Moodbidri Deanery News

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್(ರಿ) ಮೂಡಬಿದ್ರಿ ವಾರಾಡ್ಯಾಚ್ಯಾ ಆನೆಗುಡ್ಡೆ ಫಿರ್ಗಜೆಂತ್ 113 ವೆಂ ಕಥೊಲಿಕ್ ಸಭಾ ಘಟಕ್ ದಿನಾಂಕ್ 26/10/2025 ವೆರ್ ಸ್ಥಾಪನ್ ಜಾಲೆಂ.

ಆನೆಗುಡ್ಡೆ ಫಿರ್ಗಜೆಚೆ ವಿಗಾರ್ ಮಾ|ಬಾ|ಪೌಲ್ ಡಿಸೋಜಾ ಫಿರ್ಗಜ್ ಉಪಾಧ್ಯಕ್ಷ್ ಆನಿ ಕರ‍್ಯದರ್ಶಿ ಹಾಂಚ್ಯಾ ಮುಖೇಲ್ಪಣಾಖಾಲ್ 38 ಸಾಂದ್ಯಾಸವೆA ಘಟಕ್ ಉಗ್ತಾವಣ್ ಕೆಲೆಂ. ಹ್ಯಾ ಕಾರ್ಯಕ್ರಮಾಕ್ ಕೇಂದ್ರಾಚೆ ಅಧ್ಯಕ್ಶ್ ಮಾನೆಸ್ತ್ ಸಂತೋಷ್ ಡಿಸೋಜಾ, ಪಿಆರ್‌ಓ ಮಾನೆಸ್ತ್ ರೋಲ್ಫಿ ಡಿ ಕೋಸ್ತಾ, ಕೇಂದ್ರಾಚಿ ಕಾರ್ಯದರ್ಶಿ ಮಾನೆಸ್ತಿಣ್ ವಿಲ್ಮಾ ಮೊಂತೆರೊ, ಮೂಡಬಿದ್ರಿ ವಾರಾಡೊ ಅಧ್ಯಕ್ಷ್ ಮಾನೆಸ್ತ್ ಓಲ್ವಿನ್ ರೊಡ್ರಿಗಸ್ ಆನಿ ವಾರಾಡೊ ಹುದ್ದೆದಾರ್ ಹಾಜರ್ ಆಸ್ಲೆ.

