City Deanery News

ವರ್ಧಿ: ಫ್ಲಾವಿಯಾ ಮೊರಾಸ್, ಕಥೊಲಿಕ್ ಸಭಾ ಸಿಟಿ ವಾರಾಡೊ ಕಾರ್ಯದರ್ಶಿ

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್(ರಿ) ಸಿಟಿ ವಾರಾಡೊ ಹಾಂಚ್ಯಾ ಮುಖೇಲ್ಪಣಾನ್ ಕಥೊಲಿಕ್ ಸಭಾ ಬಜ್ಜೋಡಿ ಘಟಕಾಚ್ಯಾ ಸಹಕಾರಾನ್ ವಾರಾಡ್ಯಾಂತ್ ಪಯ್ಲೆಂ ಪಾವ್ಟಿಂ ದಾದ್ಲ್ಯಾಂಚೊ ದೀಸ್ ಆಚರಣ್ ದಿನಾಂಕ್ 22/11/2025 ವೆರ್ ಸಾಂಜೆರ್ 6.30 ವೊರಾರ್ ಬಾಳ್ ಮರಿಯೆಚಿ ಫಿರ್ಗಜ್, ಬಜ್ಜೋಡಿ ಹಾಂಗಾಸರ್ ಆಚರಣ್ ಕೆಲೊ.

ಕಾರ್ಯಾಚೆ ಅಧಕ್ಷ್ ಜಾವ್ನ್ ಸಿಟಿ ವಾರಾಡೊ ಅಧ್ಯಕ್ಷ್ ಮಾನೆಸ್ತಿಣ್ ವಿಲ್ಮಾ ಮೊಂತೇರೊ, ಮುಖೆಲ್ ಸಯ್ರೆ ಜಾವ್ನ್ ಕಥೊಲಿಕ್ ಸಭಾ ಕೇಂದ್ರೀಯ್ ಅಧ್ಯಕ್ಷ್ ಮಾನೆಸ್ತ್ ಸಂತೋಷ್ ಡಿಸೋಜಾ, ಸಿಟಿ ವಾರಾಡೊ ಆತ್ಮಿಕ್ ನಿರ್ದೇಶಕ್ ತಶೆಂಚ್ಚ್ ಆಂಜೆಲೊರ್ ಫಿರ್ಗಜ್ ವಿಗಾರ್ ಮಾನಾಧಿಕ್ ಬಾಪ್ ಫ್ರೆಡ್ರಿಕ್ ಮೊಂತೆರೊ, ಜಜ್ಜೋಡಿ ಫಿರ್ಗಜೆಚೆ ವಿಗಾರ್ ಆನಿ ಆತ್ಮಿಕ್ ನಿರ್ದೇಶಕ್ ಮಾನಾಧಿಕ್ ಬಾಪ್ ಡೊಮಿನಿಕ್ ವಾಸ್, ಮಾನಾಚೆ ಸಯ್ರೆ ಜಾವ್ನ್ ಕಥೊಲಿಕ್ ಸಭಾ ವಾರಾಡೊ ಕಾರ್ಯದರ್ಶಿ ಮಾನೆಸ್ತಿಣ್ ಫ್ಲಾವಿಯಾ ಮೊರಾಸ್, ಕಾರ್ಯಾಚಿ ಸಂಚಾಲಕ್ ತಶೆಂಚ್ಚ್ ಸಿಟಿ ವಾರಾಡೊ ಸ್ತ್ರೀ ಹಿತಾ ಸಂಚಾಲಕಿ ಮಾನೆಸ್ತಿಣ್ ಕ್ಲಾರಾ ಪಿಂಟೊ, ಬಜ್ಜೋಡಿ ಘಟಕ್ ಅಧ್ಯಕ್ಷ್ ಮಾನೆಸ್ತ್ ವಿನ್ಸೆಂಟ್ ಪಿಂಟೊ ವೆದಿರ್ ಹಾಜರ್ ಆಸ್ಲಿಂ.

