Episcopal City Deanery News

ಆಮ್ಚ್ಯಾ ಕ್ರಿಸ್ತಾಂವ್ ಸಮುದಾಯೆಚ್ಯಾ ಯುವಜಣಾನಿಂ ಸರ್ಕಾರಿ ಉದ್ಯೋಗಾಂಕ್ ಭರ್ತಿ ಜಾಂವ್ಕ್, ಹ್ಯಾ ವಿಶಿಂ ತಾಂಚಿ ಆಸಕ್ತ್ ಚಡೊಂಕ್ ಅನಿಂ ಯೆತೆತ್ಯಾ ವರ್ಸಾನಿಂ ಹ್ಯಾ ವಿಶಿಂ ಆಮ್ಚ್ಯಾ ಸಮುದಾಯೆಚ್ಯಾ ಯುವಜಣಾಂಕ್ ಮಾಹೆತ್ ಅನಿಂ ತರ್ಭೆತಿ ದೀವ್ನ್ ತಯಾರ್ ಕರುಂಕ್, ತಾಂಕಾಂ ಸರ್ಕಾರಿ ಉದ್ಯೋಗ್ ಅಪ್ಣಾಂವ್ಕ್ ಸಹಕಾರ್ ಅನಿಂ ಸಂಪೂರ್ಣ್ ಜವಾಬ್ದಾರಿ ಘೆವ್ನ್ ವಾವ್ರ್ ಕರ್ಚೆಂ ಯೋಜನ್ ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಹಂತಾರ್ ಹಂತಾರ್ "ತರ್ಣಾಟ್ಯಾ ಪ್ರಾಯೆರ್ - ಆಮ್ಚೆ ಯುವಜಣ್ - ಸರ್ಕಾರಿ ಉದ್ಯೋಗಾಂ ಖಾತಿರ್' "PRERAN CATCH THEM YOUNG' ಮ್ಹಳ್ಯಾ ಧ್ಯೇಯ್ ವಾಕ್ಯಾ ಖಾಲ್ ಪ್ರಾರಂಭ್ ಜಾಲ್ಲೆಂ ಜಾವ್ನಾಸಾ.

ಹೆಂ ಕಾರ್ಯಕ್ರಮ್ ಕಥೊಲಿಕ್ ಸಭಾ ರುಜಾಯ್ ಘಟಕಾಂಚ್ಯಾ ಮುಖೇಲ್ಪಣಾಖಾಲ್ ರುಜಾಯ್ ಫಿರ್ಗಜೆಚ್ಯಾ ಭುರ್ಗ್ಯಾಂಕ್, ಯುವಜಣಾಂಕ್ ಆನಿ ತಾಂಚ್ಯಾ ವ್ಹಡಿಲಾಂಕ್, ಆಯ್ತಾರಾ, ಆಗಸ್ಟ್ ಮಹಿನ್ಯಾಚ್ಯಾ 24 ತಾರಿಕೆರ್, ಭುರ್ಗ್ಯಾಂಚ್ಯಾ ದೊತೊರ್ನಿಚ್ಯಾ ವೆಳಾರ್ ಸಕಾಳಿಂ 8 ಥಾವ್ನ್ 9 ವೊರಾಂ ಪರ್ಯಾಂತ್ ರುಜಾಯ್ ಕಲ್ಚರಲ್ ಹೊಲಾಂತ್ ಮಾಂಡುನ್ ಹಾಡ್ಲೆಂ. ಹ್ಯಾ ಕಾರ್ಯಕ್ರಮಾ ವೆಳಿಂ ರುಜಾಯ್ ಫಿರ್ಗಜೆಚೆ ಸಹಾಯಕ್ ವಿಗಾರ್ ಮಾನಾಧಿಕ್ ಬಾಪ್ ವಲೇರಿಯನ್ ಫೆರ್ನಾಂಡಿಸ್ , ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚಿ ಅಧ್ಯಕ್ಷ್ - ಘಟಕಾಚಿ ಉಪಾಧ್ಯಕ್ಷ್ ಮಾನೆಸ್ತಿಣ್ ಐಡಾ ಪುರ್ಟಾಡೊ, ಕಾರ್ಯಾಚೊ ವಾರಾಡೊ ಸಂಚಾಲಕ್ ಮಾನೆಸ್ತ್ ದೀಪಕ್ ಡಿ ಸೋಜ, ವಾರಾಡ್ಯಾಚೆ ಹುದ್ದೆದಾರ್ ಮಾನೆಸ್ತ್ ಜೇಸನ್ ಡಿಸೋಜ, ಮಾನೆಸ್ತ್ ಸ್ಟೀವನ್ ಮೊಂತೇರೊ, ಸಂಪನ್ಮೂಲ್ ವ್ಯಕ್ತಿ ಮಾನೆಸ್ತಿಣ್ ಶೆರಿಲ್ ಎಸ್. ಪ್ರಭು, ಮಾನೆಸ್ತ್ ಪ್ರೊಪೆಸರ್ ರೊನಾಲ್ಡ್ ಪಿಂಟೊ, ಘಟಕಾಚೊ ಕಾರ್ಯದರ್ಶಿ ಮಾನೆಸ್ತ್ ವಿಲಿಯಂ ಡಿಸೋಜ ವೆದಿರ್ ಹಾಜರ್ ಅಸ್ಲಿಂ.

ಖಜನ್ದಾರ್ ಮಾನೆಸ್ತಿಣ್ ರೀಟಾ ಡಿಸೋಜಾನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿಂ.

ಕಾರ್ಯದರ್ಶಿ ಮಾನೆಸ್ತ್ ವಿಲಿಯಂ ಡಿಸೋಜಾನ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊಂ.