ಕಾರ್ಯಕ್ರಮ್ ಮಾನೆಸ್ತ್ ಓಲ್ವಿನ್ ರೊಡ್ರಿಗಸ್ ಹಾಣಿ ಚಲವ್ನ್ ವ್ಹೆಲೆಂ. ಚುನಾವ್ ಪ್ರಕ್ರಿಯಾ ಮಾನೆಸ್ತ್ ರೋಲ್ಫಿ ಡಿಕೋಸ್ತಾನ್ ಆನಿ ಮಾನೆಸ್ತಿಣ್ ವಿಲ್ಮಾ ಮೊಂತೆರೊ ಹಾಣಿಂ ಚಲವ್ನ್ ವ್ಹೆಲೆಂ. ಅಧ್ಯಕ್ಷ್ ಸ್ಥಾನಾಕ್ ದೋಗ್ ಜಣ್ ಅಬ್ಯರ್ಥಿ ಆಸ್‌ಲ್ಲಾ÷್ಯನ್ ಚುನಾವ್ ಕರ್ನ್ ಮಾನೆಸ್ತ್ ಜೋಕಿಮ್ ಡಿಕುನ್ಹಾ ಆನೆಗುಡ್ಡೆ ಘಟಕಾಚೊ ಪಯ್ಲೊ ಅಧ್ಯಕ್ಶ್ ಜಾವ್ನ್ ಬಹುಮತೆನ್ ವಿಂಚುನ್ ಆಯ್ಲೊ. ಮಾನೆಸ್ತ್ ಅನಿಲ್ ಡಿಕುನ್ಹಾ ಉಪಾಧ್ಯಕ್ಷ್ , ಆನಿ ಪಯ್ಲೊ ಕರ‍್ಯದರ್ಶಿ ಜಾವ್ನ್ ಮಾನೆಸ್ತ್ ಪ್ರವೀಣ್ ಟೆಲ್ಲಿಸ್, ಸಹಕಾರ್ಯದರ್ಶಿ ಮಾನೆಸ್ತಿಣ್ ಪ್ರಿಯಾ ಪಿಂಟೊ, ಖಜನ್ದಾರ್ ಮಾನೆಸ್ತ್ ದಿಲೀಪ್ ಡಿಕುನ್ಹಾ, ಆಮ್ಚೊ ಸಂದೇಶ್ ಪ್ರತಿನಿಧಿ ಮಾನೆಸ್ತ್ ರೋಬರ್ಟ್ ಡಿಕುನ್ಹಾ, ಸ್ತಿçÃಹಿತಾ ಸಂಚಾಲಕಿ ಲವೀನಾ ರೊಡ್ರಿಗಸ್, ರಾಜಕೀಯ್ ಸಂಚಾಲಕ್ ಮ್ಯಾಕ್ಸಿಮ್ ಮೆಂಡೊನ್ಸಾ, ಸಮುದಾಯ್ ಅಭಿವೃದ್ಧಿ ಸಂಚಾಲಕ್ ಪ್ರವೀಣ್ ಡಿಕುನ್ಹಾ, ಯುವ ಹಿತಾ ಸಂಚಾಲಕ್ ಜಾವ್ನ್ ವಿನ್ಸೆಂಟ್ ಡಿಕುನ್ಹಾ ವಿಂಚುನ್ ಆಯ್ಲಿಂ. ಸರ್ವ್ ಹುದ್ದೆದಾರಾಂನಿ ಭಾಸಾವ್ಣಿ ರ‍್ನ್ ತಾಂಚೊ ಹುದ್ದೊ ಸ್ವೀಕಾರ್ ಕೆಲೊ. ಆತ್ಮಿಕ್ ನಿರ್ದೇಶಕ್ ಬಾಪಾಂನಿ ಆಪ್ಲೊ ಸಂದೇಶ್ ದಿಲೊ ಆನಿ ಸರ್ವ್ ಹುದ್ದೆದಾರಾಂಕ್ ಬರೆಂ ಮಾಗ್ಲೆಂ.

ನವ್ಯಾನ್ ವಿಂಚುನ್ ಆಯಿಲ್ಯಾ ಅಧ್ಯಕ್ಷಾನ್ ಘಟಕ್ ಸ್ಥಾಪನಾವಿಶಿಂ ಆಪ್ಲೊ ಸಂತೊಸ್ ಉಚಾರ್ಲೊ ಆನಿ ಸರ್ವಾಂಚೊ ಸಹಕಾರ್ ವಿಚರ‍್ಲೊ. ಕೇಂದ್ರೀಯ್ ಅಧ್ಯಕ್ಷ್ ಮಾನೆಸ್ತ್ ಸಂತೋಷ್ ಡಿಸೋಜಾನ್ ಆಪ್ಲೊ ಸಂದೇಶ್ ದೀವ್ನ್ ಘಟಕಾಕ್ ಬರೆಂ ಮಾಗ್ಲೆಂ. ಕೇಂದ್ರಾಚೊ ಪಿಆರ್‌ಓ ಮಾನೆಸ್ತ್ ರೋಲ್ಫಿ ಡಿಕೋಸ್ತಾ ಹಾಣಿ ಕಥೊಲಿಕ್ ಸಭಾ ವಿಷ್ಯಾಆಂತ್ ಮಟ್ವಿ ಝಳಕ್ ದಿಲಿ ಆನಿ ಖಂಚ್ಯಾಯೀ ಘಡಿಯೆ ವಾ ಕ್ಕಿತೆಂಯೀ ವಿಚಾರುಂಕ್ ಆಸಾ ತರ್ ಆಪುಣ್ ಯೆತಾಂ ಆನಿ ಕೆದಾಳಾಯೀ ತುಮಿ ಆಮ್ಕಾಂ ಸಂಪರ್ಕ್ ಕರ್ಯೆತ್ ಮ್ಹಣ್ ಉಲೊ ದಿಲೊ ಆನಿ ಹುದ್ದೆದಾರಾಂಕ್ ಬರೆಂ ಮಾಗ್ಲೆಂ. ನವ್ಯಾ ಕರ‍್ಯದರ್ಶಿನ್ ಸರ್ವಾಂಕ್ ಧನ್ಯವಾದ್ ದಿಲೆಂ.