ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ) ರಾಣಿಪುರ ಘಟಕಾನ್ ಸಪ್ಟೆಂಬರಚಾ 4 ತಾರಿಕೆರ್ ಶಿಕ್ಷಕಾಂಚೊ ದೀಸ್ ಮಿಸಾಚಾ ಬಲಿದಾನಾ ಸವೆಂ ಆಚರಣ್ ಕೆಲೆಂ. ಪ್ರಧಾನ್ ಯಾಜಕ್ ಮಾ.ಬಾ.ರಾಯನ್ ಪಿಂಟೊ ಕಾರ್ಮೆಲಿತ್ ಹಾಣಿಂ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ, ರಾಣಿಪುರಚೊ ವಿಗಾರ್ ಮಾ.ಬಾ.ಜಯಪ್ರಕಾಶ್ ಸೋಜಾನ್ ಸಹ ಭೆಟವ್ಣಿಂ ಕೆಲಿ.

ಉಪ್ರಾಂತ್ ರಾಣಿಪುರಚಾ ಸೊಸೈಟಿ ಹಾಲಾಂತ್ ವೇದಿ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಮುಖೆಲ್ ಸಯ್ರೊ ಮಾ.ಬಾ. ರಾಯನ್ ಪಿಂಟೊ,ವಿಗಾರ್ ಜಯ ಪ್ರಕಾಶ್ ಸೋಜ್, ರಾಣಿಪುರ ಕೊವೆಂತಾಚಿ ವ್ಹಡಿಲ್ನ್ ಸಿ.ಉಷಾ ಬಿ.ಎಸ್, ಕಥೊಲಿಕ್ ಸಭಾ ಕೇಂದ್ರೀಯ್ ಅಧ್ಯಕ್ಷ್ ಮಾನೇಸ್ತ್ ಸ್ಟ್ಯಾನಿ ಲೋಬೊ, ವಾರಾಡೊ ಅಧ್ಯಕ್ಷ್ ವಲೇರಿಯನ್ ಡಿಸೋಜ, ಮುನ್ನೂರು ಗ್ರಾಮ ಪಂಚಾಯತ್ ಅಧ್ಯಕ್ಷ್ ಆನಿ ಕಥೊಲಿಕ್ ಸಭೆಚೊ ಸಾಂದೊ ಮಾನೇಸ್ತ್ ವಿಲ್ಫ್ರೆಡ್ ಡಿಸೋಜ, ಕೇಂದ್ರೀಯ್ ಸಹ ಕಾರ್ಯದರ್ಶಿ ಆನಿ ವಾರಾಡೊ ಕಾರ್ಯದರ್ಶಿ ಲವೀನಾ ಡಿಸೋಜ, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಆಲ್ವಿನ್ ಸೋಜ್, ಕಾರ್ಯದರ್ಶಿ ವಿಲ್ಮಾ ಸೋಜ್ ವೇದಿರ್ ಹಾಜರ್ ಅಸ್ಲಿಂ. ಘಟಕಾಚೊ ಅಧ್ಯಕ್ಷ್ ನವೀನ್ ಡಿಸೋಜನ್ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ವೇದಿರ್ ಅಸ್ಲ್ಯಾ ಸೈರ್ಯಾಂನಿ ದಿವೊ ಪೆಟವ್ನ್ ಕಾರ್ಯಾಕ್ ಸುರ್ವಾತ್ ದಿಲಿ. ಬಾಪ್ ರಾಯಾನಾನ್ ಅಪ್ಲ್ಯಾ ಸಂದೇಶಾಂತ್ ಶಿಕ್ಷಕಾಂಚಿ ಜವಾಬ್ದಾರಿ ಆನಿ ಮಿಸಾಂವ್ ವಿಶಿಂ ಉಲವ್ನ್ ಜೆಜು ಕ್ರಿಸ್ತ್ ಆಮ್ಚೊ ಮೆಸ್ತ್ರಿ ತಾಣೆಂ ಕೆಲ್ಲೆಂ ಬರಿಂ ತಾಣೆಂ ಜಿಯೆಲ್ಲೆಂ ಬರಿಂ ತಾಚಾ ಮೆಟಾಂನಿ ಚಲೊಂಕ್ ಉಲೊ ದಿಲೊ.ಅಪುಣ್ ವಿಧ್ಯಾರ್ಥಿ ಅಸ್ತಾನಾ ಶಿಕ್ಷಕಾಂಚಾ ಬರ್ಯಾ ಚಾಲಿ ವರ್ವಿಂ ಹ್ಯಾ ಹಂತಾಕ್ ಪಾವ್ಲಾಂ. ದೆಕುನ್ ಶಿಕ್ಷಕಾಂನಿ ಅಪ್ಲ್ಯಾ ನಡ್ತೆಂತ್ ಶಿಸ್ತೆಂತ್ ಅಪ್ಲಿ ಜವಾಬ್ದಾರಿ ಚಲಂವ್ಕ್ ಉಲೊ ದಿಲೊ. ವಿಗಾರ್ ಮಾ.ಬಾ. ಜಯಪ್ರಕಾಶ್ ಉಲವ್ನ್ ಬರೆಂ ಶಿಕ್ಷಕ್ ಬರಿಂ ಸಮಾಜ್ ರೂಪಿತ್ ಕರ್ತಾತ್ ದೆಕುನ್ ಶಿಕ್ಷಕಾಂಚಾ ಜವಾಬ್ದಾರೆ ವಿಶಿಂ ಸಂದೇಶ್ ದಿಲೊ. ಕೇಂದ್ರೀಯ್ ಅಧ್ಯಕ್ಷ್ ಸ್ಟ್ಯಾನಿ ಲೋಬೊನ್ ಶಿಕ್ಷಕಾಂಕ್ ಉಲ್ಲಾಸ್ ಪಾಟವ್ನ್ ಬರೆಂ ಮಾಗ್ಲೆಂ. ಕಥೊಲಿಕ್ ಸಭಾ ಕಿತೆಂ ವಾವ್ರ್ ಕರ್ತಾಂ, ಸಮಾಜೆಂತ್ ಆಮ್ಚ್ಯಾ ಸಮುದಾಯಾಕ್ ಸಮಸ್ಯೆ ಯೆತಾನಾ ಖಂಚಾ ರೀತಿನ್ ವಾವ್ರ್ ಕೆಲಾ, ಪುಡೆಂ ಆಮ್ಚ್ಯಾ ದೇಶಾಂತ್ ಆಮ್ಚೊ ಪುಡಾರ್ ಕಶೆಂ ಭಾಂದುನ್ ಹಾಡುಂಕ್ ಜಾಯ್ ತ್ಯಾ ದೆಕುನ್ ಹರ್ಯೇಕಾ ಶಿಕ್ಷಕಾಂನಿ ಕಥೊಲಿಕ್ ಸಭೆಚೊ ಸಾಂದೊ ಜಾವ್ನ್ ಸಮುದಾಯ್ ಬಳಾಧಿಕ್ ಕರುಂಕ್ ಉಲೊ ದಿಲೊ. ವಾರಾಡೊ ಅದ್ಯಕ್ಷ್ ವಲೇರಿಯನ್ ಡಿಸೋಜನ್ ಅಪ್ಲ್ಯಾ ಸಂದೇಶಾಂತ್ ಸರ್ವಾಂಕ್ ಬರೆಂ ಮಾಗ್ಲೆಂ.

