ತಾರೀಕ್ 06-11-2022ವೆರ್ ಕಥೊಲಿಕ್ ಸಭಾ ನಾಯ್ನಡ್ ಘಟಕಾನ್ ಮಾಲ್ಗಡ್ಯಾಂಚೊ ದಿವಸ್ ಆಚರಣ್ ಕೆಲೊ. ಹ್ಯಾ ಕಾರ್ಯಕ್ ಅಧ್ಯಕ್ಷ್ ಜಾವ್ನ್ ನಾಯ್ನಡ್ ಫಿರ್ಗಜೆಚೆ ವಿಗಾರ್ ಬಾಪ್ ರೊಕಿ ರವಿ ಫೆರ್ನಾಂಡಿಸ್, ಫಾ. ಜೆರಾಲ್ಡ್ ಡಿಸೋಜ, ಕಥೊಲಿಕ್ ಸಭೆಚೆ ಕೇಂದ್ರೀಯ್ ಅಧ್ಯಕ್ಷ್ ಸ್ಟ್ಯಾನಿ ಲೋಬೊ, ವಾರಾಡೊ ಅಧ್ಯಕ್ಷ್ ಸಿರಿಲ್ ಎಡ್ವರ್ಡ್ ರೇಗೊ, ಫಿರ್ಗಜೆಚೆ ಉಪಾಧ್ಯಕ್ಷ್ ಇಗ್ನೇಶಿಯಸ್ ರೊಡ್ರಿಗಸ್, ಕಾರ್ಯದರ್ಶಿ ಪ್ರಮಿತಾ ರೊಡ್ರಿಗಸ್, ಕಥೊಲಿಕ್ ಸಭಾ ನಾಯ್ನಡ್ ಘಟಕಾಚೊ ಅಧ್ಯಕ್ಷ್ ವಿನ್ಸೆಂಟ್ ಗಲ್ಬಾವೊ, ಕಾರ್ಯದರ್ಶಿ ಬೆನೆಡಿಕ್ಟಾ ಮಸ್ಕರೇನಸ್ ಆನಿ ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಡಾ. ರಾಕೇಶ್ ಸೆರಾ ಹಾಜರ್ ಆಸ್ಲೆ. ಹ್ಯಾ ಕಾರ್ಯಂತ್ 60 ಜಣ್ ಮಾಲ್ಗಡೆ ಹಾಜರ್ ಆಸ್ಲೆ. ಸ್ವಾಗತ್ ನೃತ್ಯಾ ಸವೆಂ ವೆದಿರ್ ಆಸ್ಲ್ಯಾ ಸರ್ವ್ ಮಾನಾಚ್ಯಾ ಸಯ್ರ್ಯಾಂಕ್ ಅಧ್ಯಕ್ಷ್ ವಿನ್ಸೆಂಟ್ ಗಲ್ಬಾವೊನ್ ಸ್ವಾಗತ್ ಕೆಲೊ. ಫಾ. ಜೆರಾಲ್ಡ್ ಡಿಸೋಜನ್ ದಿವೊ ಪೆಟಾವ್ನ್ ವೆದಿಕರ‍್ಯೆಂ ಉದ್ಘಾಟನ್ ಕೆಲೆ. ಜಮ್ಲೆಲ್ಯಾ ಸರ್ವ್ ಮಾಲ್ಗಡ್ಯಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಜೆವ್ಣಾ ಸವೆಂ ಕಾರ್ಯಕ್ರಮ್ ಸಂಪಯ್ಲೆ.
