Episcopal City Deanery News

24.08.2025: ಆಮ್ಚ್ಯಾ ಸಮುದಾಯೆಚ್ಯಾ ಯುವಜಣಾಂಕ್ ಮಾಹೆತ್ ಅನಿಂ ತರ್ಭೆತಿ ದೀವ್ನ್ ತಯಾರ್ ಕರುಂಕ್, ತಾಂಕಾಂ ಸರ್ಕಾರಿ ಉದ್ಯೋಗ್ ಅಪ್ಣಾಂವ್ಕ್ ಸಹಕಾರ್ ಅನಿಂ ಸಂಪೂರ್ಣ್ ಜವಾಬ್ದಾರಿ ಘೆವ್ನ್ ವಾವ್ರ್ ಕರ್ಚೆಂ ಯೋಜನ್ ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಹಂತಾರ್ ಹಂತಾರ್ "ತರ್ಣಾಟ್ಯಾ ಪ್ರಾಯೆರ್ - ಆಮ್ಚೆ ಯುವಜಣ್ - ಸರ್ಕಾರಿ ಉದ್ಯೋಗಾಂ ಖಾತಿರ್' "PRERAN CATCH THEM YOUNG' ಮ್ಹಳ್ಯಾ ಧ್ಯೇಯ್ ವಾಕ್ಯಾ ಖಾಲ್ ಪ್ರಾರಂಭ್ ಜಾಲ್ಲೆಂ ಜಾವ್ನಾಸಾ.

ಹೆಂ ಕಾರ್ಯಕ್ರಮ್ ಕಥೊಲಿಕ್ ಸಭಾ ತಣೀರುಭಾವಿ ಘಟಕಾಂಚ್ಯಾ ಮುಖೇಲ್ಪಣಾಖಾಲ್ ತಣೀರುಭಾವಿ - ಫಿರ್ಗಜೆಚ್ಯಾ ಭುರ್ಗ್ಯಾಂಕ್, ಯುವಜಣಾಂಕ್ ಆನಿ ತಾಂಚ್ಯಾ ವ್ಹಡಿಲಾಂಕ್, ಆಯ್ತಾರಾ, ಆಗಸ್ಟ್ ಮಹಿನ್ಯಾಚ್ಯಾ 24 ತಾರಿಕೆರ್, ಭುರ್ಗ್ಯಾಂಚ್ಯಾ ದೊತೊರ್ನಿಚ್ಯಾ ವೆಳಾರ್ ಸಕಾಳಿಂ 8 ಥಾವ್ನ್ 9 ವೊರಾಂ ಪರ್ಯಾಂತ್ ತಣೀರುಭಾವಿ ಇಗರ್ಜೆಂತ್ ಹಾಡ್ಲೆಂ.

ಹ್ಯಾ ಕಾರ್ಯಕ್ರಮಾ ವೆಳಿಂ ತಣೀರುಭಾವಿ ಫಿರ್ಗಜೆಚೆ ವಿಗಾರ್ ಮಾನಾಧಿಕ್ ಬಾಪ್ ಲೋರೆನ್ಸ್ ಡಿಸೋಜ , ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚಿ ಅಧ್ಯಕ್ಷ್ - ಮಾನೆಸ್ತಿಣ್ ಐಡಾ ಪುರ್ಟಾಡೊ, ಕಾರ್ಯಾಚೊ ವಾರಾಡೊ ಸಂಚಾಲಕ್ ಮಾನೆಸ್ತ್ ದೀಪಕ್ ಡಿ ಸೋಜ, ವಾರಾಡ್ಯಾಚೆ ಅತ್ಮಿಕ್ ನಿರ್ದೇಶಕ್ ಬಾಪ್ ಜೋನ್ ವಾಸ್ , ವಾರಾಡ್ಯಾಚೆ ಹುದ್ದೆದಾರ್ ಮಾನೇಸ್ತಿಣ್ ಜೆಸಿಂತಾ ಲೋಬೊ , ನಿಕಟ್ ಪೂರ್ವ್ ಅಧ್ಯಕ್ಷ್ ಮಾನೇಸ್ತ್ ಸ್ಟೀವನ್ ರೊಡ್ರಿಗಸ್ ಕುಳೂರ್ ಘಟಕ್ ಅಧ್ಯಕ್ಷ್ ರೊವಿನ್ ಡಿಸೋಜ , ಸಂಪನ್ಮೂಲ್ ವ್ಯಕ್ತಿ ಮಾನೆಸ್ತ್ ಅಲ್ವಿನ್ ಡಿಸೋಜ , ಮಾನೆಸ್ತ್ ಫ್ರಾಸ್ನಿಸ್ , ಹಾಜರ್ ಅಸ್ಲಿಂ.

ಮಾನೆಸ್ತ್ ಡಾರ್ವಿನ್ ಡಿಸೋಜಾನ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊಂ.

ಮಾನಧಿಕ್ ಬಾಪ್ ಲಾರೆನ್ಸ್ ಡಿಸೋಜಾ ಬಾಪಾಂನಿ ಕಾರ್ಯಾಕ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ಉದ್ದೇಶಿಸುನ್ ಕಾರ್ಯಾಕ್ ಬರೆಂ ಮಾಗ್ಲೆಂ.

ಘಟಕಾಚೊ ಅಧ್ಯಕ್ಷ್ , ಹಾಂಚ್ಯಾ ಮಾರ್ಗದರ್ಶನ್ ಮುಖೇಲ್ಪಣಾಖಾಲ್, ಘಟಕಾಚ್ಯಾ ಸರ್ವ್ ಹುದ್ದೆದಾರಾಂಚ್ಯಾ ಸಹಕಾರಾನ್ ವಾರಾಡ್ಯಾಚ್ಯಾ ನಿರ್ದೇಶನಾಖಾಲ್ ಹೆಂ ಕಾರ್ಯೆಂ ಯಶಸ್ವಿ ಜಾಲೆಂ.

ಹ್ಯಾ ಶಿಬಿರಾಂತ್ 35 ಭುರ್ಗ್ಯಾಂನಿ ಆನಿ ಯುವಜಣಾಂನಿ ತಾಂಚಾ ವ್ಹಡಿಲಾಂ ಸವೆಂ ಒಟ್ಟುಕ್ 48 ಜಣಾಂ ಹಾಜರ್ ಅಸ್ಲಿಂ.

ಅಕೇರಿಕ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಕಾಫಿ ಫಳ್ಹಾರ್ ದೀವ್ನ್ ಕಾರ್ಯೆಂ ಅಕೇರ್ ಕೆಲೆಂ.