ಏಪ್ರಿಲ್ 23, 2018 ಸೊಮಾರಾ ಕಥೊಲಿಕ್ ಸಭಾ ಕಾಸ್ಸಿಯಾ ಘಟಕಾಚ್ಯಾ ಜೆರಾಲ್ ಜಮಾತೆಂತ್ ಹುದ್ದೊ ಹಸ್ತಾಂತರ್ ಆನಿ ಕೇಂದ್ರಿಕ್ ಸಮಿತಿಚ್ಯಾ ಅಧ್ಯಕ್ಷಾಕ್ ಸನ್ಮಾನ್ ಕಾರ್ಯೆಂ ಆಸಾ ಕೆಲ್ಲೆಂ. ಜಮಾತೆರ್ ಸಗ್ಳ್ಯಾ ವರ್ಸಾ ಆಸಾ ಕೆಲ್ಲ್ಯಾ ಕಾರ್ಯಕ್ರಮಾಚಿ ವಾರ್ಷಿಕ್ ವರ್ಧಿ ಆನಿ ವಾರ್ಷಿಕ್ ಲೇಕ್‍ಪಾಕಾಚಿ ವರ್ಧಿ ಮಂಡನ್ ಕೆಲಿ.

ಕೇಂದ್ರಿಕ್ ಸಮಿತಿಚ್ಯಾ ಅಧ್ಯಕ್ಷ್ ಶ್ರೀಮಾನ್ ಅನಿಲ್ ಲೋಬೊ ಹಾಣಿಂ ದೋನ್ ವರ್ಸಾಂ ಕೇಂದ್ರಿಕ್ ಸಮಿತಿಚ್ಯಾ ಅಧ್ಯಕ್ಷ್ ಜಾವ್ನ್ ಕೆಲ್ಲಿಂ ಸಬಾರ್ ಕಾಮಾಂ ವಾಖಾಣುನ್ ಸನ್ಮಾನ್ ಕೆಲೊ. ಹಾಂಕಾ ಕಾಸ್ಸಿಯಾ ಘಟಕಾಚೆ ಆತ್ಮೀಕ್ ನಿರ್ದೇಶಕ್ ಬಾಪ್ ಹೆರಾಲ್ಡ್ ಮಸ್ಕರೇನಸ್ ಹಾಣಿ ಶಾಲ್ ಪಾಂಗುರ್ಲೊ. ಕಾಸ್ಸಿಯಾ ಘಟಕಾಚೆ ನಿಕಟ್‍ಪೂರ್ವ್ ಆಧ್ಯಕ್ಷ್ ಶ್ರೀಮಾನ್ ಜೊಸ್ಸಿ ತಿಯೊದೊರ್ ಹಾಣಿಂ ಫುಲಾಂ ತುರೊ ಅರ್ಪಿಲೊ. ಅಧ್ಯಕ್ಷಿಣ್ ಶ್ರೀಮತಿ ಡೇಯ್ಜಿ ಡಿಸೋಜ ಹಾಣಿಂ ಮಾನ್ ಪತ್ರ್ ವಾಚುನ್ ಪಾಟಯ್ಲೆಂ. ಶ್ರೀಮಾನ್ ಅನಿಲ್ ಲೋಬೊ ಹಾಣಿಂ ಘಟಕಾ ಥಾವ್ನ್ ಜಾಲ್ಲ್ಯಾ ಕಾರ್ಯಕ್ರಮ ವಿಶಿಂ ಉಲವ್ನ್ ಶಹಭಾಸ್ಕಿ ಉಚಾರ್ಲಿ ಆನಿ ಆಮ್ಚ್ಯಾ ಮುಕ್ಲ್ಯಾ ವಾವ್ರಾಂತ್ ಆಮ್ಕಾಂ ಸರ್ವ್ ಬರೆಂ ಮಾಗ್ಲೆಂ.

 

 

 

 

 

 

 

 

 

 

 

 

 

 

 

 

 

ಉಪ್ರಾಂತ್ ಚುನಾಯಿತ್ ಜಾಲ್ಲ್ಯಾ 2018-19 ಅವ್ದೆಚ್ಯಾ ಹುದ್ದೆದಾರಾಂಕ್ ಹುದ್ದೊ ಹಸ್ತಾಂತರ್ ಕೆಲೊ. ಘಟಕಾಚಿ ಅಧ್ಯಕ್ಷ್ ಶ್ರೀಮತಿ ಡೇಯ್ಜಿ ಡಿಸೋಜ, ಆತ್ಮೀಕ್ ನಿರ್ದೇಶಕ್ ಬಾಪ್ ಹೆರಾಲ್ಡ್ ಮಸ್ಕರೇನಸ್, ಕೇಂದ್ರಿಕ್ ಸಮಿತಿಚೆ ಅಧ್ಯಕ್ಷ್ ಶ್ರೀಮಾನ್ ಅನಿಲ್ ಲೋಬೊ, ಘಟಕಾಚೆ ನಿಕಟ್‍ಪೂರ್ವ್ ಆಧ್ಯಕ್ಷ್ ಶ್ರೀಮಾನ್ ಜೊಸ್ಸಿ ತಿಯೊದೊರ್, ವೀಕ್ಷಕ್ ಜಾವ್ನ್ ವಾರ್ಯಾಡ್ಯಾ ಥಾವ್ನ್ ಆಯಿಲ್ಲೆ ಶ್ರೀಮಾನ್ ಕೇವಿನ್ ಮಾರ್ಟಿಸ್, ಕಾರ್ಯದರ್ಶಿ ಶ್ರೀಮತಿ ವೀರಾ ಮಿನೆಜಸ್, ಖಜನ್ದಾರ್ ಶ್ರೀಮಾನ್ ಪೌಲ್ ಮೊಂತೆರೊ ಹಾಣಿಂ ವೆದಿರ್ ಹಾಜರ್ ಆಸ್‍ಲ್ಲಿಂ.

ಘಟಕಾಚಿ ಅಧ್ಯಕ್ಷಿಣ್ ಶ್ರೀಮತಿ ಡೇಯ್ಜಿ ಡಿಸೋಜ ಹಾಣಿ ಜಮ್ಲೆಲ್ಯಾಂಕ್ ಸ್ವಾಗತ್ ಕೆಲೊ ಆನಿ ಕಾರ್ಯೆಂ ಚಲವ್ನ್ ವೆಲೆಂ. ಕಾರ್ಯದರ್ಶಿ ಶ್ರೀಮತಿ ವೀರಾ ಮಿನೆಜಸ್ ಹಾಣಿಂ ವಂದಿಲೆಂ. ಧಿನ್ವಾಸ್ಣೆಚ್ಯಾ ಗಿತಾಂ ಸವೆಂ ಜಮಾತ್ ಆಕೇರ್ ಜಾಲಿ.