ಮಾನಧಿಕ್ ಬಾಪ್ ವಲೇರಿಯನ್ ಫ್ರೆನಾಂಡಿಸ್ ಬಾಪಾಂನಿ ಕಾರ್ಯಾಕ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ಉದ್ದೇಶಿಸುನ್ ಕಾರ್ಯಾಕ್ ಬರೆಂ ಮಾಗ್ಲೆಂ.

ಸಹಕಾರ್ಯದರ್ಶಿ ಮಾನೆಸ್ತಿಣ್ ಮೇಬಲ್ ಡಿಸೋಜಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ ಆನಿ ಸಭೆಕ್ ಸಂಪನ್ಮೂಲ್ ವ್ಯಕ್ತಿಚಿಂ ವಳಕ್ ಕರ್ನ್ ದಿಲಿಂ.

ಸಂಪನ್ಮೂಲ್ ವ್ಯಕ್ತಿ ಮಾನೆಸ್ತಿಣ್ ಶೆರಿಲ್ ಎಸ್ ಪ್ರಭುನ್ ಭುರ್ಗ್ಯಾಂಕ್ ಆನಿ ತಾಂಚ್ಯಾ ವ್ಹಡಿಲಾಂಕ್ ಪ್ರೇರಣ್ ದಿಂವ್ಚೆ ವಿಷಯಾಂಚೆರ್ ಆನಿ ಮಾನೆಸ್ತ್ ಪ್ರೊಪೆಸರ್ ರೊನಾಲ್ಡ್ ಪಿಂಟೊನ್ ಸಿವಿಲ್ ಸರ್ವಿಸ್ ಮ್ಹಣ್ಜೆಂ ಸರ್ಕಾರಿ ಕಾಮಾಂ ಕಶೆಂ ಅಪ್ಣಾವ್ಯೆತ್, ಕಶಿಂ ತಯಾರಾಯ್ ಕರ್ಚೆಂ ಆನಿ ಖಂಚಿ ಸಕ್ಕಡ್ ಪರೀಕ್ಷಾ ಬರಂವ್ಕ್ ಜಾಯ್ ಮ್ಹಳ್ಳೆಂ ವಿಶಿಂ ಭರ್ಪೂರ್ ಮಾಹೆತ್ ದಿಲಿಂ.

ಹ್ಯಾ ಕಾರ್ಯಾಚ್ಯಾ ಯಶಸ್ವಿಕ್ ಸಹಕಾರ್ ದಿಲ್ಲ್ಯಾ ಇಗರ್ಜೆಚ್ಯಾ ದೊತೊರ್ನ್ ಶಿಕಂವ್ಚ್ಯಾ ಶಿಕ್ಷಕಾಂಕ್ ಗುಲೋಬ್ ದೀವ್ನ್ ಉಪ್ಕಾರ್ ಬಾವುಡ್ಲೊಂ.

ವಾರಾಡ್ಯಾಚಿ ಅಧ್ಯಕ್ಷ್ - ಘಟಕಾಚಿ ಉಪಾಧ್ಯಕ್ಷ್ ಮಾನೆಸ್ತಿಣ್ ಐಡಾ ಫುರ್ಟಾಡೊನ್ ಕಾರ್ಯಾಚ್ಯಾ ಯಶಸ್ವಿಕ್ ಅಧಾರ್ಸಿಲ್ಲ್ಯಾ ಸುದಾರ್ಸಿಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊಂ.

ಘಟಕಾಚೊ ಅಧ್ಯಕ್ಷ್ ಮಾನೆಸ್ತ್ ಫಿಲಿಪ್ ಪಿರೇರಾ ಹಾಂಚ್ಯಾ ಮಾರ್ಗದರ್ಶನ್ ಆನಿ ಖಜನ್ದಾರ್ ಮಾನೆಸ್ತಿಣ್ ರೀಟಾ ಡಿಸೋಜಾಚ್ಯಾ ಮುಖೇಲ್ಪಣಾಖಾಲ್, ಘಟಕಾಚ್ಯಾ ಸರ್ವ್ ಹುದ್ದೆದಾರಾಂಚ್ಯಾ ಸಹಕಾರಾನ್ ವಾರಾಡ್ಯಾಚ್ಯಾ ನಿರ್ದೇಶನಾಖಾಲ್ ಹೆಂ ಕಾರ್ಯೆಂ ಯಶಸ್ವಿ ಜಾಲೆಂ.

ಹ್ಯಾ ಶಿಬಿರಾಂತ್ 46 ಭುರ್ಗ್ಯಾಂನಿ ಆನಿ ಯುವಜಣಾಂನಿ ತಾಂಚಾ ವ್ಹಡಿಲಾಂ ಸವೆಂ ಒಟ್ಟುಕ್ 100 ಜಣಾಂ ಹಾಜರ್ ಅಸ್ಲಿಂ.

ಹೆಂ ಕಾರ್ಯೆಂ ವೆಳಿಂ ಸಂಪನ್ಮೂಲ್ ವ್ಯಕ್ತಿನ್ ದಿಲ್ಲಿ ಮಾಹೆತ್ ಸರ್ವಾಂಕ್ ಗರ್ಜೆಚಿ ಆನಿ ಉಪ್ಕಾರಾಚಿ ಜಾವ್ನ್ ಆಸ್ಲಿಂ. ಅಕೇರಿಕ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಕಾಫಿ ಫಳ್ಹಾರ್ ದೀವ್ನ್ ಕಾರ್ಯೆಂ ಅಕೇರ್ ಕೆಲೆಂ.