ಕ. ಸಭಾ ಫರ್ಲಾ ಘಟಕಾಚ್ಯಾ ಆಶ್ರಯಾಖಾಲ್ ಅಕ್ತೋಬರ್ 2 ಥಾವ್ನ್ ನವೆಂಬರ್ 3 ತಾರ್ಕೆ ಪರ್ಯಾಂತ್ ಫರ್ಲಾಂತ್ ದಿಸಾಕ್ ಎಕಾ ಘಂಟ್ಯಾ ಲೆಕಾನ್ ಎಕಾ ಮಹಿನ್ಯಾಚಿ ಯೋಗ ತರ್ಬೆತಿ ಆಸಾ ಕೆಲ್ಲಿ.

 


ಅಕ್ತೋಬರ್ 2ವೆರ್ ವಿಗಾರ್ ಬಾ| ಪಾವ್ಲ್ ಕುಟಿನ್ಹಾನ್ ದಿವೊ ಪೆಟವ್ನ್ ಉಗ್ತಾಂವ್ಚೆದ್ವಾರಿ ವೆದಿ ಕಾರ್ಯೆಂ ಸುರ್ವಾತ್ಲೆಂ. ಮಂಗ್ಳುರ್ಚೊ ಇಂಟಿಗ್ರಲ್ ಯೋಗಾಚೊ ಸಂಪನ್ಮೂಲ್ ವೆಕ್ತಿ ಜಾವ್ನ್ ಡಾ| ಚಂದ್ರಶೇಖರಾನ್ ಯೋಗ ಶಿಕ್ಷಣಾ ವಿಶ್ಯಾಂತ್ ಸವಿಸ್ತಾರ್ ಮಾಹೆತ್ ದಿಲಿ. ವೆದಿಚೆರ್ ಫಿರ್ಗಜೆಚಿ ಉಪಾಧ್ಯಕ್ಷಿಣ್ ಝೀಟಾ ಮಿನೇಜಸ್, ಕಾರ್ಯದರ್ಶಿ ಆಲ್ವಿನ್ ಮೊನಿಸ್, ಕಥೊಲಿಕ್ ಸಭೆಚೊ ಅಧ್ಯಕ್ಷ್ ರೊನಾಲ್ಡ್ ರೊಡ್ರಿಗಸ್ ಹಾಜರ್ ಆಸ್‍ಲ್ಲೆ. ಝೀಟಾ ಮಿನೇಜಸ್ ಹಿಣೆಂ ಯೋಗ ಶಿಕ್ಷಣಾಚೆ ಗರ್ಜೆ ವಿಶ್ಯಾಂತ್ ಉಲೊ ದಿಲೊ. ವಿಗಾರ್ ಬಾಪಾಂನಿ ಆಪ್ಲೊ ಸಂದೇಶ್ ದಿಲೊ. ಕಾರ್ಯದರ್ಶಿ ನವೀನ್ ಮಿನೇಜಾನ್ ಕಾರ್ಯೆಂ ಚಲಯ್ಲೆಂ.


ಹ್ಯಾ ತರ್ಬೆತಿಂತ್ ಫಿರ್ಗಜೆಚಿಂ 36 ಜಣಾಂ ಹಾಜರ್ ಆಸ್‍ಲ್ಲಿಂ. ನವೆಂಬರ್ 3 ತಾರ್ಕೆರ್ ವಿಗಾರ್ ಬಾ| ಪಾವ್ಲ್ ಕುಟಿನ್ಹಾ ಅಧ್ಯಕ್ಷ್‍ಪಣಾಖಾಲ್ ಸಮಾರೋಪ್ ಕಾರ್ಯೆಂ ಚಲ್ಲೆಂ. ವೆದಿಚೆರ್ ಫಿರ್ಗಜ್ ಕಾರ್ಯದರ್ಶಿ ಆಲ್ವಿನ್ ಮೊನಿಸ್, ಕ. ಸಭಾ ಅಧ್ಯಕ್ಷ್ ರೊನಾಲ್ಡ್ ರೊಡ್ರಿಗಸ್, ಸಂಪನ್ಮೂಳ್ ವೆಕ್ತಿ ಡಾ| ಚಂದ್ರಶೇಖರ್ ಹಾಜರ್ ಆಸ್‍ಲ್ಲೆ. ಫಿರ್ಗಜ್ ಕಾರ್ಯದರ್ಶಿನ್ ಏಕ್ ಮಹಿನೊ ಚಲ್‍ಲ್ಲ್ಯಾ ಯೋಗ ಶಿಕ್ಷಣಾಚಿ ಸವಿಸ್ತಾರ್ ವಿವರ್ ದಿಲೊ. ತರ್ಬೆತಿ ಘೆತ್‍ಲ್ಲ್ಯಾಂ ಪಯ್ಕಿ ಫ್ರಾನ್ಸಿಸ್ ಮೊಂತೇರೊ, ಐರಿನ್ ಮಸ್ಕರೇನಸ್, ಜುಲಿಯಾನಾ ವೇಗಸ್ ಆನಿ ಸುನಂದ ಹಾಂಣಿ ಆಪ್ಲೊ ಆನ್ಬೋಗ್ ವಾಂಟುನ್ ಘೆತ್ಲೊ. ಉಪ್ರಾಂತ್ ಕ. ಸಭಾ, ಸಾಂ. ವಿಶೆಂತ್ ಪಾವ್ಲ್ ಸಭಾ, ಸ್ತ್ರೀ ಸಂಘಟನ್ ಹಾಂಣಿ ಸಾಂಗಾತಾ ಮೆಳೊನ್ ಡಾ| ಚಂದ್ರಶೇಖರಾಕ್ ಸನ್ಮಾನ್ ಕೆಲೊ. ಕ. ಸಭಾ ಅಧ್ಯಕ್ಷ್ಯಾನ್ ಉಪ್ಕಾರ್ ಬಾವುಡ್ಲೊ.