ಸರ್ವ್ ಸ್ತ್ರೀ ಸಾಂದ್ಯಾಂನಿ ಮೆಳೊನ್ ಗೀತಾ ದ್ವಾರಿಂ ಕಾರ್ಯೆಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ. ಅಧ್ಯಕ್ಷ್ ಮಾನೆಸ್ತಿಣ್ ವಿಲ್ಮಾ ಮೊಂತೆರೊನ್ ಹಾಜರ್ ಆಸ್ಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಕಾರ್ಯಾಚೆ ಉಗ್ತಾವಣ್ ಕಾರ್ಯೆಂ ಬೈಬಲಾಂತ್ ತಶೆಂಚ್ಚ್ ಸಮಾಜೆಂತ್ ನಾಂವಾಡ್‍ಲ್ಲ್ಯಾ ಪ್ರಮುಖ್ ವ್ಯಕ್ತಿಂಚೊ ತಸ್ವೀರ್ಯೊ ಘಾಲ್ನ್ ಉಗ್ತಾವಣ್ ಕೆಲೆಂ. ಹೆಂ ಕಾರ್ಯೆಂ ಮಾನೆಸ್ತಿಣ್ ರೆನಿಟಾ ಶಾಂತಿ ವಾಸ್ ಹಾಣಿ ಚಲವ್ನ್ ವ್ಹೆಲೆಂ. ಆನಿ ಸರ್ವ್ ಘಟಕಾಚ್ಯಾ ಸ್ತ್ರೀ ಹಿತಾ ಸಂಚಾಲಕಿನಿ ಸಾಂಗಾತ್ ದಿಲೊ. ದಾದ್ಲ್ಯಾಂನಿ ಕರ್ಚೊ ವಾವ್ರ್ ಆನಿ ಸಾಕ್ರಿಫಿಸ್ ಮಾನುನ್ ಘೆವ್ನ್ ತಾಂಕಾ ಉಲ್ಲಾಸಾಚೆಂ ಗೀತ್ ಗಾಯ್ಲೆಂ. ಮಾನಾಧಿಕ್ ಬಾಪ್ ಫ್ರೆಡ್ರಿಕ್ ಮೊಂತೆರೊ ಆಪೆÇ್ಲ ಜಲ್ಮಾ ದೀಸ್ ನವೆಂಬರ್ ಮಹಿನ್ಯಾಚ್ಯಾ 21 ತಾರ್ಕೆರ್ ಆಚರಣ್ ಕೆಲ್ಲ್ಯಾ ವಗ್ತಾ ವಾರಾಡೊ ತರ್ಫೆನ್ ಕೇಕ್ ಕಾತರ್ನ್ ಉಲ್ಲಾಸಿಲೆಂ.

ವಾರಾಡೊ ಆತ್ಮಿಕ್ ನಿರ್ದೇಶಕ್ ಮಾನಾಧಿಕ್ ಬಾಪ್ ಫ್ರೆಡ್ರಿಕ್ ಮೊಂತೆರೊ, ಬಜ್ಜೋಡಿ ಫಿರ್ಗಜೆಚೆ ವಿಗಾರ್ ಮಾನಾಧಿಕ್ ಬಾಪ್ ಡೊಮಿನಿಕ್ ವಾಸ್, ಕೇಂದ್ರೀಯ್ ಅಧ್ಯಕ್ಷ್ ಮಾನೆಸ್ತ್ ಸಂತೋಷ್ ಡಿಸೋಜಾ ಹಾಣಿ ತಾಂಚೊ ಸಂದೇಶ್ ದೀವ್ನ್ ದಾದ್ಲ್ಯಾಂಚೊ ದೀಸ್ ಆಚರಣ್ ಕರ್ಚಿ ಗರ್ಜ್ ಸಮಾಜೆಂತ್ ಉದೆಲ್ಯಾ. ಗೊವ್ಳಿಕ್ ಪರಿಷದೆಂತ್ ಆನಿ ಹರ್ಯೆಕಾ ಸಂಘಟನಾಂತ್ ಚಡ್ತಾವ್ ಸ್ತ್ರೀಯೊ ಮುಖೇಲ್ಪಣ್ ಕಾಣ್ಘೆತಾತ್. ದಾದ್ಲ್ಯಾಂನಿ ಮುಕಾರ್ ಯೇಜಯ್ ಮ್ಹಣ್ ಬೊರೆಂ ಮಾಗ್ಲೆಂ.

ವಾರಾಡೊ ಕಾರ್ಯದರ್ಶಿ ಮಾನೆಸ್ತಿಣ್ ಫ್ಲಾವಿಯಾ ಮೊರಾಸಾನ್ ಆರ್ಥಿಕ್ ರೀತಿನ್ ಸಹಾಯ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ ಮ್ಹಳೆಂ ಆನಿ ಫುಲ್ ದೀವ್ನ್ ಮಾನ್ ಕೆಲೊ. ಸಂಚಾಲಕಿ ಮಾನೆಸ್ತಿಣ್ ಕ್ಲಾರಾ ಪಿಂಟೊನ್ ಸರ್ವಾಂಕ್ ಧನ್ಯವಾದ್ ದಿಲೆಂ. ಘಟಕಾವಾರ್ ಸಾಂಸ್ಕೃತಿಕ್ ಕಾರ್ಯೆಂ ಕಾರ್ಯಾಚೊ ಪ್ರಮುಖ್ ವಾಂಟೊ ಜಾವ್ನಾಸ್ಲೊ. ಸರ್ವ್ ದಾದ್ಲ್ಯಾಂಕ್ ಉಗ್ಡಾಸಾಚಿ ಕಾಣಿಕ್ ದಿಲಿ ಆನಿ ಸಂಭ್ರಮಿಕ್ ಜೆವ್ಣಾಸವೆಂ ಕಾರ್ಯೆಂ ಅಖೇರ್ ಕೆಲೆಂ. ಆಂಜೆಲೊರ್ ಘಟಕಾಚಿ ಮಾನೆಸ್ತಿನ್ ಲೊಲಿನಾ ಡಿಸೋಜಾ ಹಿಣೆ ಬೋವ್ ಉತ್ತೀಮ್ ರೀತಿನ್ ಕಾರ್ಯೆಂ ನಿರ್ವಹಣ್ ಕೆಲೆಂ.