ್ , ಮಾನೇಸ್ತಿಣ್ ಲವೀನಾ ಮಿನೇಜಸ್ , ಬೊಂದೆಲ್ ಹಾಜರ್ ಅಸ್ಲಿಂ ಅನಿಂ ಭೋವ್ ಸೊಂಪ್ಯಾ ರಿತಿನ್ ಭಾಷಣ್ ಸ್ಪರ್ಧ್ಯಾಚ್ಯಾ 05 ವಿಭಾಗಾಂಚಿ ವೊರಾವ್ಣಿ ಕರುನ್ ಸಹಕಾರ್ ದಿಲೊ.

ಭಾಷಣ್ ಸ್ಪರ್ಧ್ಯಾಂತ್ ಪಯ್ಲ್ಯಾ ವಿಭಾಗಾಂತ್ 17 ಭುರ್ಗ್ಯಾನಿಂ , ದುಸ್ರ್ಯಾ ವಿಭಾಗಾಂತ್ 13 ಭುರ್ಗ್ಯಾನಿಂ , ತಿಸ್ರ್ಯಾ ವಿಭಾಗಾಂತ್ 19 ಭುರ್ಗ್ಯಾನಿಂ , ಚೊವ್ತ್ಯಾ ವಿಭಾಗಾಂತ್ 16 ಭುರ್ಗ್ಯಾನಿಂ ಅನಿಂ ಪಾಂಚ್ವ್ಯಾ ವಿಭಾಗಾಂತ್ 7 ಭುರ್ಗ್ಯಾನಿಂ – ಒಟ್ಟುಕ್ 72 ಭುರ್ಗ್ಯಾನಿಂ ಹ್ಯಾ ವಾರಾಡ್ಯಾ ಹಂತಾಚ್ಯಾ ಭಾಷಣ್ ಸ್ಪರ್ಧ್ಯಾಂತ್ ಪಾತ್ರ್ ಘೆತ್ಲೊ.

ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾ ಹಂತಾಚ್ಯಾ ಹ್ಯಾ ಭಾಷಣ್ ಸ್ಪರ್ಧ್ಯಾಂತ್ ಪಾತ್ರ್ ಘೆವ್ನ್ ಪಯ್ಲೆಂ, ದುಸ್ರೆಂ ಅನಿಂ ತಿಸ್ರೆಂ ಸ್ಥಾನ್ ಜೊಡ್ಲೆಲ್ಯಾಂಚಿ ನಾಂವಾ ಅನಿಂ ಘಟಕ್ ಹ್ಯಾ ಪರಿ ಅಸಾತ್:

ವಿಭಾಗ್ 1
ಪಯ್ಲೆಂ ಸ್ಥಾನ್ : CIYA PEARL DSOUZA – BEJAI
ದುಸ್ರೆಂ ಸ್ಥಾನ್ : NEETHAL SHREYA DSA – VALENCIA
ತಿಸ್ರೆಂ ಸ್ಥಾನ್ : HANZEL VION DLIMA – MILAGRES

ವಿಭಾಗ್ 2
ಪಯ್ಲೆಂ ಸ್ಥಾನ್ : VILONA LEZIN DSOUZA - BENDUR
ದುಸ್ರೆಂ ಸ್ಥಾನ್ : SWEENAL ELSA DLIMA – MILAGRES
ತಿಸ್ರೆಂ ಸ್ಥಾನ್ : ANA MARISSA LEOMI DSOUZA – VALENCIA

ವಿಭಾಗ್ 3
ಪಯ್ಲೆಂ ಸ್ಥಾನ್ : ANICA DSOUZA – BENDUR
ದುಸ್ರೆಂ ಸ್ಥಾನ್ : AUREL EVA LOBO – CASCIA & HANNAH HILDA CRASTA – MILAGRES
ತಿಸ್ರೆಂ ಸ್ಥಾನ್ : ALSTON PETER LOBO – VALENCIA

ವಿಭಾಗ್ 4
ಪಯ್ಲೆಂ ಸ್ಥಾನ್ : ARVIN NEIL DSOUZA - BENDUR
ದುಸ್ರೆಂ ಸ್ಥಾನ್ : EVA LISA LOBO – BEJAI
ತಿಸ್ರೆಂ ಸ್ಥಾನ್ : LENORA CHRISTLE DSOUZA – BEJAI

ವಿಭಾಗ್ 5
ಪಯ್ಲೆಂ ಸ್ಥಾನ್ : GLEYONA MENDONCA – ASHOKNAGAR
ದುಸ್ರೆಂ ಸ್ಥಾನ್ : SHIRLY SANIA DSOUZA – ROSARIO
ತಿಸ್ರೆಂ ಸ್ಥಾನ್ : RIANA DCUNHA – VALENCIA

ಬಹುಮಾನ್ ಜೊಡ್ಲೆಲ್ಯಾ ಸರ್ವಾಂಕ್ – ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾ ಥಾವ್ನ್ ಪರ್ಭಿ ಪಾಟಾಯ್ಲಿ. ಪಯ್ಲೆಂ ಅನಿಂ ದುಸ್ರೆಂ ಸ್ಥಾನ್ ಲಾಬ್ಲೆಲ್ಯಾ ವಿಜೇತಾಂಕ್ ಡಯಾಸಿಸ್ ಹಂತಾಚ್ಯಾ ಕೇಂದ್ರಾಚ್ಯಾ ಭಾಷಣ್ ಸ್ಪರ್ಧ್ಯಾಕ್ ಸರ್ವ್ ಬೊರೆಂ ಮಾಗ್ಲೆಂ ಅನಿಂ ಬಹುಮಾನ್ ವಿತರಣ್ ಕೆಲ್ಲಿಂ.

ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಭಾಷಣ್ ಸ್ಪರ್ಧ್ಯಾಚ್ಯಾ ಸಂಚಾಲಕ್ ಮಾನೇಸ್ತ್ ದೀಪಕ್ ಡಿಸೋಜ ಸವೆಂ – ಖಜನ್ದಾರ್ ಮಾನೇಸ್ತಿಣ್ ಜೆಸಿಂತಾ ಲೋಬೊ ಹಿಣೆಂ ಕಾರ್ಯ ನಿರ್ವಾಹಣ್ ಕೆಲೆಂ, ವಾರಾಡ್ಯಾ ಕಾರ್ಯದರ್ಶಿನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದಿನ್ವಾಸುಂಚಿ ಉತ್ರಾಂ ಉಚಾರ್ಲಿಂ. ಸೊಮ್ಯಾಕ್ ದಿನ್ವಾಸೊನ್ ಭಾಷಣ್ ಸ್ಪರ್ಧೊ ಸಂಪ್ಲೊ.