ಜಿವಂತ್ ಜೆಜುಚಿ ಫಿರ್ಗಜ್ ಬೋವಿಕ್ಕಾನ ಕಥೊಲಿಕ್ ಸಭಾ ಘಟಕ್ - ಪ್ರತಿಭಾ ಪುರಸ್ಕಾರ್ ಆನಿ ಶಿಕ್ಷಕಾಂಚೊ‌ ದೀಸ್ ಆಚರಣ್

ತಾರೀಕ್ 08.09.2025. ಆಯ್ತಾರಾ ಮೀಸಾ ಉಪ್ರಾಂತ್ ಧವಿ‌ ತಶೆಂಚ್ ಪಿ.ಯು.ಸಿ. ತರಗತಿಂತ್ ಉತ್ತೀಮ್‌ ಅಂಕ್ ಜೋ‌ಡ್ಲ್ಯಾ ಭುರ್ಗ್ಯಾಂಕ್ ಆನಿ ಇತರ್ ಚಟುವಟಿಕೆಂತ್ ಭಾಗ್ ಘೆವ್ನ್ ಉತ್ತೀಮ್ ಅಂಕ್ ಜೊಡ್ಲ್ಯಾ ಭುರ್ಗ್ಯಾಂಕ್ ಕೆಥೊಲಿಕ್ ಸಭಾ ತಫ್ರೇನ್ ಸನ್ಮಾನ್ ಕೆಲೊ. ತಶೆಂಚ್ ಆಮ್ಚಾ ಸಮಾಜೆಂಚ್ಯಾ ಆನಿ ಫಿರ್ಗೆಜೆಚ್ಯಾ ಭುರ್ಗ್ಯಾಂಕ್ ಶಿಕೊವ್ನ್ ದೀಂವ್ಚ್ಯಾ ಸರ್ವ್ ಶಿಕ್ಷಕಾಂಕ್ ಕೆಥೊಲಿಕ್ ಸಭಾ ತಫ್ರೇನ್ ಉಗ್ಡಾಸಾಚಿ ಕಾಣಿಕ್ ದೀಂವ್ನ್ ಶಿಕ್ಷಕಾಂಚೊ ದೀಸ್ ಆಚರಣ್ ಕೆಲೊ. ಹ್ಯಾ ಕಾರ್ಯಾಕ್ ಬೋವಿಕ್ಕಾನ್ ಫಿರ್ಗಜೆಚ್ಯಾ ವಿಗಾರ್ ಬಾಪಾ‌ ಸ್ಟೇನಿ ಕ್ಲಾಡಿ ವಾಸ್ ಹಾಂಚ್ಯಾ ಮುಕೇಲ್ಪಣಾ ದ್ವಾರಿ ಚಲಯ್ಲ್ಯೆ. ಆನಿ ಹ್ಯಾ ದೀಸಾ ಪ್ರಧಾನ್ ಯಜಕ್ ಬಾಪ್ ಪ್ರವೀಣ್ ಹಾಜರ್ ಅಸ್ಲೆಂ. ಹೆಂ ಕಾರ್ಯೆ ಘಟಕಾಚಿಂ ಕಾರ್ಯದರ್ಶಿ ಲವಿನಾ ಹಿಣೆಂ ನಿರೂಪಣ್ ಕೆಲೆಂ. ಹ್ಯಾ ಕಾರ್ಯೆ ವಾರಾಡೊ ಕಾರ್ಯದರ್ಶಿ ಜೋರ್ಜ್ ಮನಿ , ಘಟಕಾಚಿಂ ಸರ್ವ್ ಹುದ್ದೆದರಾಂ ಆನಿ ಫಿರ್ಗಜ್ ಲೋಕಾ ಸಾಂಗಾತಾ ಆಚರಣ್ ಕೆಲೊ.