ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ ಕುಪ್ಪೆಪದವ್ ಘಟಕಾಚೆ ರುಪ್ಯಾಳೋತ್ಸವ್ ಸಮಾರೋಪ್ ಕಾರ್ಯೆಂ ಎಪ್ರಿಲ್ 30 ತಾರೀಕೆರ್ ಆಯ್ತಾರಾ ಸಕಾಳಿಂ 10ವೊರಾರ್ ಮೀಸಾಚಾ ಬಲಿದಾನಾ ಉಪ್ರಾಂತ್ ಫಿರ್ಗಜ್ ಸಭಾಭವನಾಂತ್ ಚಲವ್ನ್ ವ್ಹೆಲೆಂ. ಕಾರ್ಯಾಚೆ ಉದ್ಘಾಟನ್ ಫಿರ್ಗಜ್ ವಿಗಾರ್ ಮಾ।ಬಾ।ಗ್ರೇಶನ್ ಆಲ್ವಾರಿಸ್ ಹಾಂಣಿ ಕೆಲೆಂ.ಕಾರ್ಯಾಚೆ ಅಧ್ಯಕ್ಷ್ ಜಾವ್ನ್ ವಾರಾಡೊ ಆತ್ಮೀಕ್ ನಿರ್ದೇಶಕ್ ಮಾ।ಬಾ। ವಲೇರಿಯನ್ ಡಿಸೋಜ ಹಾಜರ್ ಆಸ್ಲ್ಲೆ. ಹ್ಯಾ ಕಾರ್ಯಾಕ್ ಮುಕೆಲ್ ಸಯ್ರೆ ಜಾವ್ನ್ ಸ್ಥಾಪಕ್ ಆತ್ಮೀಕ್ ನಿರ್ದೇಶಕ್ ಮಾ।ಬಾ।ವಾಲ್ಟರ್ ಮೆಂಡೋನ್ಸಾ, ಕಥೊಲಿಕ್ ಸಭಾ ಕೇಂದ್ರೀಯ್ ಅಧ್ಯಕ್ಷ್ ಮಾನೆಸ್ತ್ ಸ್ಟ್ಯಾನಿ ಲೋಬೊ, ದಾಯ್ಜಿವಲ್ಡ್ ಮೀಡಿಯಾ ಸಂಸ್ಥಾಪಕ್ ಮಾನೆಸ್ತ್ ವಾಲ್ಟರ್ ನಂದಳಿಕೆ, ಕಥೊಲಿಕ್ ಸಭಾ ಬಂಟ್ವಾಳ್ ವಾರಾಡೊ ಅಧ್ಯಕ್ಷ್ ಮಾನೆಸ್ತ್ ಆರ್ಥರ್ ಡಿಸೋಜ, ಕಾರ್ಯದರ್ಶಿ ಫ್ಲೇವಿ ಡಿಸೋಜ, ಮರಿಯಗಿರಿ ಕೊವೆಂತಾಚಿ ವ್ಹಡಿಲ್ನ್ ಭ।ರೇಖಾ, ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತ್ ಲುವಿಸ್ ಪಿರೇರಾ ತಶೆಂಚ್ ಫಿರ್ಗಜ್ ಕುಟ್ಮಾಚೆ ಯಾಜಕ್ ಮಾ।ಬಾ।ಅನಿಲ್ ಲೋಬೊ ಆನಿಂ ಮಾ।ಬಾ।ವಿಲ್ಸನ್ ಸಿಕ್ವೇರಾ ಹಾಜರ್ ಆಸ್ಲ್ಲೆ.ಅಧ್ಯಕ್ಷ್ ಸಂತೋಷ್ ಡಿಸೋಜಾನ್ ಕಾರ್ಯಕ್ ಸ್ವಾಗತ್ ಕೆಲೊ ಕಾರ್ಯದರ್ಶಿ ಶರ್ಮಿಳಾ ಕುಟಿನ್ಹಾನ್ ಧನ್ಯವಾದ್ ಪಾಟಯ್ಲೆಂ, ಪ್ರದೀಪ್ ರೊಸಾರಿಯೊನ್ ಕಾರ್ಯೆಂ ನಿರ್ವಾಹಣ್ ಕೆಲೆಂ. ಪಾಟ್ಲ್ಯಂ ಪಂಚ್ವೀಸ್ ವರ್ಸಾಂನಿ ಸೆವಾ ದಿಲ್ಲ್ಯಾ ಅಧ್ಯಕ್ಷ್ ,ಕಾರ್ಯದರ್ಶಿಂಕ್ ತಶೆಂಚ್ ತಾಲೂಕ್ ಆನಿಂ ಗ್ರಾಮಪಂಚಾಯತ್ ಸಾಂದ್ಯಾಂಕ್ ಸನ್ಮಾನ್ ಕರ್ನ್ ಉಗ್ಡಾಸಾಚಿ ಕಾಣಿಕ್ ದಿಲಿ. ವೆದಿಂ ಕಾರ್ಯೆಂ ಉಪ್ರಾಂತ್ ಮಟ್ವೆಂ ಸಾಂಸ್ಕೃತಿಕ್ ಕಾರ್ಯೆಂ ಆಸಾ ಕೆಲ್ಲೆಂ.
