ಸಪ್ತೆಂಬರ್ ಮಹಿನ್ಯಾಚ್ಯಾ 14 ತಾರಿಕೆರ್, ಸಾಂಜೆರ್ 6 ವರಾರ್, ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ) - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚಿ ಸಪ್ತೆಂಬರ್ ಮಹಿನ್ಯಾಚಿ ಜಮಾತ್ ರುಜಾಯ್ ಕಾಥೆದ್ರಾಲಾಚ್ಯಾ ಸಭಾ ಸಾಲಾಂತ್ ಚಲ್ಲಿಂ. ಹ್ಯಾ ಸಂದರ್ಭಿ ಮೊಂತಿ ಫೆಸ್ತಾಚೊ ಸಂಭ್ರಮ್ ನವೆಂ ಜೆವಾಣ್ ಸೆಂವ್ಚ್ಯಾ ಮುಖಾಂತ್ರ್ ಆರಂಭ್ ಕರ್ನ್ ಕುಟ್ಮಾ ಜೆವ್ಣಾ ಸವೆಂ ಅಕೇರ್ ಕೆಲೆಂ.
ಹ್ಯಾ ಆಚರಣಾಕ್ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೊ ಆತ್ಮೀಕ್ ನಿರ್ದೇಶಕ್ ಬಾಪ್ ವಾಲ್ಟರ್ ಡಿಮೆಲ್ಲೊ, ಅಧ್ಯಕ್ಷ್ ಮಾನೆಸ್ತಿಣ್ ನೋರಿನ್ ಪಿಂಟೊ, ಕಾರ್ಯದರ್ಶಿ ಮಾನೆಸ್ತಿಣ್ ಜೇನ್ ರೊಸಾರಿಯೊ, ನಿಕಟ್ ಪೂರ್ವ್ ಅಧ್ಯಕ್ಷ್ ಮಾನೆಸ್ತ್ ಪ್ಯಾಟ್ರಿಕ್ ಡಿಸೋಜ ಆನಿ 11 ಘಟಕಾಚೆ ಒಟ್ಟು 75 ಹುದ್ದೆದಾರ್ ಹಾಜರ್ ಅಸ್ಲೆಂ.
ಆತ್ಮೀಕ್ ನಿರ್ದೇಶಕ್ ಬಾಪಾಂನಿ ನವೆಂ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೆಂ ಆನಿ ಹಾಜರ್ ಅಸ್ಲ್ಯಾ ಸರ್ವಾಂನಿ ನವೆಂ ಜೆವಾಣ್ ಸೆವ್ಲೆಂ. ರುಜಾಯ್ ಕಾಥೆದ್ರಾಲಾಚ್ಯ ವಿಗಾರ್ ಬಾಪಾಂನಿ ಜೆವ್ಣಾಚೆರ್ ದೆವಾಚೊ ಅಶೀರ್ವಾದ್ ಮಾಗ್ಲೊಂ. ಕುಟ್ಮಾ ಜೆವ್ಣಾ ಸವೆಂ ಕಾರ್ಯೆಂ ಅಕೇರ್ ಜಾಲೆಂ.