ಸಂತ್ ದೊಮಿನಿಕ್ ಪಿರ್ಗಾಜ್ ಕಥೊಲಿಕ್ ಸಭಾ ಅಶೋಕ್‌ನಗರ್ ಘಟಕ್ , ಪರಿಸರ್ ಆಯೋಗ್, ಸಾಮಾಜಿಕ್ ಉದರ್ಗತೆ ಚೊ ಆಯೋಗ್, ಸ್ತ್ರೀಯಾ0ಚೊ ಆಯೋಗ್ ಸಂಗಾತಾ ಮೆಳೊನ್ ಸಾವಯವ ಕೃಷಿ ಗ್ರಾಹಕ ಬಳಗ ಮಂಗಳೂರು ಹಾಂಚಾ ಸಹಕಾರನ್ 2022 ಅಗೋಸ್ತಾಚ್ಯಾ 21 ತರೀಕೆರ್ ಆಯ್ತಾರ ಸಕಳಿ0 9.30 ವೊರಾಂಚೆರ್ ಪಿರ್ಗಾಜಿಚ್ಯಾ ಮಿನಿಂ ಹೊಲಾಂತ್ ಕೈತೋಟ ಕ್ರಾಂತಿ ಕಾರ್ಯಕ್ರಮ್ ಮಾಂಡುನ್ ಹಾಡ್ಲೆಂ. ಕಥೊಲಿಕ್ ಸಭೆಚ್ಯೆ ಆತ್ಮಿಕ್ ದಿರೆಕ್ತೊರ್ ಬಾಪ್ ಮಾನಾದಿಕ್ ಡೇನಿಯಲ್ ವೇಗಾಸನ್ ದಿವೊ ಪೆಟೊನ್ ಕಾರ್ಯಚೆಂ ಉಗ್ತಾವನ್ ಕೆಲೆಂ.
ಯ್ಯಾ ಕಾರ್ಯಕ್ ಸಂಪನ್ಮೂಲ್ ವ್ಯಕ್ತಿ ಜಾಂವ್ನ್ ಶ್ರೀ ಹರಿಕೃಷ್ಣ ಕಾಮತ್ ಹಾಜಾರ್ ಆಸ್‌ಲ್ಲೆ. ಆಂಮ್ಚಾ ಘರ‍್ಚಾ ಅಂಗ್ಣ0ತ್ , ಟೆರೆಸಾರ್ ,ಚಟ್ಟ್ಯಾನಿ0 ವಿವಿದ್ ಥರಾಂಚಿ ರಾಂದ್ವಾಯ್ ಲಾಂವ್ಚ್ಶೆಂ ವಿಶೆಂತ್ , ಬಿಯಾಳೊ ಸಂರಕ್ಷಣ್ ಕರ‍್ಚಾ ವಿಶೆಂತ್, ತಾಕಾ ಇಟ್ ಗಾಲ್ಚಾ ವಿಶೆಂತ್ ಸವಿಸ್ತಾರ್ ಮಾಯೆತ್ ದಿಲಿ. 60 ಜನಾ0ನಿ ಯ್ಯಾ ಶಿಬಿರಾಚೊ ಪಾಯ್ದೊ ಜೊಡ್ಲೊ.
ವೆದಿ ಕಾರ್ಯಕ್ ಮುಖೆಲ್ ಸೈರೆ ಜಾಂವ್ನ್ ಪಿರ್ಗಾಜೆಚೊ ವಿಗಾರ್ ಬಾಪ್ ಮಾನಾದಿಕ್ ಡೇನಿಯಲ್ ವೇಗಸ್, ಸಂಪನ್ಮೂಲ್ ವ್ಯಕ್ತಿ ಶ್ರೀ ಹರಿಕೃಷ್ಣ ಕಾಮತ್ , ಸಾವಯವ ಕೃಷಿ ಗ್ರಾಹಕ ಬಳಗಾಚೊ ಕಾರ್ಯದರ್ಶಿ ಶ್ರೀ ರತ್ನಾಕರ ಕುಳಾಯಿ, ವಾರಾಡೊ ಅಧ್ಯಕ್ಷಿಣ್ ಆನಿ0 ಸಾಮಾಜಿಕ್ ಉದರ್ಗತೆಚೊ ಆಯೋಗಾಚಿ ಸಂಚಾಲಕಿ ಶ್ರೀಮತಿ ನೊರಿನ್ ಪಿಂಟೊ, ಸ್ತ್ರೀಯಾಂಚ್ಯಾ ಆಯೋಗಚಿ ಸಂಚಾಲಕಿ ಶ್ರೀಮತಿ ಫೆಲಿಸಿಯಾ ಪಿಂಟೊ ಹಾಜಾರ್ ಆಸಲ್ಲಿಂ . ಕಾರ್ಯೆ0 ಮಾಗ್ಣ್ಯಸವೆಂ ಆರಂಬ್ ಕೆಲೆಂ. ಸುರ್ವೆರ್ ಕಥೊಲಿಕ್ ಸಬೆಚೊ ಅಧ್ಯಕ್ಷ್ ಶ್ರೀ ವಿನ್ಸನ್ ಡಿಸೋಜನ್ ಸ್ವಾಗತ್ ಕೆಲೆಂ . ಶ್ರೀ ಸೂರಾಜ್ ನ್ಯೂನೆಜ್‌ನ್ ಉಪ್ಕಾರ್ ಬಾವುಡ್ಲೊ . ಘಟಕಾಚಿ ಕಾರ್ಯದರ್ಶಿ ಶ್ರೀಮತಿ ಮೀರಾ ಮೆಂಡೊನ್ಸಾನ್ ಕಾರ್ಯೆ0 ಚಲೊನ್ ವೆಲೆಂ
Comments powered by CComment