ಉಪ್ರಾಂತ್ ಶಿಕ್ಷಕಾಂಕ್ ಮನೋರಂಜನ್ ಖೆಳ್ ಅಸಾ ಕರ್ನ್ ಧಾದೊಶಿ ಕೆಲೆಂ. ಹಾಜರ್ ಜಾಲ್ಲ್ಯಾ ಹರ್ಯೆಕಾ ಶಿಕ್ಷಕಾಂಕ್ ಅದ್ಯಕ್ಷ್ ನವೀನ್ ಡಿಸೋಜಾನ್ ಉಗ್ಡಾಸಾಚಿ ಕಾಣಿಕ್ ದಿಲಿ. ಶಿಕ್ಷಕಿ ಗೀತಾ ಡಿ ಸೋಜಾನ್ ಅಪ್ಲೊ ಅನ್ಭೋಗ್ ವಾಂಟುನ್ ಘೆತ್ಲೊ. ಹೆರಾಲ್ಡ್ ಲೋಬೊನ್ ಸರ್ವಾಂಚೊ ಉಪ್ಕಾರ್ ಅಟಯ್ಲೊ. ಫೆಲಿಕ್ಸ್ ಮೊಂತೆರೊನ್ ಕಾರ್ಯೆಂ ಚಲವ್ನ್ ವೆಲೆಂ.

ಹ್ಯಾ ಕಾರ್ಯಾಕ್ 50 ವಯ್ರ್ ಶಿಕ್ಷಕಾಂ ಆನಿ ಫಿರ್ಗಜೆಚೊ 100 ಲೋಕ್ ಹಾಜರ್ ಅಸೊನ್ ಕಾರ್ಯೆಂ ಯಶಸ್ವಿಭರಿತ್ ಜಾಲೆಂ.

Comments powered by CComment

Latest News

Home | About | NewsSitemap | Contact

Copyright ©2015 www.catholicsabha.org. Powered by eCreators

Catholic Sabha Mangalore Pradesh (R)
Bishop's House
Kodialbail Post
Mangalore - 575 003

Phone: 0824-2427474